Trampi kişfəron fəth kardey roya oxoş ni

Amerkə prezdent bə Çini səfə zəmonədə qıləy xəritəş pevolo kardə ki,Venesuela bənə çe Amerkə İbıə Ştaton penco iminə əyoləti unvoni nışon doydə.

Bə Pars-Tudey bə İRNA istinodən doə hisoboti əsos,donald tramp dəvardə se şambə ruji de amerkə pərçəmi iyən de”penco iminə ştati” titri qıləy planış ıştə Trus-Sosyal iştimoyi şəbəkədə pevoloş kardə.Trampi çımi bənav həm iddiyoş kardəbe ki,İbıə Ştaton ciddiyə formədə Venesuela bənə bə Amerkə İbıə Ştaton penco iminə əyoləti ilhoği unvoni bərrəsi iyən təhğığ kardə holədəy.Trampi ın iddiyo qıləy holədəy ki,bə medyaon hisoboti əsos,Venesuela mıvəğğəti prezdent Delsi Rodriqerz dəvardə dı şambə ruji elonış kardəbe ki,Venesuela hiçvaxti bə Amerkə İbıə Ştaton penco iminə əyoləti təbdil beyış ıştə nəzədə qətəşni.çımi bənav həm trampi kanadaş bənə çe Amerkə İbıə Ştaton penco iminə əyoləti unvoni təğdımış kardəbe.