De İnğılobçiyə rəssom Nadir Talibzodəbəfoti əloğədor
De İnğılobçiyə rəssom Nadir Talibzodəbəfoti əloğədor
Xosə Tolışon səlom, şımə ruj bə xəyr bıbu, əzizon Urdibeheştə manqi 9, iyən cımə rujədə, İroni kino rejissor, artist, televiziya icrokor, produser iyən sənədinə filmi rejissor, Nader Talebzodə bə rəhmət şə. Mərhum Talebzodə 69 sor sinnədə iyən iron İslam Respublika hınə iyən mədəniyəti hədəfon royədə xalısonə iyən rostinə cəhdon əncom doe bəpeşt bə rəhmət şə. Imruj pidəmone ım yolə şəxsiyəti jimon və çəy əsəron barədə sıhbət kəmon. Dəvət kardəm dəmə bə ico bımandən.
Mehribonon, Nader Talebzodə Ordobadi İroni televeziya icrokor, produser iyən rejissor və (Ufuğe no) nomo bıə beynəl xalğə onemoni və Əmmar filmi festivali katib be. Şəmsi 1332 minnə sorədə, Tehronədə Talebzodə bə dınyo omə, iyən ıştə cıvonəti əyyomədə təhsiliro bə Amerkə şə. Əv Randolf Miken universitiku enqilisi ədəbiyoti lisansi dərəcə iyən Kolumbiya universitiku kino rejissorəti maqister dərəcəş bə dast varde(qəte). əmmo Talebzodə de İron İslam Respublika səbarzəti həmzəman bə İron oqardeşe, və İroni televeziyaədə ıştə hınə fəaliyəton de sənədinə filmon soxtey vositə binoş kardə. Kino rejissori təlim islami mərkəzədə təlim doe və islamiyə mədəniyəti vəzarətxonə kino baxşədə mıtoliə iyən təhğiğon mərkəzi mudiriyət, əcumlə çəy fəaliyətonku bə hisob omeydə.
Əv çand vaxt, de Amerkə CBS kanali həmkarətiş be əmmo ğərbi mediyaon tərəfo İroni xəbəon, çok surəti pevlo nıkardey xoto, ım kanaliku co bıə. əv çı Amerkə mediya siyosəton daimən tənğidəkəyonku be iyən İroni televeziya bərnoməonədə bənə kino iyən mediya koşınosi iştirokış be.
Isət bə çand qılə çəy əsəron işorə bəkamon. (Beşarəte Monci) nomo bıə seryol ki de islam və məsihiyət mıştərikə baxşon əsosi soxtə bıə və bə Həzrəte İsa(ə)-i jimoni işorə kardedə. Nader Talebzodə Bosniya canqədə iştirok kardey xoto, vey faxt be ki, çı Amerkə sanksiyaon siyohiədə ğəror qətəş be. Çəy sənədinə filmon veyni, Amerkə hukuməti həğiğiyə sima oşko kardedə. Im sənədinə filmonku karde bəbe bə Amerkədə (Saəte 25), Bosniyaədə (Xəncər və şəğayeğ), Serbiyaədə(Royeş dər atəş), Almaniyaədə (Bidade Xamuş), Hindıstonədə (Rəhavərde Hınd), Avropaədə (cəhan dər intizor) işorə kəmon.
De ım vıcud ki vey kəson Talebzodə bənə rejissor zıneydən əmmo əv co zəminəonədə həm vey fəaliyəton əncom doəşe, və ğərəz rejissorəti, kino iyən televeziyədə, bənə ənıvışt, redaktor, produser, icroəkə, və filmkəşə kəs həm fəaliyətış kardə. (məsih), (toi ke nemişenaxtəmət), (lalə) iyən (dəsthaye xali) əcumlə kino əsəronin ki Talebzodə çəyədə həmkariş be.
Əmmo Talebzodə vey muhimmə fəaliyətonku qıləyni, İroni televeziyaədə, (Əsr) nomo bıə bərnomə be ki ım bərnomə həmonə bərnomə be ki Talebzodə vey soron çəy dumoədə be, ım bərnomə, istikbori vədə mubarizə berdey şəxson qırdə beyro, qıləy zancir iyən pard be. Həlbətə Talebzodə (Ufoğ no) nomo bıə onemonədə həm həminə hədəfi dumoədə be. Qıləy onemon ki çəy əvvəliku bənə (halivodism) bino bıə əmmo çand vaxt bəpeşt, çəy nom əvəz bıə iyən de muxtəlifə kəson qırdə kardey vositə, bə sioniston həğiğiyə sima təbyin kardey fəaliyəti məşğul be.
