Osmoniyə surəon-34

Osmoniyə surəon-34

Şıməni hışki iyən dıyoədə seyr doəkəs əve.ha faxti şımə kəştiyono bıbon və qıləy mıvofiğə vo(kuluk)kəştiyon bə cərəyon(hərəkət) biyəy iyən de çımi vasitə şoy-voykəyn,ğəflətən qıləy tındəvo bəçəvon soyəx booy,əvon qımon bəkayn ki,bə bəlo mıhosirə eqıniyən.bın zəmon Xıdovəndi de ixlosi(dıləsoxti)vanq kardedən(və voteydən)ehanə əməni çın bəloku nicot bıdoyş,hukmən çı şukrəkəyonku bəbemon.(Yunis 22-23).

In ayə hamyedə:əv ə Xıdoye ki,şıməni səhro iyən dıyoədə seyr doydə və çoko ki,kəştiyədə ğərol doydə iyən mıvofiğə voon kəşti sərnişinon qədə-qədə  bəçəvon məğsədəi tərəf bardedə və həmməkəs şo iyən xoşhalin.əmmo bə ikkərə qıləy sanqinə tufon rost bedə və har tərəfiku dıyo dıjdə ləpəon bəçəvon tərəf hucum kardedə.jıqo bızın ki,əvon deştə çəşon marqi mışohidə kardedən və bəçəy tərəf şedən.

In ayə çı bəşəri fıtrəti nığılə vırə oşko kardedə ki,çokonə inson çı muşkilat iyən problemon vaxti iyən xətər və təhlukə hiss kardeydə,de lovə-mınnəti Xıdo vanq jedə və votedə:Xıdolim ha ! ehanə mıni çın məxməsə iyən behrononku peroxnoş,bətı şık bəkardem.əmmo çoko ki,tufon iyən bəlo şərr rədd bedə iyən bə nicoti sahil rəsedə,ijən ıştə sıtəmkorəti bino kardedə vıə Xıdo çı viro bekardedə.

Im çı dınyopərəston həxədə qıləy kulliyə əsle.bəlo ləpəon əvoni əhotə kardeyədə iyən əvon de ziyodə təzyiğon bəvon varid beyədə,bə Xıdo dəqo dəvitidən iyən deəy əhdı-peymon bastedən ki,əgər əvoni çın bəloonku peroxno,jıqo bəkam ya jəqo bəkam.

Yunisi mıborəkə surə 90-ə ayəku de tobə 92 de qıləy dəğiğ iyən kırtə iborəton bə Bəni-israyli de bəçəvon tale hakim bıə sıtəmkorə Fironi mıborizə bardey işorə kardedə.joqo ki,hamyedə:”Bəni-İsrayilımon çı dıyoku (Nili dıjdə ruy) ovoştınemone və de zılm iyən təcavuzi pur bıə Firon iyən çəy ləşkər həm çəvon dumo şin tozə ə zəmoni ki, (Firon) ğərğ bıə holədə be,voteşe:bə Bəni-İsrayli imon vardə iyən əv co məbud nıbə kəsi imonım vardə və çı mısılmınonkum.bəy xitob be)ısət?qıləy holədə ki,navko isyon kardedəbiş və çı mıfsidonku biş?əmmo ıştı bədəmi(çı oviku)nicot bədomon ta vəoməyon qıləy ibrət bıbuş və milləti veyni çəmə ayəonku ğafilin”.

Isət həm Misr iyən İngiltərə muzeyonədə çandə qılə mumiya bıə fironon cəsədon oqətey bıə. Misri devlət çı alimonku min cumlə çı professor  fransuzə Morris Bukayku tələb kardeşe ki,çın bədəmon həxədə qıləy təhğiğot  binoko ta mıəyyən bıbu ki,həzrəte Mosə(ə)-i əsrədə jiyə Firon çımonku kon qıləyniye.çın mumiyə bıə fironon sape çandə qılə analiz iyən təhğiğoton bəpeştə,ım nəzəriyyə təsdığ be ki,əv dıyoədə ğərğ bıə və çəy mardey bədiqə çəy bədəm mumiyə kardey bıə.professor Bukay vey bə çoçinəti iyən təəccıbi vardə çi ıme ki,çokonə ım cəsəd bəsə co qıləynisə vey çok mandəbe.bəy votey be ki,Kərimə-Ğıron çı fironi dıyoədə eşey iyən çəy bədəmi solim andey barədə xəbəş doə.əv,sıftədə voteşe ki,ım ğeyri mumkine və voteşe ki,peyğombər(s)-i əsrədə bıə ərəbon çı kanə Misri mumiyə kardey barədə hiç qıləy məluamtışon bıəni.əmmo çoko ki,doktor Bukay qıləy tibbi elmiyə konfransədə iştirokış karde və yunisi mıborəkə surə 92-ə ayə çı mısılmonə alimon zıvoniku məseşe,jıqo əvəz be ki,dast həyəconi sapoysə əyşte və voteşe ki,mı bə Ğıroni imon vardeme.çəy bədiqə Morris Bukay de Ğıroni nığılə mutaliyə məşğul be və ıştə kitobi mığəddiməsə jıqo nıvışteşe:”hiçvaxti qımon kardeیə nıbim ki,Ğıron çı mıxtəlifə mevzuon həxədə qıləy dəğiğ əndozə və mığdorədə sıxan bıvoto.ə mevzuon ki,komilən de bəşəri elmi inkişof iyən kəşfon mıtobiğe.əv həm qıləy mətnədə ki,bə 14 əsr çımi bənavi ayide”.