İron çıl sor inğılobi səbarzəti bəpeştə-21
İron çıl sor inğılobi səbarzəti bəpeştə-21
İron İslom İnğılobi Yolə Rəhbər həzrət ayətullah Xameneyi Mığəddəsə Məşhəd şəhrədə İmom Rıza(ə)-I hərəmədə 1397-ə həşi sori bino beyədə,hamyeşone ki,İron İslom İnılobi çıl sori astanədə İslomi İnğılobi erjon əbədi iyən ğoym mandey dəlilonku qıləyni,çı inğlobi mığəddəsə oruzon sape mandeye.
Həmçinin İron islom İnğılobi çıl sorəti astanədə çın İslomi Inğılobi iftixaronku qıləyni,çın əzizqramiyə oruzon ibaxş İron İslom İnğlılobi məzlumə milləton himoyə kardey iyən çı zılmi mığobilədə mandey və çı zolımon yavə rəftoron məhkum kardeye.
Isət çandə sorone ki,bə məzlumə milləton həx-huğuğon rioyət kardey bedəni və ın zılm fəğət bə fələstınıjon ayid ni.İron İslom Respublikə de jıqo rəftoron mıxolife və çı sıtəmi jiyədə bıə har qıləy milləti mıdofiyə və zolımon rəftoron məhkum kardedə.
İron İslom Respublikə inğılobi səbarzəti sıftədə iyən bın dəvardə çıl sori məzlumə milləton himoyə kardey,bə həmonə usul iyən prinsipon əsos bıə.İron İslom Respublikə Bəhreyni məzlumə milləti himoyə kardey həm bın zəminədəy.
Bəhreyn 2011- milodi sori fevrali 14-ə rujiku milləti bə Ali-Xəlifə rejimi ələyh etırozinə mitinqon şoyde.çın etırozon otəş hamuş bıəni və millət ıştə həxon tələb kardedən. milodi 2011 sor fevrali 14-ə ruj çı Bəhreyni hukuməti mıxolifon xışm və ğəzəbi ələnə və oşko bıə ruje.bə Ali-xəlifə rejimi etıroz kardero cəm bıə qıləy ruj ki,millət de Bəhreyni rejimi əmniyyət ğıvvon vositə etosney be,çandə nəfər yarəjə və idastə həm kıştey be.i manq bədiqə martə manqi 15-ədə de Amerkə bə vaxtnə mıdofiyə vəziri(Robert Getisi) bə ın məmləkət daxil bıey bə ico, Səudiyyə Ərəbıstoni hərbi ğıvvon bə Bəhreyn daxil bin.əvon de milləti hoziyə rəftor kardedəbin və etırozəkə milləti xuni rukardedəbin və çandə xonəxo ijən kıştey be və çandə nəfər həm zəxmi.
Bəhreyni devlət Lu`lu meydonış yəni çı Bəhreyni inğlobi bino bıə vırəş vırto-voloş karde və çı Bəhreyni milləti İnğılobi hərəkəti simvolış de zəmini həmoş karde ta etırozon sədo okuşo.
Isət çı Bəhreyni milləti etırozonku həşt sor dəvardedə.Bəhreyni zılmkorə rejim qırd bın soronədə deştə əmniyyət ğıvvon vositə milləti sədo etosneydə,etırozəkəyon mıttəhəm kardedə,əvoni həbs kardedə, çəvon kəonku dərbədər kardedə və ya çı Bəhreyni kişvəri şəhrvanədətiku məhrum kardedə.
Bəhreyni hakimiyət de Ərəbıstoni təhriki iyən deştə səhvə mıhosibaton təsəvvır kardedəbe ki,de osonə mışti iyən milləti dəvominə formadə etosniye,ıştə sutunonış larzə hakimiyyəti oqəteyt bəzıne.əmmo,çın rejimi bə mıxolifə milləti ələyh haft sornə repressiya çı millıəti sədoş hamuş kardey zınəşni.
Bəhreyni rejimi ıştən bə vucud vardə bo çın sıviku xaric bıey xoto,cəhd kardedə ki,ımi bə İroni qıy şodo və iddio kardedə ki,İron bəçəy daxili koon mıdoxilə kardedə.əmmo,həyğət ıme ki,Mənama devlət ıştən bə Ərəbıstoni mıdoxiləkə siyosəti dıço bıə.Bəhreyni rəsmi şəxson İroni bəçəvon daxili koon mıdoxilə kardeyədə ittihom kardedən və səy kardedən ki,ım duyə sıxanon bə cokəson həm ilğakon.əmmo,jıqo təblığaton iyən milləti de osonə mışton etosney,bə Bəhreyni milləti qanuni tələbon təğib kardey mane beıy zınəşni.
Bəhreyni “Əlvifağ” cəmyəti yol Şeyx Əli Səlmon bın barədə votedə:”siyosi ro və Bəhreyni milləti tələbon ğəbul kardeysə co ro mumkin ni və harcurnə ın həlli roy bə təxır eğandey,bə Bəhreyni ziyodə xarcon bo bəjəne”.
