Osmoniyə surəon-158

Osmoniyə surəon-158

Duxani mıborəkə surə Kərimə-Ğıroni çılo çominə surəy.ın surə Məkkədə nozil bıə və 59 qılə ayəku iborəte.Kulliiyə surətədə bın surədə bəhs bıə mevzuon çımiku iborəte:Kərimə-Ğıroni əzəmət iyən çəy mıborəkə şəvədə nozil bıey.tohid ,Xıdovəndi vahidəti iyən çəy hestemoni aləmədə bıə əzəməti nışonəon. kofiron ağıbət iyən çəvon cəzoon.Mosə(ə)-i sərquzəşton və Bəni-İsrayli çı Fironıjon mığobilədə mande iyən əvoni məğlub və məhf kardey.xılğət iyən hestemoni aləmi qıləy hədəfış bıey, ğıyoməti məsələ, cəhəndımi əzobon iyən çı təğvanin və pərhizkoron mıkofaton.çun bın surədə Duxan-duyəvlə- sıxan bə miyon omə, əve bə ın surə həm Duxan nom noey bıə.                                                                                 

Hamim.Ğəssəm bıbu bə(ın)ruşinəkə kitobi. Ki,əmə əvımon qıləy mıborəkə şəvədə nozil kardemone.əmə hejo tarsədə bimon. həmonə(şəvədə) har qıləy ko bə ilahi hikməti əsos təfsil iyən təbyin bedə.qıləy koye ki,çəmə tərəfiku.bərosti əmə (pəyğombəron) vığandə kəs bimon.(1-5)

Kərimə-Ğıron qıləy kitobe ki,çəy mehtəvo iyən məzmun ruşine və çəy maarifon oşko.həmçinin çəy təlimon iyən hukmon bəyji və təsirine.ın kitob de bərəkəti pur bıə qıləy şəvədə Xıdovəndi tərəfiku nozil bıə.qıləy şəv ki,çı xeyrat və çokəti məbdə iyən çı çokətiyon sabitə sərçeşməy.mıfəssır iyən təsirəvonon əvışon ğədrə şəv təfsir kardəşone.qıləy de bərəkəti pur bıə şəv ki,de Kərimə-Ğıroni nozil beıy,bəşəriyyəti dınyo mığədəddərat,qıləy tojə ranqış bəştə qəte və çı məxloğati tale iyən çəvon mığəddərat həmoonə şəvədə təyin bedə.həlbəttə,Ğıroni dıqlə nozil bıey forməş mevcude.qıləyni tədrici nozil bıeye ki,çın ilahi kitobi təlimon vistı-se sori ərzədə bə pəyğombər(s) nozil bıə.çoko ki,Ğıroni  ayəon ibaxşədə de pəyğombər(s) iyən mısılmıno jimoni mıxtəlifə hodisəon əloğədor,23 sori mıddətədə enovniye bıə. əmmo,Kərimə-Ğıroni dəfi iyən idəfənin enovniye məsələ iqlə şəvədə bıə ki,ım həm çı Rəməzonə manqi mıborəkə şəvonku qıləyniyədə nozil bıə.Kərimə-Ğıron Ğədri mıborəkə surədə bəy işorə kardedə.jıqo ki, hamyedə:”Əmə əvımon(Ğıronımon)ğədrə şəvi nozil kardemone”.

Duxani mıborəkə surə 9-ə ayədə  bə əkəson işorə kardedə ki,əvon həyğəton inkor kardedən və bə həşə jeydən.əkəson ki,de həxı zərfət kardedən və çı osmoniyə kitob iyən peyğombər(s)-I risoləti həxədə bə qıləy nığlıə  şəkko-şubhə dıço bıən.