Əmmo (Əmmar festivalədə) Talebzodə koon bənə vey muhimmə fəaliyəton zıneydən. Qıləy festival ki qim bıə cıvonon fəaliyəton barədə icod bıə ta əlovə bə cıvonon prosniye, çəvon, bə kino iyən televeziya səmti cəzb bey qıləy ro bıbu. Talebzodə həminə festivali barədə votışe: həmişə dılım be ki ğərb iyən İronədə ıştə kəsb kardə təcrubəon cıvonon ixtiorədə ğəror bıdəm, həmonə cıvonon ki muvəffəğ nıbıən mediya çokə royədə hərəkət kon. Əmmar festival muvəffəğ bıə İonədə ım koy əncom bıdə, və vaxti ım yolə ko bə mı aspardeşone, vey de meyl iyən eşği əy ğəbul kardeme. İşorə kəmon ki ım festivali vey muhimmə xusiyət ıme ki ha şəxs deştə şəroyeti həmohənq karde bəzne çəyədə iştirok ko.
Tosə bə ısət, Əmmar festivaliku 12 dıvrə bərpo bıə. Talebzodə ım festivali barədə votışe: “ namə canqi baxşədə, Əmmar qıləy vırə iyən baxş be ki vey çokə təsir nodəşe, Əmmari barədə bəpe bıvotəmon ki çəyədə islami inğilobi oqətəkəson iyən mudafiəkəyon və yolə şəxsiyəton qırdə bıən.
Im rejissor iyən sənədin soxtə, çı Amerkə mediya siyasəton daimən tənğidəkəyonku be və etığadış be ki Halivud de kino əsəron soxtey vositə, səyo cəhdış heste ki İron iyən İronıjonku botilə sima nışo bıdə. Əv qıləy mısohibədə votəş be: həminə barədə vey muhimmə məsələ bə İroni ələyh, həmmə tərəfiyə təziğonin. 2 minnə dınyo yolə mıhoribəku tosə bə ısət, həmişə Amerkə tərəfiku ım təhdidon iyən sanksiyaon əncom bıə. colib ıme ki həmmə ım təhdidon bə İroni barədə, fərziyəon iyən ehtımolonin, məsələn əvon fik kardedən ki İron atomiyə enerjiku, sulhomiz surəti istifodə kardış pidəni. əmə bə hiç qılə ım fərziyəon diğğət kardedənimon və de xuşbəxti İron ım zılmon vədə muğavimətış karəd. əmmo deşmənon ıştə millət iyən co kişvəron milləton tocih kardeyro bə xəbisə planon səmti şeydən. məsələn de (Arqo) nomo bıə kino soxtey vositə ki cəhd kardeşone bə milləti fiki təsir bınən.
Nader Talebzodə, Halivod kino barədə votəş be: Halivud kino fəğət qıləy sənət ni, bəlkəm qıləy hərbi stratejikə əbzore. Məsələn Halivudədə vey filmon ki Vyetnam canqi bəpeşt soxtə bəy, Amerkəvıjon məğlubiyəti ruhiyə oqardero soxtə bıə ta canqi bəpeşt çəvon ruhiyə ijən çok bıbu. Halivud kino qıləy zumand iyən cozibədorə əbzore ki ımruj çəy hədəfon komilən təyin bıə hədəfonin. Və kinoədə de mahbub iyən cozibədorə artiston istifodə kardey və siyosi hədəfon vositə, vey təsirinə foydə bardedən.
Mərhum Talebzodə eteğadış hest be ki de namə canqi mığubilə kardey, əvvəl bəpe ım namə canqi xusiyəton analiz bıkəmon iyən aqah bıbəmon. Həmçınin bəpe dəvardə zəmoniku vey, bə mediyaon diğğət kəmon iyən xarıci mediyaon duə mətləbon pevlo kardeyədə daxıli və beynəl xalğə fikon aqah kəmon. əv eteğadış be ki İronədə namə canqi zumandə mənbəon, (islami ideoloqiya), (Rəhbəri nıfuzi ğudrət), (ğəhrəmonətion icod kardey) və (bə hukumət, Milləti bəfodorətiku) iborətin ki karde bəzne ğərb iyən sioniston həmmə tərəfiyə həmlə vədə İroni millətiku mıhofizə ko.
Səmimi həmzıvonon bə ım bərnomə quş doe xoto şıməku təşəkkur kardedəm,dəvət kardəm de Tolışi rədio bə ico bımandən və bə co bərnoməon həm quş bıdənən.
