Həşi məhzərədə-1

Insoni maddiyə jimon əy deştə ğərğ kardedə və oxoyədə həm çəy ruf və coni sıst kardedə.ehanə inson bə qıləy ğoymə mənəvi iyən dini mənbə ıştəni ittisal nıko,dənoçkıno,əv bə zəlolət,puçəti iyən  məyusəti dıço bəbe.ilahi peyğombəron həm məbus bıə ta bın əzəmətinə hestemoni aləmədə de vəhy iyən mələkuti aləmi oşnoko və dini erjinə təlimon bə bəşəriyyəti omuto və deçımi vositə insoni hidoyətko ta bın dınyəvi jimonədə əv həni sərqərdon nımando.islom oxonə osmoniyə dine və bo insonon əbədi hərəbaxtətiro vey erjin və ğeymətinə təlimonış vardə.həzrəte Muhəmməd(s) vardə islomi təlimon bo bəşəri bə mənəvi iyən əxloği təkamuli rəsero bıə sırd və pilləkane.

Bo islomi din iyən boçəy təlimon  vey çok zınero,bə İron İslom İnğilobi Yolə Rəhbəri ehandə sıxanon soyəx şedəmon ki,ə həzrət hamyedə:”maddi və maşiniyə jimoni milləti veyniş bə zinhor vardə.islomi məktəb çəvon mığobilədə qıləy qədə bə oj kardey bəzıne və bəvon qıləy nuyə aləm nışon doey bəzıne”.....

Islom əmniyyət,ədolət və səodəti mesaji rosnedə.həzrəte Muhəmməd(s)-i vardə əslə islom torıxi qırd devronədə dılonış bəştə səmt cəzbış kardə və məhrum və məzlumə millətonış bə hərəkətış vardə. həzrət ayətullah Xameneyi nəzəku ehanə çı ilsomi səhihə çehrə çok-çoki oşko bıbu,bəvədə mışohidə bəkardemone ki,ımruj həm bənə dəvardə soron islom yeqanə şifo baxş kardə nusxə iyən nicoti firiştə və mələke.ımruj həm bənə ihəzo çosə sori bənav ım sədo bə quşon rəsedə:”ğad caəkum.....Xıdo tərəfiku qıləy oşkoə nur iyən kitob bəçəmə səmt ome.Xıdovənd deçəy bərəkəti çəy roziyəti dumo bıə kəson bə səloməti roon hidoyət bəkarde və çı toykiyətiyonku deştə fərmoni bə ruşinəti tərəf bəbarde və əvoni bə rostə roy səmt hidoyət bəkarde”.(maidə-15-16).....

İron İslom İnğilobi Yolə Rəhbər həzrət ayətullah Xameneyi de qıləy nığılə nəzə,jimonədə çı islomi roli jıqo vəsf kardedə:”islom,de jimon iyən hestemoni mənodor kardey və de dırıst iyən səhihə roy nışon doey,boəy qıləy həyğiyə hərəbaxtə jimoni şərayiti hozzı kardedə və ilahi sıratəl mustəğim və sərostə roy bəy nışon doydə”.ilahi din deştə komil iyən hartərəfinə təlimon,qıləy cozibədorə mohiyyətış heste və pokə fıtrəti soyb  iyən Xıdo dumo bıə kəson bəştə səmt cəlb və cəzb kardedə.bə dınyo səth və səviyyədə əncom doə bıə təhğiğaton əsos,min cumlə ğərbi kişvəronədə insonon bə dini islomi səmt meyl pəydu kardey rujbəruj ziyod bedə və ın meyl və tendensiya çı cıvonə nəsli miyono vey bəçəş çiyedə ki,ım həm çı islomi  cəzzobiyyət və nufuzi nışonəy....

Dini islom bənə ilahi co dinon bə tohid iyən yektapərəstəti əsos bina və təsis bıə.çı tohidisə əlovə, islomə dini əsliyə usul və prinsipon çı nıbuvvət,imomət iyən ilahi ədolətiku iborəte.usuli din həmonə sutunone ki,çı dini soxtemon iyən bina bəsə çəy sape soxtə bıə və qıləy mısılmon sıftədə bəpe bə usuli dini imon biyo ta peşo bəçəy dılədə beşə furui dini həm əməlko.furui din həm bə nəv qılə ğısmi poə bedə və əvon həm çımiku iborəte:nımoj,rujə,xoms,zəkot,həcc,cihod,əmr be məruf və nəhy əz munkər, təvəlla(de Xıdo duston dustiyəti) iyən təbərra(de Xıdo deşmınon deşmınəti).

Bın cəhətədə İslom İnğilobi Yolə Rəhbər həm islomi qırd təlim və ğanunon insoni bo bə əbədi hərəbaxtəti rosney cəhətədə zıneydə və hamyedə:”islomi qırd dəstur iyən ğanunon və siyosi,sosyal iyən ixtisodi şivəonədə bıə həmmə əsliyə xətto və həmmə ibodəton və  islomi fərdi iyən kollektiv ğanunon,çı jimoni həyot baxş kardə və baxtəvərəti ofəyə bəyənde anqıl qıniyə əczo və cuzvonin