Ğəşğavi: kəşti rume ozodəti bəpe sahiliyə məmləkəton əmniyətiyu işkil icod nıkə

Bə Pars Tudey xəbəron əsosi ironi məclisi milli əmniyyət və xariciyə siyasəton kamisiya sıxanəvoti votışe: əqər ğərur bıbo kəşti rume ozodəti bərğəror bıbo, bəpe sahiliyə məmləkəton əmniyətiyu problem nıbo və əqər çimiku kəno bıbo muhasirə curi canq bə hisob bome.

Bə Pars Tudey xəbəron əsosi Həsən Ğəşğavi zinə de İRNA təşkil doə votımonədə ironi bə Amerkə terroristiyə ərteşi yolə hərbiyə kəştion de rəket cəvob doe həxədə bəyon bə suali vədə votışe: ım canqədə ironi mudafiə doktorin əvəz bə.Çəvonku bə kəno ki ıştə koon sərost elon kardedə nin və məlumaton noğis ictimaiyyətədə bıə fikron vədə ğəror dodən, İron ıştə fəaliyyəton de surəti daxil və xaricədə ictimaiyətədə bıə fikron extiyorədə ğəror dodə.