Osmoniyə surəon-30

Osmoniyə surəon-30

Həyğətən,Xıdovənd veyə vırəono bəşməş koməq karde iyən Huneyni ruji(ijən bəşməş koməq karde).bə zəmon ki,şımə ləşkəri ziyod bıey şımənış məğrur karde.əmmo,şımə nəfəron miğdori ziyod bıey boşmə hiç qıləy foydəş nıbe iyən zəmin deştə ın həmmə her-hevujəti boşmə tanq be.çən,şımə ıştə peşton karde bə deşmoni fərolon karde.(25)

Qıləy ruj ki,(bənə Bədri cabqi)çı mısılmınon nəfəronku kam be,Xıdovəndi əvonış coyli nıoqətışe və bəvon koməqış karde.həmonə ruj ki,çəvon cəmyəti  ziyodəti bə məğrurəti iyən təəccıbi boyis bıəbe,əmmo ın ziyodə cəmyəti bəçəvon dardi dəvoş nıkarde.ha holədə fəğət Xıdovəndi rosnə koməq be ki,oxoyədə bə mısılmınon səbarzəti  

Peşo Xıdovənd ıştə oromətiş bəştə peyğombəri iyən mominon nozil kardeşe iyən ləşkəronış vığandeşe ki, şımə əvonon nıvinde və bə kofironış əzob karde və ın çı kofiron cəzoe.

Çı səkinə iyən oroməti nozil bıey,ilahi iyən osmoniyə nemət be ki,çəy şua jiyədə,inson de vey muşkilə hodisəon dim bə dim omeyədə həm,ıştə daxilədə qıləy  oroməti iyən xatırcəməti hiss kardedə.

Muhimmə nuktə ıme ki,mısılmınon bənə Huneyni canqi bıə hodisəon təcrubə kardənin bin iyən bəbe bızınon ki,çəvon mığdori vey beıy,bəbe bəçəvon məğrurəti boyis nıbu.fəğət ziyodə cəmyət bə qıləy dardi dəvo kardedəni.muhimmə məsələ ciddi iyən imoninə şəxson perosneye,harçənd əvon kam həm bıbon. çoko ki,qıləy qədə dastə Huneyni canqi taleş əvəz karde.fərdon bəbe de imon,istiğamət iyən fədokorəti rufi perosney bıbu iyən çəvon dılon çı ilahi səkinə və oroməti mərkəz bıbu ta çı jimoni saxti iyən kaxtiyon mığobilədə bənə qıləy ğoymə bandi bımandon.

Çəvon molonku sədəğə(zəkot)bıstən ki,deçəy vasitə əvoni çı pəxıləti və dınyopərəstətiku) pokkə iyən əvoni perosın(ozavz) iyən bəvon səlom bıvğand(dıvokə).zira,ıştı dıvo bəçəvon oroməti bois bedə və Xıdovənd əməs iyən əzıne.

Bın ayədə qıləy kulliyə ğanun və usuli formədə bə peyğombər(s)-i əmr kardey bedə ki,çı milləti molonku i hissə sədəğə,yəni zəkoti nomədə bıstəno.çən,peşo bə zəkoti əxloği,psixoloji iyən sosyal fəlsəfə nəzə kardə holədə hamyedə:de ın ko tı əvoni pok bıə iyən perosniyə bıə bəvindeş.əvoni çı əxloği rəzilətonku,dınyo pərəstətiku,pəxılətiku iyən  simicətiku təmiz bedən və bəvonədə səxovət,humanizm iyən ıştə nevi piye toğə perosniye bedə.