İron çıl sor inğılobi səbarzəti bəpeştə-30

İron çıl sor inğılobi səbarzəti bəpeştə-30

Amerkə ijən dıjdə şəytone və de ziyodə hiyləon plani kəşey iyən icro və kali məntəğə kişvəron həmdastəti bə ico,bəştə sultəgərə siysosəti dəvom doydə.Amerkə dayimi surətədə deştə təhdid iyən yavə sıxanon  dəvardə soronku de tobə ısət bə ın zəminədə bıə hərəkəton qıləy ruşinə sənəde.əmmo,de qırd ım deşmınətiyon bə ico,İron İslom Respublikə İnğılob ijən səbarz və ozavziyə holədəy.İroni millət bəştə hədəf və nociyon rəsey xoto,çı qırd ım təzyiğ iyən təhrimon mığobilədə mandedə və bın dəvardə çıl sori ərzədə de qırd bə ın təzyiğon tov vardey,dınyo mıxtəlifə məntəğəonədə bo co ozodtələbə milləton bə qıləy ulqu təbdil be.

Bə Amerkə dəvardə deşmınətiyon nəzə kardə holədə,bın dəvardə çıl sori Amerkə de nevbənevə məkrinə planon ımonış icroş kardə və de duyə iddion pevolo kardey,bə İroni milləti ələyh zolımonə sanksiyaonış tətbiğış kardə və hətto de terroristə qrupon iyən fitnəkorə dastəon himoyə kardey,nodırıstə hərkətonış əncom doe ta İroni milləti miyono təfrığə eğando iyən İroni devləti zəyifko.

İron İslom Respublikə çı dıləku volo kardey və əvəz kardey iyən əy de nevbənevə sanksiya iyən təzyiğon dimbədim haştey,çı Amerkə devləti rəsmi şəxson ideloji əsosonkuye.Amerkə bəştə bın hədəfon rəseyro, bə İroni ələyh çı harcurnə varyantiku oko doey fikədəy.ısət həm həmonə sıxanon iyən əndişəon çı Amerkə ısətnə devləti rəsmi şəxson zıvoniku tikror bedə.

Amerkə bə ın puçə xiyoli dıço bıə ki,İron İslom Respublikə bənə çəyku bə şıkrə mandə co rejimone ki,de qıləy təhdid iyən de çandə qılə sanksiya bə tarso-vohimə dıço bəbe və bə təslimi vodor bəbe.İroni millət çı Amerkə devləti   mohiyyət iyən çəmonku çok-çoki xəbədoe və de Amerkə fişar iyən təzyiğon mığobilədə mande və mığovimət nışon doey,bəçəy tələbon ne votedə və qırd bın dəvardə soron İroni millət bə Amerkə tələbon de məno pur bıə lozımə cəvobonış doə.

İron İslom Respublikə deştə milləti himoyə və bə inğilobi ruhiyyədə bıə cıvonon təkyə kardə holədə,çı Amerkə qırd zu tətbiğ kardey iyən həddiku ziyodə tələb kardey vədə,ğoym iyən mehkəm mandən.