Rəhbəriyyəti nəzə
Rəhbəriyyəti nəzə
Rəhbəriyyəti nəzə
De Həşi 1356-ə sori Dey manqi 19-ə ruji sorəqardışi mınosibəti Ğomi ostaniku i dastə de İron İslom İnğılobi Yolə Rəhbər həzrət ayətullah Xameneyi vindemonışon karde.İslomi İnğılobi Yolə Rəhbər bın vindemonədə çe Ğomi hodisə çandə nuktəonku qıləyni çın şəhri milləti deştə dıli xoşi dıjdə hodisəonədə milləti rol ofəyey ğudrətışon zıne və hamyeşone:ımruj Ğəzzə mılohizəkənən,milləti iştiroki rol ifo kardey və mərdumi qıləy dıəjdə hodisədə mığovimət.yəni qıləy hırdə dastə,qıləy məhdudə millət,məsələn dı milyon cəmyət i vıjə zəminədə amerkə de ə əzəməti və seonist rejim çe amerkəku bə şıkrə ociziş kardə, çe milləti iştiroki ğudrət yəni ım.....
Həzrət Ayətullah Xameneyi nəzəku Ğomi hodisə çımisə vey barzə həddədə be,çunki,de milləti kuçə və xiyobononədə iştiroki,zindoni bıey iyən şəhodət,çe qıləy cərəyoni sıftə be ki,qıləy bəşıkrə iyən bə kişfəri mısəllət bıə zolımə rejimış təğribən i sori mıddətədə peqordıneyış zıne.İnğılobi Yolə Rəhbəri voteşone:ım İmom Xomeyni bəmə omuteşe.hiç qıləy mıboliğə nıbə holədə,hiç qıləy şək nıbə holədə buzurquvarə imom bə mərdumi nışonış doe ki,çəvon huzur iyən iştirok səhnədə mecuzə ofəyedə.İmom(r) Həşi 1341-42-ə soronədə de əməli,sıxani,məntıği və de istidloliımış bə İroni milləti həmməş nışon doe.bəvon dərosneşe ki,ehyanə dılşon heste bənav bışon və bə qıləy foydəninə nəticəon bırəson,bəpe meydonədə iştirokışon bıbu.bə dumo pekırey və bımi-bəy peştıpurəti ,marginaləti qıləy foydəş ni.bə meydoni miyon omey lozıme.
İmom həmonə zəmonədə de iddio pur bıə məşhurə siyosi şəxsiyyəton,cərəyon iyən partiyəon əyşt-nıştey əvəzi,ome və de milləti nışte.çe imomi məntığ ım be.dini alim,bənə qıləy dini alimi bənə qıləy mərcəye-təğlıdi,bənə qıləy mərifətin iyən fik-fam kardə məhvəri unvoni,bəpe bə milləti miyon boy.ıştən ome bə milləti miyon.Aşurə ruji Həşi 1342-ə sori Xordadə manqi 13-ə ruji Ğomi şəhri Feyziyyə mədrəsədə İmom ome,nışte əyo və de milləti oşko iyən ruşinış qəp je.....
Həzrət Ayətullah Xameneyi çe İmom Xomeyni(r) Həşi 1342-ə sori Aşurə ruji bıə ehanımonış qıləy torıxi hodisə zıneş ki,əməli surətədə millətış bə səhnə dıləş varde.ə həzrəti ımış bəyon karde ki,İmom çe mıborizə pərçəmış bə milləti dastiş doe,mərdumi həm ğəbulışon karde və bın royədə xarconışon karde. hamyeşone:həlbəttə mərdum Həşi 1342-ə sori Xordadi ponzəminə ruji etosniyə bin.İmom həm dastqir və qətey be.lakin milləti dərsış çe viro nıbekardeşe.Həşi 1356-ə sori Ğomi Dey manqi ğıyom həmonə hodisə dumo be.iyo həm millət deştə dıli xoşi bə meydon daxil bin.Xordadi ponzəminə ruji bə İmomi kardey iyən qətey xoto oməbin və Dey manqi nonzəminə ruji bə İmomi ihonət kardey xoto bə meydoni varid be.mıborizəşon bino karde və ın bərəkətış pəydu karde.Mıtoələ-Xıdo həm bə ın mıborizə bərəkətış doe.Ğom,Təbriz iyən Yəzdi şəhr iyən iyo-əyo həmmə vıronədə milləti ğıyom kardeşone və çe Bəhmənə manqi 22-ə ruji hodisə 1357-ə sori bə əməl ome.milləti huzur iyən iştirok yəni ım.....
