Osmoniyə surəon-168

Osmoniyə surəon-168

Muhəmməd(s)-i surə 4-ə ayədə  bə de deşımıni ğətiyyətinə formadə rəftor kardey işorə kardedə və təkid kardedə ki,ın həmləon bəpe anədə dəvom pəyduko ta çı deşmınon səfon vırto-volo bıbu iyən bəpe əvon bəsə zonusə nıştovney bıbu.bın zəmon əvoni əsir bıqətən və ğoym-ğoymi dəbastənən.

Bın ayədə bə canqi qıləy usul iyən prinsipi işorə kardedə ki,deşmınə dastə mığoviməti darıştey bənav, bəpe əvoni əsir qətey dumo nıbu.çıro ki,de əsiron qətey məsələ məşğul bıey,qahi vaxti ləşkəri çəvon əsliyə vəzifəku oqəteydə.əmmo,bə deşmıni ğalib omey bəpeştə,əvoni əsir kardey lozıme.boçi ki,əvon ozod bıbon.mumkine de tojə nəfəsə ğıvvon səfərbər kardey,ijən bəşmə həmləkon və bəşmə zərbə bıjon. çən,əsiron qətey bədiqə,əvoni mehkəm dəvastənən ta əvon ğəflətən bəşmə çı peştiku zərbə nıjənon iyən şıməni de problemon dimbədim nıkon.əmmo,deşmıni ğıvvon əsir kardey bəpeştə,çəvon barədə bəpe bə insonə həxon rioyət kardey bıbu.

Bın ayədə bə canqi bəpeştə de əsiron çokonə rəftor kardey məsələ həm işorə bıə.joqo ki,hamyedə:”ya bə əsiron mınnət bınənən və beəvəz əvoni əvəzkənən və ya de fidyə iyən qıləy əvəzi əvoni ozodkənən”....

Ayə dəvomədə əlovə kardedə ki,de deşmınon canq kardey iyən əvoni əsir qətey vəzyət ijən dəvom pəyduko ta canq ıştə sanqinə bo,bəsə zəminisə bıno.fəğət bə vaxti şımə canqiku dast bıkəşənən ki,çı deşmıni mığovimət nışon odey ğudrət həni mandəni və canqi otəş okuşıiyə.

Bın ayə iyən 4-5 ayəonədə mıjdəvoni doydə ki,Xıdovənd çı həxı de botıli canqi zəmonədə ıştə conışon çı dasto doə şəhidon əməloon hiçvaxti məhf kardedəni və Xıdovənde-Xalığ rəyrə əvoni hidoyət və çəvon koon isloh bəkarde iyən əvoni bə əbədiyə vəhışti daxil bəkarde ki,Xıdovəndi çəy vəsfonış Kərimə-Ğıronədə bəyonış kardə.

Muhəmməd(s)-i surə 7-ə ayə de qıləy ğəşənqə təbiri muminon bə de islomi deşmınon  canq kardey ko təşviğ kardedə.joqo ki,hamyedə:”ha imon vardə kəson ha!ehanə bə Xıdo(dini)koməkkon,(Əvhəm) bəşmə komək  bəkarde və şımə ğədəmon ğoym bəkarde”.

De həxı deşmın bıə zolımon canq kardey,çı həyğiyə imoni nışonənkuye.bə Xıdo komək kardey,bəçəy din iyən ayini,bəçəy pəyğombəri iyən bəçəy təlimi komək kardey mənoədəy.

Ayə dəvomədə hamyedə ki,Xıdovənde-Aləm bəşmə komək bəkarde.ıəst mumkine ım ilahi komək və nusrət de mıxtəlifə forma və surəti bıbu.insoni dıl de imoni nuri ruşin bedə və çəy irodə zumand kardedə,bə və beşə hodisəon bəçəy nəf iyən xeyri oroxnedə və bəçəy fəaliyyəton qıləy səmərə baxş kardedə.əmmo,Xıdovəndi koməkon miyono ın ayə bə qıləy məxsusə sabit ğədəməti təkid kardedə.çıro ki,çı deşmıni mığobilədə mığovimət nışon doey,çı səbarzəti və ğələbə həmməysə muhimmə amile və umumən canqi de ğələbə oroxnəkəson əvonin ki,əvon sabit ğədəm mandedən  ziyodə istiğomət nışon doydən.

Bəle,Xıdovəndi nusrət və koməkon bə muminon şomil bedə.ilahi məlayikon bə imoninə şəxson komək kardedən və əvoni çı fırsiyeku oqəteydən.əmmo,kofiron jıləvoni nin.beimonə fərdon fırsiyə zəmonədə həni hiçkəs çəvon bazu və kəşi ji qəteydəni və əvon bə suğuti də səmt hərəkət kardedən.çı muminon əməlon de bərəkəti pure,əmmo çı kofiron kardə əməlon hiç qıləy əsosış ni və çəvon əməlon de surəti məhf bəbe.

Muhəmmədi(s) surə 9-ə ayə çı kofiron suğuti jıqo bəyon kardedə:”ım həmonə xətəre ki,Xıdo nozil kardə çiyku kərohətışon hestebe. (xoşışon omeydə nıbe)liza,Xıdovənd çəvon əməlonış hubt iyən məhfış kardə”.

De ın ko əloğədor 11-ə ayə dığğət kardedə ki,bə pokə zoti soyb bıə pərvərdıqore-aləmi viloyəti jiyədə bıə kəson,Xıdvənd çəvon muşkilaton zəmonədə bəvon komək bedə və oxoyədə əvon bəştə məğsədon rəseydən. əmmo, kofiron əməlon moəhf bedə və çəvon ağıbət həm həlokəte.joqo ki,hamyedə:”ın bəçəy xotoye ki, Xıdovənd bə imon vardə kəson yol iyən bəvon komək kardedə,əmmo çı kofiron sərpərəst və koməkə ni”.