Pars Today

Reyhanə,xıyzon iyən iştimoədə jen.

İslomi mubinə dinədə dayima bə jeni çı xıyzoni ibemonədə,bəçəy nəsli tərbiyə iyən camiyə oromətiyədə bıə barzə roli təkid kardedə və bə jenon həxon oqətey sıforiş kardedə.bəçəy xoto de “Reyxanə” nomo məcmuəvari bərnomə şımə xıdmətədəmon ta İslomi dinədə çı jeni barzə məğami bəyonkəmon.

İslomə dinədə jen çı həxı reçinə məzhər iyən cilvəonku,çı hestemoni aləmi zizəon vıl iyən İlahi məhəbbəti məzhər və simvole.İmom Əli(ə) şərifə kitob bıə Nəhcul-Bəlağə 31-ə xutbədə  jeni bənə vıli zıneydə və hamyedə:”Əlmərətu reyhanə və leysət biğəhrəmanə”.jen reyhonəy,nəyinki,ğəhrəmonə.ım rəvoyət bə ın həyğəti işorə kardedə ki,jen bənə vıli zərif iyən lətife və bəpe deəvon de hoziyəti rəftor kardey nıbu və ya vey saxt iyən sanqinə koon bəçəvon ehdə noey nıbu....

İnsoni hejo sıftənə xılğətiku jen dıqlə ifrot iyən təfriti səviyyədə ğərolış qətə və qahi zəmon insonon əvışon çı insoni fevğədə zınə iyən pərəstışışon kardə və qahi zəmon həm çı insoni məğamiku tənəzzul pəydu kardəşone və bəy qıləy heyvoni nəzə kardəşone.kanə antik devrədə ki,insonon bənə ğələ formədə jimon kardedəbin və jenı-merd çı sıbi zəmoniku de tosə həşi ğurubi çı xorəki dumo bin ta de miyvəon iyən beməyə xorəkon rişəon ıştə luz-ləvəon si kardedəbin və bəzi vaxtonədə de heyvonaton şikor kardey bəştə jimoni dəvom doydəbin.bın devrədə həmmə kəs yekson iyən i səviyyədə bin və jenı-merd de iyande qıləy tafut və farğış nıbe.çı jenı-merdi miyono koon təğsım kardey bıənıbe və həmməkəson de iqlə formə de ko iyən fəoliyyəti məşğul beydəbin.çın insonə ğələ jimon bənə coqlə heyvonaton qrupon bıə və çı jenı-merdi rabitədə hiç qıləy ğaydə və nəzm mevcud nıbe....

Qədə-qədə de bə jeni inə bıey dığğət kardə holədə,çəy de xıyzoni sayir fərdon bıə rabitəon vey zumand be və inəti rol əvış bənə qıləy barzə mevcudiyyəti nışonış doe və çəyku bənə xıyzoni salar və yoli bəhs kardedə.ım barzə proses idoməş pəydu karde tayinki,jen bə pərəstışi barzə həddi rəse və çı Yunani əsatir iyən mifonədə və coqlə kanə zəmonədə bıə kişfəronədə ziyodə jenə xıdoon b əməl ome.çın xıdoon həmməysə məşhurə qıləyni çımonku iborətin:Hera çı Zevsi jimoni həmro ki,jenon iyən jeni dınyo ofəyəkəs hisob beydə.İris çı Zevsi kinə və haftranqə xıdoye.Hestiya çı sulhi məzhər iyən otəşi hıvoskə, Artemis cıvonə mevcudoton iyən çəvon təvəlludi himoyədore.Aphrodite çı eşği xıdo,Dinysus anqı boğon xıdo və Demter donəon xıdo ki,məhsulon perosneydə və çəy dıl de atifə iyən mehribonəti pure.kulliyə formədə inəon rəhbər bıə nizomədə jeni pərəstış kardey çı mifoloji iyən əfsonəvi dinon əsos hisob kardey bıə və jimon iyən təğziyə çəyku bə şıkrə bıə.....