Ğərbədə bə umum cıvonon xitob
Ğərbədə bə umum cıvonon xitob
Se sor çımi bənav jıqo qıləy rujonədə Paris şəhrədə qıləy terroristə hodisə bəpeştə,Avropə kişvəronədə islomofobiyə hevujə surətədə bəro dəqıniye.ğərbi devlət iyən informasiyə vositəon ijənın fırsətışon pəydu karde ki,bə islom iyən mısılmınon ələyh mıxtəlif səviyyədə islomofib hərkətonışon bino karde. Avropədə terrosristə həmləon ın fırsətışon bə ğərbi doşone ki,əvon islomi kişvəronədə de terrorizmi mıborizə bardey bəhonə behron iyən mınoqişə bısoxton və həmonə məmləkətonədə hoziyəti icodkon. əvon cəhd kardedəbin ki,islomi de qıləy hozi iyən radikalə dini nomi bə dınyo elonkon.Avropədə ın anti-islom iyən islomofobik ləpə,boyis be ki,İron İslom Respublikə Yolə Rəhbər həzrət ayətullah Xamaneyi dıminə kərə bə ğərbi kişvəron cıvonon xitobən qıləy nomə bınıvışto və bəvon tovsiyə kardeşe ki,əvon islomi vositə nıbə holədə omuton və çəy barədə təhğığkon.İnğılobi Yolə Rəhbəri iminə nomə bənə dıminə məktubi bəö zəmon nıvıştey be ki,Fransa de qıləy terroristə hodisə iyən həmlə dimbədim ome. 2015-ə sori yanvarə manqədə Fransadə bə ”Şarli Hebdo” jurnali redaksiyə həmlə be ki,əvon islomi peyğombəri(s) təhğiramizə təsvirışon kəşəbe və bə həzrəti ihonətışon kardəbe.İnğılobi Yolə Rəhbəri sıftənə noməş bə”Avropə iyən Şimoli Amerkə” cıvonon xitobış kardəbe və çəvonku tələbış kardəbe ki, əvon bə ısət dınyoədə islomofobik siysoəton məhəl nınon əvon bışon mıstəğim iyən sərostə formadə islomi çok-çoki omuton iyən əy bızınon.ə həzrəti dıminə məktub bə ğərbi cıvonon bə zəmon vığandey be ki,ijən səniobəton Fransadə co qıləy terroristə hodisə bə əməl ome.İnğılobi Yolə Rəhbər ıştə bə ğərbi kişvəron dıminə məktubi iminə cumlədə bəvon xitobən jıqo nıvışteşe:”Fransa məmləkətədə bıə ın telə hodisə ki,bə əməl ome,ijən mınış məcbur karde ta deşmə cıvonon qıləy dialoqım bıbu”.
