Rəhbəriyyəti nəzəku məntəğə dəvominə əmniyyəti tərkib hissə-6

Rəhbəriyyəti nəzəku məntəğə dəvominə əmniyyəti tərkib hissə-6

Xosə həmzıvonon səlom, şımə cımə ruj bə xəyr bıbu.

Tojədən ım bərnomədə İroni islamiyə inğilobi nəzəku bə co stabilə əmniyyəti co xusiyəton işorə bəkamon. Imruj Asiya Ğərbədə bıə Amerkə bazaon iyən məntəğədə çəvon təhdid icod kardey roli barədə Həzrəte Ayətullah Xameni nəzə bəyon bəkamon, şıməni dəvət kardəm de Tolışi Rədio bə ico bımandən və bə ımrujnə bərnomə quş bıdənən.

Əzizə əməson, islami kişvəron və milləton miyono təfrəğə icodəkə cərəyonon vədə huşinəti oqətey, İroni Yolə Rəhbər Həzrəte Ayətullah Xamenei muhimmə sıxənon və təkidonku qıləyni bə hisob omeydə.

Həzrəte Ayətullah Xamenei, 1398 minnə sori Abanə manqədə, islamiyə vəhdət iclosədə bə məntəğədə Amekəvıjon iştiroki bevəcə təsiron bənə noəmni, şər və fəsod işorə kardeşe və hamiyəşe: " çəmə məntəğədə Amerkə iştirok ğərəz şər, fəsod co nəticəş nıbe, ım məntəğədə çəvon iştirok, bevəcəti iyən şəri vardəşe. Har vırə ki ğədəm peqətəşone ə vırədə ya noəmni icod bıə, ya daxıliyə canq, və ya co koon bənə DAEŞ-i icod karde”.

Dəvardə soronədə Asiya Ğərbədə ım məsələ kamilən oşoko be.

Bə İroni ələyh İraği canq bino bey zəmonədə, Amerkə milliyə əmniyyəti mışovir, Berjiniski, “says piko” nomo bıə mığovilə isloh kardey zərruriyətiku xəbəş do və çəy dumoədə bə Amerkə mudafiə vəzarətxonə əmri əsos, Bernard Lois məmor bıə ki ıştə xəbisə plani icra ko, həmonə plan ki Ərəbi və İslami kişvəron miyono bıə ğanuniyə vəhdəti məhv kardey barədə be.

Im xəbisə plan, İrağ, Suriyə, livan, Misr, Sudan, İron, Tırkiyə, Əfğaniston, Pakiston, Səudiyə Ərəbiston və Afriqa Şimol və Fars Dıyo məntəğə kişvəron şomil be.

Əmmo ım əməliyot çı Amerkə yeqanə əməliyat nıbe. Miladi 2003 minnə sorədə, Sudan kişvərədə və “DAFOR” nomo bıə canqtələbə ğovmon, de bə ım kişvəri ərəbə kaştımonon və dıvləti təsisaton və mərkəzon həmlə kardey vositə, 21 minnə əsrədə vey xuninə behranonku qıləyni icod kardışone. Qıləy behron ki de mərkəzi dıvləti vey rə reaksiya nışo doey vositə, har ruj və dəvardəku vey nığıl iyən şiddətin və nəhayətədə ım kişvəri co bey bois be.

Əzizon, Sudani behron və nəhayətədə ım kişvəri çand poə kardey, ım məntəğədə Amerkə iştiroki nəticə bə hisob omeydə. Im məsələ bənə istemori plan, ıştə iminnə mərhələ de muvəffəğiyəti dəvardedə və Amerkə be ım ki xərc bıkə və ya hətto məntəğədə  mıstəğim mıdoxilə ko, Sudani cənubə çokə məntəğə “xartom” nomo bıə islam tələbə dıvləti işğaliku, xarıc kardışone.

