Nəhcul-Bəlağə pand iyən hikməton
Nəhcul-Bəlağə pand iyən hikməton
Nəhcul-Bəlağə pand iyən hikməton
Və ğalə Əli(ə):”leysəl-xəyru ....xəy əv niki,tı çe ziyodə mol iyən fərzəndi soyb bıbuş,bəlkəm əve ki,ıştı elm ziyod,ıştı səbr dıjd iyən boho ğeymətin bıbu və tı ıştə pərvərdıqori prəsətışədə çe milləti miyono səbarz bıbuş.çən,ehyanə çokə ko əncomı doe Xıdo şukri bə vırə bıroson.və əgər bədə ko karde,Xıdoku məğfırət tələbkə.dınyoədə bo ğərəz dı kəsi xəy ni.qıləyni qınokoə şəxse ki,de tobə əy cubron kardedə və coqləyni həm çokə ko soybe ki,çokə koonədə datpoçəy”.
Əmirəl-Muminin İmom Əli(ə) Nəhcul-Bəlağə 94-ə boho ğıymətinə hikmətədə bəçəyku xəy iyən çokətiku sıvol dəparsə kəsi cəvobədə jıqoş hamye:”leysəl-xəyru ....”.
Həmmə insonon çe xəy iyən çokətiyon dumon və hiç qıləy mevcudi pəydo kardey nibəbe ki,bə xəyri qıləy meylış nıbu.əmmo bərosti xəy çiçe?aya çe insoni xəy fəğət çe fərdon ziyodətiku nəşətış sə mol,sərvət iyən ğudrətədə xulosə beydə?.
İmom Əli(ə) xəyri çe maddi məsələonsə bəpe zıneydə.ə həzrət bə bın barədə çəyku sıvol dəparsə fərdi jıqoş cəvob doe:”xəy iyən çoki əv ni ki,ıştı mol iyən sərvətı ziyod bıbu.bəlkəm əve ki,ıştı elm ziyod,ıştı səbr dıjd iyən boho ğeymətin bıbu və tı ıştə pərvərdıqori prəsətışədə çe milləti miyono səbarz bıbuş.çən,ehyanə çokə ko əncomı doe Xıdo şukri bə vırə bıroson.və əgər bədə ko karde,Xıdoku məğfırət tələbkə”.
Bın nuroniyə kəlomədə çe islomi erjninə nizomi usul və prinsipon bəyon bıə.ikəs ki,çe xəy iyən çoki dumoye,bəpe bızıno ki,elm iyən zıney çe həmmə xəyron əsliyə mənbəy.elmi bədiqə helm iyən namə xosyəte.çe helmiku mənzur iyən məğsəd de tədbiri umuj qıniyə qıləy tov vardeye.umumən elm iyən helm çe iyande şərtonkuye.çı qıləy alimi səbr iyən həliməti çəy çe helmi səmərə iyən səvobiku bıə aqahəti xotoye ki,Xıdovəndi bo tov vardə həlimə şəxsi ğərolış doə.....
Deştə pərvərdıqori ibodət iyən bandəçəti fəxr kardey həm min cumlə xəyronkuye ki,həzrət Əli(ə) çəyku bəhs kardedə. həlbəttə de ibodəti iftixor kardey ım ni ki,inson ıştə ibodəti bə insonon dimi bıkəşo və ıştəni pekırno,bəlkəm çın bandəçəti iftixor bə hakəsi nəsib beydəni.əmə həmmə çok zıneydəmon ki,ehyanə Xıdo koməq iyən mədəd nıbu,hiçvaxti ikəs qıləy xeyə əməli tovfiğ iyən ovandəti pəydo kardey əzıni.ziyodə odəmon hestin ki,çəvon pul,səloməti iyən vaxtışon heste, əmmo çe xeyə koy ovandətişon ni.liza xəyyir iyən xeyə ko kardə kəson de qıləy əzəməti bə Xıdo şukrkon ki,jıqo qıləy tovfiğış bəvon nəsibış kardə.
Əmirəl-Muminin İmom Əli(ə) çın erjin və ğıymətinə hikməti oxoyədə bə qıləy co muhimmə nuktə işorə kardedə və hamyedə:xəy çe dı nəfəri inhisorədəy və bəy məxsuse.sıftənə qıləyni ə kəse ki,çe qıno bədiqə boçəy cubron kardey iyən əvəzi beşeyro səy kardedə və de tobə tədaruki vindey ıştə nicoti roy hozzı kardedə.dıminə qıləyni ə kəse ki,bo har qıləy xəyə ko dumo deştə qırd vucudi viteydə və çanədə ki,əy bə oxo nırosno,qıləy oromətiş ni.de qıləy co iborəti qıləy çokə ko soyb ki,çokə koon əncom doeyədə əcələ iyən dastpoçəti kardedə....
