İmom Sadıği(ə) şəhodət
İmom Sadıği(ə)şəhodət
İmom Sadıği(ə)şəhodət
İmom Sadığ(ə) Hicri-Ğəməri 83-ə sori Rəbiyul-Əvvələ manqi 17-ə ruji Mədinə şəhrədə bə dınyo çəşış oj karde.çə həzrəti buzurquvarə pı İmom Məhəmməd Bağır(ə) iyən çəy erjinə inə Ummu Fərvə çı Ğasım ibn Məhəmməd ibn Əbi Bəkre.çə həzrəti nom Cəfər və məşhurə ləğəbış həm Sadığe.
İmom Sadığ(ə)bənə Xıdo-Rəsuli(s) əhli-beyti coqlə şəxson bənə zehd,infoğ,elm,hikmət iyən mərıfəti bıə barzə əxloği sıfəton soyb bıə.Məhəmməd ibn Təlhə çı əhli-beyti həmməysə yolə şəxsonku bıə İmom Sadıği(ə) bənə qıləy ziyodə elmi,veyə ibodəti,zehdi və Ğıroni tilovəti soyb bıə şəxs tevsif kardəşe.ə həzrət çı insonon hidoyətış de elmi nəzəş bino karde və ıştə fiki iyən səmərə doə sahə ki,yolə mıtəfəkkiron iyən alimon çəyku xaric bıən,camiyədə təsisış karde.....
Qıləy zəmon ki,Şiyə vey yavə şərayitədə ğərolış qətəbe və jıqo qıləy tars hestebe ki,həyğiyə İslom bənə bəni-uməyyə və ya bəni-əbbosi islomi formə təğdım kardey bıbu.İmom(ə) hevujə şikilədə mədəni hərəkətonış bino karde və de islomi həyğiyə maarifon bərpo kardey koy məşğul be.İmom Sadıği(ə) məktəbi məhsul bənə Hişam,Məhəmməd ibn Muslim və sayriə bıə ço həzo mıtəxəssisə alimon mıxtəlifə elmonədə perosney be və çı İslomi hevujə məmləkəton həmmə vıronədə pevolo bin.İmom Sadığ(ə) əshobon miyono fərdon həm mevcud bin ki,çə həzrəti elmi iyən rəvoyi əsəron muhafizə koyədə onıqnə və dayimi surətədə səyışon kardə və ıştəku qıləy şucoətışon nışon doə.ım şiəyon bo İslomi umməti qıləy yolə elmi xəzinəon bin və de şiddəti əvon bə İmomi(ə) qıləy məhəbbətışon hestebe.joqo ki,İmom Sadığ(ə)hamyedə:”ə şiəyonım piyedə ki,ağılmand iyən fəğih,səbrəkə iyən mıdoro əhl,sadığ iyən vuğarin bıbon”.həyğətədə çın şoqirdonku har qıləyni İmom Sadıği(ə) məntıği rəvoyət kardə kəson iyən çı Şiyə rostə məzhəbi elmi iyən dini muhafizəkəyon bin.co tərəfiku həm bə mısılmınon miyono vironəkə iyən anti İslomə fikon nufuzi mane bıey xoto,ıştə dasto omə cəhdon kardedəbin.jıqo qıləy bəyjiəkə ideoloji məktəbi təsis kardey bosiy be ki, İmom Sadığ(ə) bənə Cəfəri(Təşəyyu) məzhəbi rəyisi unvoni məşhur bıəbu....
