Dıqlə təvəlludi iqlə rujədə bıə rəmz.
Dıqlə təvəlludi iqlə rujədə bıə rəmz.
Imruj Rəbiul-əvvəli havdəminə ruj,islomi əzizə peyğombər(s) iyən imom Sadığ(ə)-I təvəllud iyən bə dınyo omə ruje ki,ım həm bə mısılmınon ziyodə şoyvonəti boyis bıə.bın ruji ijən Xdıo-Rəsul(s)-I tovsiyə bəçəmə yod dəşedə ki,ə həzrət hamyedə:”mı şımə miyono dıqlə erjinə miros noydəm.hakəs ki,çı nicot iyən hərəbaxtəti əhl bıbu,bəvon təməssık(çanq) bəjəne ta ıştə roy qin nıko.çəvonku qıləyni Ğıron iyən coqləyni çımı əhli-beyt(ə)”. İmom Sadığ(ə) min cumlə çı peyğombər(s)-I əhli-beytikuye ki,Xıdovəndi Kərimə-Ğıronədə əvoni çı mırdoləti iyən nopokətiku pok kardeyış elon kardə.həmçinin islomi-peyğombər(s) de qıləy çokə təbiri ıştə əhli-beyt(ə)-I çı insonon miyono bənə Nuhi(ə) kəşti zıneydə ki, əvon de bəy pənoh barde bə nicot iyən hərəbaxtəti sahili rəsey dast pəydu kardey bəzıneyn.
İmom Sadığ(ə) ıştə de bərəkəti pur bıə 34 sornə imoməti dırozi,boştə cəddi dini bəyji kardey xoto,bo ilahi mesajon rosnero və bo miləti hidoyəti xoto,ziyodə cəhdış karde.ə həzrət ıştə həcdə sornə imoməti dırozi de daqlə əməvi xəlifə I əsrədə be və bəçəvon zəyifəti xoto,İmom(ə) bo de milləti rabitə bərğərol kardey xoto,qıləy çokə fırsət və macal be.əmmo,co şonzə sor çı Əbbosiyon xilofəti zəmonədə və de ziyodə və şiddətinə saxtəti dəvordıneşe.əmmo,qırd demon bə ico,İmom Sadığ(ə) ağılmandə formadə çı mısılmınon fik iyən əğayidi koyədə dıjdə ovandəti iyən muvəffəğiyyətış bə dast varde.
İmom Sadığ(ə) çı Bəni-Əbbosi hukuməti zəmonədə jiyedəbe ki,əvon de “Ərrıza min Ali-Muhəmməd(s)”-I şuari bə hakimiyyət omin.əvon de ın şuari bə Xıdo-Rəsul(s)-I xıyzoni məxsus xilofətışon bə dast vardeşone və əvon de bəpe ikəs çı peyğombəri(s) xiyzoniku bə hukumət boy şuari de bəni-uməyyə sulolə mıborizəşon barde.əmmo,nəhoyətədə əvon çoko ki,bə hukuməti taxt iyən məsnəd nıştin,Ali-Muhəmmədışon(ə) bə kəno noe və deəvon deşmınətişon karde.Əbbosiyon de bə ın şuari təkyə kardə holədə,ziyodə Bəni-Haşımi əksəriyyət və çəvon şiəyon,məxsusən ironıjınışon deştə bə ico həmray kardeşone və əvon çandə mıddət ıştə həyğiyə çehrəşon de ın ko vositə məxfi kardeşone.qıləy toykiyə fəzo və sferadə Kərimə-Ğıroni təlimon iyən peyğombər(s)-I hədison bo ğudrəti soybon bə qıləy əbzori təbdil bıə be.co tərəfiku həm ziyodə hisobədə mıxtəlifə fırğə iyən dastəon de mıxtəlifə əğedə və əndişə milləti miyono ilahd iyən kufri fəlsəfə və xorafati pevolo kardey dumo bin.liza,İmom Sadığ(ə) de dini əndişə və plani,ağli etığodi islohi və de əxloği tərvici ko məşğul be və Cəfəri şiə məzhəbış təşkil doe. odəmi dığğəti cəlb kardə nuktə ıme ki, şiə de Cəfəri nomi nom noey,hejo çə həzrəti zəmonədə iyən de ə həzrəti ıştən vositə be.ə həzrət bəştə duston iyən piyəkəson sıfarış və tovsiyəonədə hamyedəbe: ”şıməku ikəs ki,ıştə dinədə bə təğva rioyətko və ıştə sıxanədə rostəvıj bıbu və əmonəti ədoko və de milləti çok rəftorko,camaat bəvote ki,əv Cəfəriye.(yəni çı İmom Sadığ(ə)-I dustonkuye)və bın zəmon mı vey xoşhol iyən şo bəbem və ehanə şımə rəftor jıləvoni nıbu,bəvədə ım bəçımı ar iyən xəcoləti boyis bəbe və camaat bəvoteyn ki,ım çı Cəfəri tərbiyə doə kəse.
