Osmoniyə surəon-33

Osmoniyə surəon-33

Yunisi mıborəkə surə 7-8-ə ayəon çı miad iyən insonon co qılə dınyoədə bıə taleku bəhs kardedə.deəmə vindemon kardey umuşon nıbə fərdon iyən fəğət  bə dınyo jimoni rozi bıə iyən bəy xatırcəm bıə kəson, həmçinin çəmə ayəonku ğafil bıə kəson,çəvon vırə cəhəndımi otəşe.bə miadi bovə nıkardey nəticə ,bə ım məhdudə dınyo dıl dəbaste,maddi məğamon və bəy təkyə kardey iyən bəvonədə bə mıxtəlifə mırdolətiyon giriftor beıye. həlbəttə, çımon mığobilədə co qılə qrup ğərol qətəşe.joqo ki,hamyedə:

إَنَّ الَّذِينَ لاَ يَرْجُونَ لِقَاءنَا وَرَضُواْ بِالْحَياةِ الدُّنْيَا وَاطْمَأَنُّواْ بِهَا وَالَّذِينَ هُمْ عَنْ آيَاتِنَا غَافِلُونَ (7) 

 Həyğətən,de əmə vindemon kardey umudəvo nıbəkəson iyən(fəğət) bə dınyo jimoni dıl dəvastə və deəy orom bıə və bəy təkyə kardə kəson,ijən çəmə(ğudrəti)nışonəonku ğafil bıə kəson.

أُوْلَـئِكَ مَأْوَاهُمُ النُّارُ بِمَا كَانُواْ يَكْسِبُونَ 8) 

 Əvon bəştə əməl kardə çiyon xotoe,çəvon vırə cəhəndımi otəşe.

Şəkk ni imon vardəkəson iyən loyığinə ko əncom doəkəson,çəvon pərvərdıqor bəçəvon imoni xoto əvoni hidoyət bəkay və əvoni  çəvon jiku ruon bıən və de neməti pur bıə boğono vırə bədoe.

دَعْوَاهُمْ فِيهَا سُبْحَانَكَ اللَّهُمَّ وَتَحِيَّتُهُمْ فِيهَا سَلاَمٌ وَآخِرُ دَعْوَاهُمْ أَنِ الْحَمْدُ لِلّهِ رَبِّ الْعَالَمِينَ (10) 

 Çəvon vəhıştədə bıə dıvo Xıdolima! tı pok iyən mınəzzəhiş iyən vəyo çəvon xəşomə səlome və çəvon razo-niyozi oxo həmd və sitoyış fəğət bə Xıdo məxsus –voteye.

Xıdovənd imon vardə iyən çokə ko əncom doə kəson bə rostə roy tərəf səbəro bəkarde.ilahi hidoyəti nur,çəvon jimoni ufuği ruşin kardedə və çəy şua jiyədə,jıqo ruşin vindedə ki,dınyo maddiyə zər-zivəron iyən şəytoniyə vəsvəson əvoni bə dast dənoe iyən əvoni bə inhirofiyə roy tərəf kəşe zınedəni.axırəti dınyoədə həm Xıdovənde-Xalığ   de neməton pur bıə boğonədə ğəsron bəvon baxş bəkarde ki,çəvon jiku ruon cari bedə.əvon de səfo iyən səmimiyəti pur bıə qıləy muhitədə bəbeyn iyən əvon mıxtəlifə nemətonku bəhrə bəbardeyn.əvon əyo bəvoteyn:Xıdolimha !tı harcurnə ayb iyən noxsaniku mınəzzəhiş,pokiş iyən əvon əyo de Xıdovəndi həmdo-səno məşğulin.

Və joqo niki,ın Ğıron ğərəz Xıdo çı cokəsi tərəfiyo pesoxtə bıə.bəlkəm,ıştə bənav osmoniyə kitobon təsdığəkə iyən  ilahi kitobi izohədəy(şərhədəy).şəkk ni ki,əv çı aləmon pərvərdıqori tərəfiyoe.

Bəlkəm,voteydən:əy ğıronış boftə-pesoxtəşe.(duədə bə Xıdo nisbət doydə) vuji:ehanə rost voteydon,çən,bənə çəy surəon qıləy surə biyənən iyən ğərəz Xıdo ki piyedəyone boştə koməq vanqkənən.

يَا أَيُّهَا النَّاسُ قَدْ جَاءتْكُم مَّوْعِظَةٌ مِّن رَّبِّكُمْ وَشِفَاء لِّمَا فِي الصُّدُورِ وَهُدًى وَرَحْمَةٌ لِّلْمُؤْمِنِينَ (57) 

 Ha məxloğ ha! Həyğətən, şımə pərvərdıqori tərəfiyo boşmə pand iyən nəsihət omə ki,bo şımə sinəono bıə çiyon şifo iyən bo mominon hidoyət iyən rəhməte.