Samirra həşi peme

Samirra həşi peme

Hicri-Ğəməri 232-ə sori Rəbiyus-Sani manqi həştminə ruji,peyğombər(s)-I pokə suloləku qıləy hırdən bə dınyo ome.ın mıborəkə tifli sədo,Mədinə şəhrış muzəyyən kardeşe.çoko ki,çın bərəkətinə fərzəndi vilodəti xəbə mıjdəvoni bə İmom Hadi(ə)-I doə zəmonədə,ə həzrət ome bə həmonə tifli-məsumi rostə quşi əzon və bəçəy çəpə quşi iğoməş hande və bə hırdəni Həsən nomış noe.çun ə həzrət deştə əzizə pı İmom Hadi(ə)-I bə ico de Əbbosi xəlifəon əmri İraği Samirra şəhrədə bıə əskəron poliqon iyən xıdmət kardə  vırədə sakin be və əyo jimon kardedəbe,əve ə həzrət de Əskəri nomi məşhur be.çə həzrəti kunyə Əbu Muhəmməd və məşhurə ləğəbonış həm Təğı iyən Zəki be.

İmom Həsən Əskəri(ə)-I de bərəkəti pur bıə umr,bə seqlə devrə təğsım bedə:iminə devrə de tosə sensə sorə Mədinədə jimon kardedəbe.dıminə devrə de tobə 23 sinni deştə əzizə pı bə ico Samirrada jimon kardedəbe və çə həzrəti jimoni seminə devrə həm çəy umri oxonə şəş sornə zəmon be ki,ıştə qiramiyə dədə şəhodəti bəpeştə,Samirrada çı şiəyon koon rəhbərətiş bəştə ehdəş peqəte.bın şəş sori mıddətədə çə həzrəti vədə ziyodə saxtiyon ğərolış qətəbe.zira,Əbbosi hukuməton ziyodə məhdudiyyət iyən işkilon bo ə buzurquvarə imomi icod kardedəbin.torıxi şoydətiyon nışon doydə ki,kulliyə formadə iştimayi iyən siyosi vəzyət iyən şərayit,Hicri dıminə əsri sıftənə da soronədə bo Əhli-Beyt(ə)-i vey saxt  və norohətəkə be.liza,çandə qılə çə buzurquvaronku de Əbbosi hukmdoron məcburi surətədə bıə əmri,noçor bin ki,ıştə inəku bıə vətən yəni Mədinə şəhri tərkkon  və ıştə əsliyə vətəniku bə diyəroə vıronədə jimonkon.İmom Həsən Əskəri (ə)-I həxədə həm vəzyət jıqo be.həmonə əzizə İmom ıştə hırdənəti devroniku deştə əzizə pı, məcbur bin çı Əbbosiyon bə vaxtnə poytəxt və hərbi qıləy şəhr bıə Samirrada jimonkon və hejo çı hukuməti aparati koəkəyon tərəfiku çı nəzorəti jiyədə bıbu.

Qıləy əsrədə ki,bə islom bidəton roşon pəydu kardəbe və cəholət iyən nodonəti ıştə soğnəş bəsə cəmyətisə eğandəşbe,İmom Həsən Əskəri(ə) çı dini həyğətonış şəffof iyən ruşinə formadə bo milləti bəyonış karde.İmom(ə) Həsən Əskəri(ə) bənə peyğombər(s)-I co Əhli-Beyti(ə) bə qıləy  nığıl iyən hevujə elmi soyb be və çə həzrəti elmi şua bə həmmə səmt pevolo bıəbe.İmom(ə) elmi bəhsonədə vardə istidlolon jıqo təsir iyən nufuz kardedəbe ki,ərəbi filosof Yəğub bin İshoğ Kindi de ə həzrəti mınozirə iyən debati bəpeştə,həyğətış dərk karde və dini tənğıd kardey barədə qıləy kitobış nıvıştəşbe,deştə dasti sutuneşe.ə həzrət mərıfəti təşnəon de həyğəti nuş bıəninə ğortə ovi sirab kardedəbe.