Aban manqi 13-1
Aban manqi 13-1
İmom Xomeyn(r) ıştə kəyku bə Tırkiyə dərbədər kardey ruji sorəqardış,İslomi İnğılobi səbarzəti astanədə de Tağutə şah rejimi dasti çandə qılə şoqirdon kıştey(Şoqirdon ruj) və bo Amerkə Tehronədə bıə casusə lonə de”İmomi xətti tərəfdoron”tələbəon vositə zəbt kardero inğılobi hərəkət,İroni torıxədə seqlə mıxtəlifə zəmonədə muhimmə hodisəon bə yod vardedə.
Çın hodisəonku har qıləyni ironi inığlobiyə milləti torıxədə qıləy məxsusə əhəmiyyətış heste və bə ironi İslomi İnığlobi səbarzəti prosesi qıləy təkonış doə.ın seqlə mıştərəkə fəsl və zəmon de inğlobi hərkəton iyən İroni milləti bə imperiyaliston ələyh bıə hərəkəton bə icoye ki,ım həm çı kişvəri istiğloli fundament iyən qıləy anti-imperiyalist abo-həvoş təşkil karde.
Bəçəy xoto Aban manqi 13-ə ruj bə ironi məxloği de imperyializmi mıborizə bardey simvoli təbdil be və ın hodisəon çı Amerkə qırd deşmınə hərəkəton ıştəni nışon doə ovəynə zıney bəbe və həmçinin ımi İroni milləti çı yolə şəytoni mığobilədə bıə vəhdəti simvoli həm hisob kardey bəbe.
Həzrəte İmom Xomeyni(r) bın dıjdə ruji barədə hamyedə:”Aban manqi 13-ə ruj İroni milləti çı imeriyalistə usulon mığobilədə ğoym mandə ruje və əvəzon iyən islomi inğılobi noliyyəyton oqətey royədə çı İroni islomi inğılobi milləti ğeyrəti təcəlli ruje”.
İroni mıosirə torıxədə Amerkə mıdoxiləon qıləy mevzuye ki,çı ironi milləti zehnonku təmiz nibəbe.39 sor çımi bənav yəni (milodi 1979-ə sori noyabrə manqi 4-ə) Aban manqi 13-ə ruji “İmomi xətti tərəfdoron” –ku iborət idastə tələbəon de qıləy inğılobi hərəkəti bə Amerkə bə İroni ələyh çandə qılə məkrinə planon etırozışon karde və çı Amerkə Tehronədə bıə səfərotxonəşon(casusə lonəşon) zəbtışon karde,qəte.
In ruj həyğətədə çı inğılobiyə cıvonon ruj be ki,deştə casusə lonə təsxir kardey hərəkəti,çı deşımıni ıştə hiylə iyən məkrinə planon dəvom doey prosesi vəyışon qəte.
İroni siyosi torıxədə bənə ımi çı imperiyaliston mıdoxilə kardey mığobilədə mandə cərəyonon təcrubə bıə ki, çəvon çı İroni siyosi hodisəon torıxədə qıləy məxsusə əhəmiyyətışon heste.
Çın tale həlləkə torıxi hodisəon miyono bə Amerkə-İngilistoni bə İroni 1332 Həçi sori(milodi 1953-ə sori) bıə devləti zidd peqordımoni və bə İmom Xomeyni(r) 1342-ə Həşi sori(1963-ə) Xordad manqi ponzədə bə sıtəmkorə şah rejimi ələyh torıxi ğıyom və həmçinin İroni iştimayi siyosi torıixi rujonku de tosə bə İroni İslomi İnğılobi səbarzəti ruji rəsə silsivari torıxi şorə kardey bəbe.
Bə İroni torıxiku bıə devroni hodisəon silsilə qıləy nəzə kardeyədə,nışon doydə ki,Amerkəvıjon nufuz anədə ziyod be ki,hətto əvon İronədə Kapitalisyon rejimışon bə ixro noe.qıləy ğanun ki,dınyo kamə siyosi vohidon əy ğəbul kardedə.
İmom Xomeyni(r) 1343-ə həşi sori Aban manqi 4-ədə (1964-ə sori) de qıləy bəyoniyyə vositə həmonə ğanunış de “İroni milləti nokəti sənədi” ğeydış karde.Amerkə bə İroni zidd zolımonə mıdoxiləon boyis be ki,İron İslom Respublikə təsisəkə İmom Xomeyni(r) bə Amrekə “Dıjdə şəytoni” nomış noe.
