Osmoniyə surəon-32

Osmoniyə surəon-32

Yunisi mıborəkə surə Kərimə-Ğıroni daminə surəy ki,Besəti sıftədə Məkkədə nozil bıə.ın surə Məkki surəonkuye iyən sa nəv qılə ayəş heste.

Yunis ilahi peyğombəronku qıləyniye.Kərimə-Ğıronədə ço kərə Yunisi nom omə.çın surə nəve həştminə ayədə bə Yunisi nomi işorə bıə.liza çın surə nomışon Yunis noəşone.

الر تِلْكَ آيَاتُ الْكِتَابِ الْحَكِيمِ1) 

Əlif,Lam,Ra.ın çı ğoym iyən həkimə kitobi ayəonin.

أَكَانَ لِلنَّاسِ عَجَباً أَنْ أَوْحَيْنَا إِلَى رَجُلٍ مِّنْهُمْ أَنْ أَنذِرِ النَّاسَ وَبَشِّرِ الَّذِينَ آمَنُواْ أَنَّ لَهُمْ قَدَمَ صِدْقٍ عِندَ رَبِّهِمْ قَالَ الْكَافِرُونَ إِنَّ هَـذَا لَسَاحِرٌ مُّبِينٌ (2) 

 Aya bo camaati vey təəccubine ki,çəvon ıştəniku bıə bə qıləy merdi vəhy kardemone ki,bə milləti çəşnavi(xəbərdorəti)bıdəy iyən bə mominon bəşorət bıdəy ki,boəvon çəvon pərvərdıqori tono çokə vırəşon heste.kofiron voteşone: ”bərosti ın merd qıləy ojə-oşkoə caduqəre.” (1-2).

Kərimə-Ğıroni de Həkimi nomi zikr kardey,bımi işorə kardedə ki,çəy ayəon jıqo qıləy ğoyməti, nəzm iyən hisobış heste və bəy hiç curnə botıl iyən xorafat varid bıəni.fəğət həx votedə iyən fəğət bə həxə roy tərəf dəvət kardedə.

Çı mışrikon dayima qətə irodonku qıləyni ımbe ki,çıro osmoniyə vəhy bə firiştə nozil bıey əəvəzi, bə insoni nozil be? Kərimə-Ğıron  votedə:aya bə milləti təəccıbi boyis bedə ki,bəçəvon ıştəniku bıə qıləy şəxsi mələk nozil bedə? yəni rəhbər iyən ro nışon doə kəs,bəbe ıştə tərəfdoron ıştən cinsiku bıbu,çəvon dardon bızıno iyən çəvon ehtiyoconku aqah bıbu.ehanə jıqo nıbu,bəçəvon dardon iyən ehtiyoconku bexəbəti və bəçəvon problemon nızıne xoto,əv boəvon rəhbərəti kardey nibəzıne.oxoyədə votedə:kofiron voteşone ın merd oşkoə sehrboze.əvon həyğtədə çı pəyğombər(s)-i oşkoə mecuzəon iyən ecozkorə sıxanon mığobilədə qıləy ğaneəkə cəvobışon nıbe ,əve çı Kərimə-Ğıroni mecuzəon sehr hisob kardedəbin.

Yunisi mıborəkə surə mehtəvo iyən məzmun ziyodə vırəonədə çı tohid,Ğıroni həx bıey,bə mışrikon tars doey,bəçəvon şubhəon cəvob doey,Xalığ iyən xılğəti əzəməti bəyon,dınyo sabit nıbe iyən bə axırti dığğət kardey lozımətiku bəhs kardedə.ın surə bənə ziyodə surəon Məkki surəonkuye ki,bə çandə qılə əsosinə məsələon təkyə kardedə ki,çəvonku həmməysə muhmmə qılə məbdə iyən miadi məsələy.bın surədə çı peyğombəron jimoniku i hissəku həm nəğl kardedə.