Amerkə bə məntəğə nufuz,4 qılə vironəkə canq-1
Amerkə bə məntəğə nufuz,4 qılə vironəkə canq-1
1980-ə sori İraği bə İron bıə təcavuz.İron İslom İnğılobiku 19 manq dəvardəbe ki,ın təcavuz bino be. harçənd Səddam Huseyn bo canqi bino kardro marzi ixtilofi mevzuş bə miyon varde,əmo əv çok-çoki zıneydəbe ki,ım canqi qıləy hədəfış heste,çı naviku plan kəşə bıə çi ibaxşe və trans reginonale ki,əv piyedəşbe ın plani icroko.
Bəçəy xoto siyosi analitikon veyni,İraği bə İroni ələyh bıə məcburiyə canqi qıləy trans regional hucum zıneydən və ımi şı marzonku xaric qıləy canq hisob kardedən.çandə qılə sənəd və fakton nışon doydə ki, Səddami tərəfiku bın məcburiyə canqədə əv həm məntəğə hukuməton və həmən trans reginal ğıvvon tərəfiku de siloh,maliyyə iyən siyosi hevujə himoyəon dim bədim ome.Amerkə,Fransə,Şurəvi. Iyən Britaniyə bə İraği siloh doə əsosə məmləkəton bin.Almaniyə iyən çandə qılə Avropə co kişvəron həm çı İraği de kimyəvi silohon təmin kardə umdə kişvəron bin və İraği de nat iyən puli təmin kardey ko həm bə Farsi Xəlici ərəbə məmləkəton ehdə noey bəbe.
Bın miyono əmmo çı Amerkə roli ziyodə əhəmiyyətış hestebe.İroni de İraği canq,həyğətədə bo Amerkə bə İroni ələyh ıştə deşmınə siyosəton bə və bardero qıləy tojə fırsət be. Amerkə de İroni vəkolətiyə canq bardedəbe ta ğasbu kardey bızıno de İron islom inğılobi vositə bəy nəsib bıə nokomətiyon əvəzi beşo.
Amerkə sıftədə harçənd çın təcavuzi sıftədə səy kardedəbe İraği bə İroni bıə təcavuzədə ıştə himoyəon inkorko,əmmo xeyli dənıvarde ki,əv ıştə bə səddami bıə diplomatik iyən hərbiyə koməqış ələni kardeşe.
1980-ə sori Nyu-York-Taymz rujnomə çı İraği bə İroni həmlə 5 manq bədiqə neveşteşe:”Amerkə devlət Təbəsi əmıliyyotədə dəboxtey bəpeştə,seqlə muhimmə hərbiyə planisə ko kardedəbe.iminə plan:İroni dıjdə şəhronədə de hərbi ğıvvon vositə həmlə.dı-Natə çoləonədə mina noey.se- bə deminə kişvəri vositə bə İroni həmlə kardey”.
Amerkə ə vaxtnə milli əmniyyət mışovir Berjinski bo İraği bə İrani həmlə kardero havzə ço nışon doeyro, elonış karde:”Amerkə de İnğılobi mıborizə bardero,bəbe de İroni islomiyə rejimi hərbi əməliyyaton dəvordıeny ğudrətış bıə kişvəri dığğətko”.
Berjenski bın cəhəto 1980-ə miladi sori iyulə manqədə məhrəmonə iyən məxfiyə surətədə de Səddam Huseyni İordaniyədə vindemonış karde.Qari Seyk çın mıloğati həxədə votedə:”Amerkə milli əmniyyəti mışovir ıştə de Səddami bıə vindemonədə İraği bə İroni həmlə kardey təşviğiro çı Amerkə devləti mısbətə nəzəş rosne”.
Bilofosilə Brejenski de Səddami vindemoni bədiqə,Amerkə əvaxtnə prezdent Karter bə İraği Boinq ıştənəpəron həvatey əmrış sadir karde və həmonə sori sentyabrədə bə İraği stratejik iyən dıcurnə istifodə bıə texnoloqiyə vığandey sanksiyəş ləğvış karde.
Səddam 1980-ə sori martə manqi oxoyədə oşko iyən rəsmi surətədə elonış karde ki,de İroni har tərəfinə hərbiyə canq kardero hozzıe.
Amerkə İraği de İroni həşt sornə məcburiyə canqi vaxti de İroni deşmınəti vey barzə səviyyədə bə çəş çiyedəbe. Amerkə sıftədə miladi 1982-ə sori İraği nomış çı Vaşinqtoni tərtib kardə “terroriston tərəfdorə” kişvəron siyohiku bekardeşe və 1984-ə sori İraği siysoi cəhəto sanksiyə koş həm bə oxo rosne və de ın kişvəri siyosi rabitənış bino karde.
Jon Afrik məcəllə 1982-ə sori iyuni 9-ə ruji Səddam Huseyni 1980-ə sori avqustədə bə Səudiyyə Ərəbıstoni bıə səfə barədə, İroni bə İraği həmlə imanq bənav nıvıştışe:”Ərəbıstoni yolon bə Səddami pişvaz beşeyədə,dısırst İraği bə İroni həmlə imanq bənav,şahanə formadə hədiyyəon seşe.ın hədiyyə de Amerkə Avaks təyyorəon vositə İroni silohinə ğıvvon vəzyət iyən istedod ki,ironi milli əmniyyəti ıştə şua jiyədə ğərol doə barədə cəm kardə məlumaton bin.
