Canq iyən hınə əsəron icod kardey imkon
Canq iyən hınə əsəron icod kardey imkon
İraği Bəəsi rejimi bə İroni ələyh həşt sornə canq bə mıdofiyə cəhəto dəlili xoto,de Mığəddəsə Mıdofiyə məşhur be.ım həşt sornə canq bə İroni ədəbiyyot iyən hınə ziyodə təsironış bıə və ım bə Mığəddəsə Mıdofiyə mevzu ayid əsəronış xəlğ kardey səbəb bıə.qıləy fırsət ki,ım canq çı hınə soybon ixtiyorədə ğərolış doe,çı iştimoyi hodisəon kam pəydu bıə nımunəonkuye ki,ısət həm çıl sor zəmoni dəvardey bədiqə,bəy qıləy tənğıdi nəzə kardey bəbe....
Odəmi jimoni har qıləy devrədə muhim iyən dıjdə hodisəon ıştəku kam ya ziyodə təsiron noydə.hınə de çın hodisəonku təsir peəqtey çəy barədə ıştə rəvoyət iyən sehbətış bino kardə.canq min cumlə çə hodisəonkuye ki,çı jimon iyən dınyo həmmə mıxtəlifə cəhəton ıştə təsiri jiyədə ğərol doydə.hınə de tosə ıştə istiğloli bənav canqiku rəvoyət kardedə,əmmo mıstəğilonə surətədə bə ideya istehsoli nəzə kardedə və hınə əsəron xəlğ kardedə,çı canqi mığobilədə mandedə və çı rəvoyət kardey əvəzi,de canqi yavə çehrə və deçəy əvəzış benışə iyən mənfiyə təsiron məşğul beydə.
Qahi zəmon xotırəon çı qardı-ğubori dılədə mandedə və çəy bo həmonə qardı-ğubori təmiz kardero bıə səyon bə nəticə rəseydəni.deməkə ki,kulli xotırəon bəyod vardey bəbe,əmmo əksərən çəy cuziyyot iyən detalon çı viro beşey mumkine.Həşi 1361-ə yəni 1982-ə sore.Xurrəmşəhri ozod kardey və deşmıni çı inə sərzəminku bə dumo pekırney,milli id iyən camaati həyəconi və şevği bə yod dənoydə.Həşi 1367-ə (Milodi 1982-ə)sore.deşmın de daxili muzdur iyən terroriston bə ico,çı həm tədarukışon vinde və deştə qırd hərbi ğudrəti və həmçinin əvon deştə ğərbiyə himoyədoron koməki bə kişvəri ğərbi səmti hucumışon bino karde.hənuz və hələ bəvaxti bənə ısətnə zəmoni çı irtibot iyən kommunikasiyə avjoron mevcud nıbe.deşmınon iyən çəvon mınofiğə mərkəzon etosniye beydən.əmmo çəvon hərəkətonku xəbədo bıey xoto,fəğət əyuo şıey iyən vindey çorə mandəbe.çən,məcburiş bə canqi meydon bışoş və çı neziku əy bıvindoş.çı caddə və roon dı tərəfədə çı deşmınon məhf bıə iyən sutə tasnkon və maşinon vindedəş.çəvon miyono qahi zəmon duyəvulə həm bə həvo beşeydə.məseydəş ki,votedən çı hucuməkə deşmıni ğıvvon kali qıləyniyon fərol kardəşone və çı bandı-kuyon miyono sərqərdonin.qamə tovostone və vəşi bu iyən qamə həvo ıştı vinış öur kardə.çəy bədiqə tı ım bu hiç qıləy vırədə hissı kardəni.əmmo tı həm çı qamə həvoku bezo bıəş və həmən çı vəş qətə otəşi buyku.
Həşi 1370-ə so(Milodi 1991-ə)sore.canqi bə oxo rəseyku se sor dəvardə və ısət çəy bino bəey sorə qardışədə bə cənubi cəbhəon şeydəş.əyo hənuz iyən ısəthəm çı canqi abo-həvo mandə və çəy təsiron həm hiss kardey beydə.millət harçənd bəştə şəhron oqardən,əmmo əvon iyən çəvon kə-bəon həm bənə navkonə soron ni.ğəmi devron bə oxo rəsə və harçənd bə ziyodə saxtiyon təhəmmul kardəşone və tov vardəşone,əmmo ısət şo və xoşholin ki,deşımınışon bə du tojnəşone və ıştə şəhron və diyon ozod kardəşone.
