De koqəron iyən muəllimon ruji mınosibəti İnğilobi Yolə Rəhbəri mesaj
Bismillahir-Rəhmanir-Rəhim Ordibeheştə manqi 11 və 12 minnə rujon rujoni hestin ki koqər və muəllimı məğamiku təğdir bə əməl omedə.
Simvolin iyən zıvonədə təclil kardeku kəno ki ıştə vırədə qıləy səhihə koy, ha məmləkəti inkişof bə elm və əməlı kəşon anqıle.Muəllim ım hədəfi bə nəticə rosneyu əvvəlnə mərhələdə rol ifo kardedə.Elmi təlim doe qonə məsuliyyət, məhorəti ve karde iyənfiki inkişof doe muhimmə baxş eyne holədə omə nəsli şəxsiyyət ğolibi soxte bə çəy ehdəy.Şoqirdon iyən tələbəon və diniyə tələbəoni ki ha muəllimi kənoədə inkişof kardedən qıləy nezə zəmanədə ıştə təlim vində məhorəton və omotə elmon bə ko qəteədə və ıştə əxlağ, rəftor və kəlomədə mıxtəlif vıronədə ailə qamə atmosferiku qətə tosə ko məhəl və kuçə və xıyabanonədə bənə qıləy oveynə ıştə muəllimi rəftoron və qəpon nışon bədon.Co tərəfədə ko meydon qıləy hevojə meydon bə məmləkəti hevojəti ki kəon, idarəon və kəsb və ko dıləku qətə tosə məçiton və ditəsərrofati zəminon,fabriyəon iyən zavodon və mədənon və mıxtəlif koon və fəoliyyətonədə mışohidə bedə.Ha miğdor ım yolə meydon veyə cəhd iyən təəhudi unsuronku ki har qıləy yolə səbarzəti sotononku bə hisob omedə ve bəhrə bıbə, məmləkəti inkişof ve iyən çok qarant bəbe.Zındəmon ki qıləy koqər(fəhlə) təəhod iyən ıştə çokə əməlon sayədə qah jıqo erj bə dast vardedə ki ləyoğət pəydo kardedə bənə qıləy məhəbbətış bıə muəllim və ostad çəy hınəmand və zumandə dasti təşəkkur karde xoto məç bıkəmon.Əlbəttə ım qıləy məsələy ki ha şəxsi əvvəlnə muəllimon yəni pıə və inə və çəy bəpeştə , muəllimi erjinə məhzəri dərəseədə təmin bənine.Im ki İron İslom Respublika 27 sorisə vedıştə mucahidəton və bə Xıdavəndə Xalıği yoliyəti peşt pur beədə hərbiyə canqədə ə deşmenonədə ki çəvon inkişof və nav şeədə deşmenətişon heste , ıştə zumandə ğıvvə qıləy baxşışon bə dınyo sobotışon karde,ixtisadi və mədəniyə cihad mərhələdə həm bəpe əvoni na ommid və de məğlubiyət dim bə dim bıkəmon.Mədəniyə canqədə muəllimon həmməysə ve təsir bınə halğə və koqəron (fəhləon) ixtisodiyə canqədə həmməysə ve zumand iyən təsir bınə unsur hestin jəqo ki idda karde bəznemon ki ım 2 qılə mədəni və ixtisadiyə meydoni sutun bəhisob omedən.Boçimi əsosi lozıme bəştə xususiyə məğam iyən erji əhəmmiyət,qıləy ko iyən vəzifəku bəpe ki fəaliyyət karde vədə qıləy maş sedən ve çok aqah bıbon.Həmçınan ki bəpe ım məsələdə bərobər dığğətımon bıbo ki bə sornə ya ha kənə zıvonədə təclilon hər çand çoke əmmo ım 2 qılə zəhmət bıkəşə dastə cəhdonku ğədrdanəti karde bəpe çı həddiku nığıl iyənve əməl bıbo.Az təsəvvur kardedəm jəqo ki ironi əzizə millət , meydon və xiyabanonədə ıştə məmləkəti hərbiyə ğıvvəku ve çok himoyə kardedən ləyoğətin bəbe bə muəllimon və fəhləon komək kardeədə həm ıştəku ve zumand peştpurəti iyən komək nışon bıdən.Mincumlə şoqirdon və tələbəon ailəon, məktəbon və ali məktəbonədə həmkoəti karde bəpe nakonəsə ve bıbo,eyne holədə bəpe məmləkəti daxilədə bə istihsol kardə molon məsrəfi əhəmmiyyət doeədə koqəron və istihsol əkonku himoyə bıkəmon, xususi ziyan vində kəsbı koon xıvandon ıştə fəhləon və koqəron kam kardeku bə kəno bımandon,çı istihsol əkə mərkəzon və çı xıdmət ərosnə mərkəzon.Və har qılə koqər (fəhlə) ıştə istihsol və xıdmət əkə mərkəzon sərvət hisob biyən və əlbətdə ehtırominə devlət imkon bıə miğdorədə çı xəyr tələb bıkə əməlonku himoyə kardedən.Əzizə İron həmçınan ki çandə soron fəoliyyət kardeədə qıləy hərbiyə ğıvvə vırədə oşko bə , İnşallah de Xıdo yoliyəti islomiyə ironi şəxsiyyəti xətton rəsm kardeədə iyən de muəllimon və məşğçion dasti çı məmləkəti cıvonon zehnonədə əvoni bə riyə eğandeədə eyne holədə daxilədə bə istihsol kardə məhsulon istifodə əhəmmiyyət doeədə ki ironi zəhmət əkəşə koqəron fəoliyyəton nəticəy bə inkişofı barzətion səmt bışəmon və ım əlbətdə de çəmə Yol (əc) xəyrə dıvo iyən bə meydon dəşeədə xəyli rəv iyən çokə şərayitədə bə nəticə bərəse de Əllah Təala izni Vəssəlamu Ələykum və Rəhmətullah və BərəkatuhSeyd Muctəba Huseyni XameneyiHəşi 1405 ordibeheştə manqi 11