Co tərəfiku Miladi 2007 minnə sorədə Amerkə senat, de qıləy plani ğolib, İraği kişvər bə 3 qılə sınni, şiə və kurd sakin bıə məntəğəon təğsim kardeşe və bə ım məntəğəon mıstəğil bey unvan doə bıə.

Im plan ki de Cozef Baydeni vositə bəyon bıə və Miladi 2003 minnə sorədə İraği kişvəri işğalçiyəti behranon xarıc beyku qıləy təklif bıə plan elan bıə, bə nışoş do ki məntəğədə təcziyətələbəti hətto de Amerkə ğəyre əmniyyəti təşkilaton vositə həm ğəbul bıə.

Im məsələ nışo doydə ki  dəvardə soronədə və tojə əsri bino bey mıddətədə, Amerkə rəsmi şəxson nəzəku, məntəğə kişvəron çand poə kardey vey əhəmiyyətışe, və bois bəbe ta ım barədə sənədon vey muhimm bıbu, çəvonku əcumlə “Bernard Lois” nomo bıə plani sənədonin ki 1980 minnə sorədə Asiya ğərb və Afriqa məntəğəonədə təcziyəro icod bıə.

Beynəl xalğə məsələon koşınosonku qıləyni, Muhəmməd Şahsəvəni  bə Amerkə iştiroki hədəfon və çəvon nizomi hərbi bazaon ki məntəğədə be stabiləti bois bıə işorə kardışe və votışe:Amerkə, Asiya ğərbədə mıstəğim və ğere mıstəğim surəti vey hərbi bazaon soybe ki ım bazaon bə istesmor rosniye zəmonədə, iddio bıə ki çəvon bə istesmor rosniye hədəf, məntəğə əmniyyəti təmin kardeye, əmmo torix nışo doəşe ki məntəğədə Amerkə hərbi iştiroki əlovə bey fəğət məntəğədə be stabiləti və behronon vey bey nəticəş be.

Əmmo xosə əməson, Amerkə bəştə məğlubiyəton iyən zərəl-ziyonon xoto, məvuji zohirədə pidəşe ıştə hərbion məntəğəku xarıc ko, əmmo əmələdə de xəbisə planon vositə dılış heste ım kişvəronədə bımando.

Əzizə duston, 1398 minnə sori Xordadə manqədə, İslamiyə kişvəron səfiron və nizomi rəsmi şəxson cəmədə, İslamiyə inğilobi yolə Rəhbər hamiyəşe: “ har vırə ki i ruj İnqilisi siyasəton, və ımruj islamiyə kişvəronədə Amerkə varid be, ım xəbisə plan və finəon icod bəbe, həm islami kişvəron miyonədə ixtilof, həm deşməni və nifrət, və həm qıləy kişvərədə jıqonə çion.”

2 minnə yolə mıhoribə bəpeşt, Amerkə ıştəni yolə zumand və dınyo polis təsəvvur əki əmmo tojədən və dınyoədə Amerkə həşi ğurub kardeyku vey sıxənon votey bıdə, bə çəy xoto ım kişvər səyo cəhd kardə ki tojə senari yəni terrorizm icod kardey və çəy dumo ıştəni həminə terrorizmi vədə Rəhbər nışo doey roli vositə, ıştə məhv bıə heqemonəti tojədən ba dast bəvardə.

Həminə cəhətədə, bo Sərdor Suleymani terror Trampiro de Amerkə heqemonəti təxir dəğande mənodə be, əmmo Amerkə de ım cinoyəti vositə nə ın ki bəştə hədət nırəsə, bəlkəm oşko surəti ım məsələ, məntəğədə Amerkə iştiroki bə oxo rosniye əvəz kardeşe.  

Səmimi həmzıvonon bə ım bərnomə quş doe xoto şıməku təşəkkur kardedəm,dəvət kardəm de Tolışi rədio bə ico bımandən və bə co bərnoməon həm quş bıdənən.