Sənədinə filmon vəzifə,həyğəton bəyon iyən voteye.
Sənədinə filmon vəzifə,həyğəton bəyon iyən voteye.
İroni Sənədinə kinomatoqrafiya pevolo kardey iyən sinema koon təşkiloti təcrubi mərkəz,İroni sənədinə filmon beynəl-xalğ festivali donzəminə devrə de “həyğəton sinema” 1397-ə azərə manqi 18-ə rujiku de tosə 25-ə ruji (yəni dekabri 9-ə rujiku de tosə 16-ə ruji) Tehronədə bərpo be.de ”həyğət həmməysə çokə rahnumay” şuari ki,çı həzrəte Əli(ə)-i hamye əsos,çın festivali barzə səviyyədə ğərolış qətə.”həyğəti sinema donzəminə beynəl-xalğ festivali” ixtitamiyyə ya oroxnemoni mərosim azərə manqi 25-ə ruji (dekabri 16) işanbə ruji ğeyd be və çın devrə vıjniyə bıə kəson elon be.İroniku ”botı qıləy kə” sənədinə film,çın devrə film festivali həmməysə mıvəffəğə film be ki,de 6 qılə sahədə nomizədəti bə ico,həm həmməysə çokə film,dırozə sənədinə filmi həmməysə çokə rejissorəti və həmməysə çokə musiği cayizə və mıkofatış ğəbul karde.
“Bəharıstan”,”əsrare dəryaçe(qolə sırron)”,”Delbənd”,”havzə biyoboni sape” və həmçinin “sənq və nan (sığ iyən nun)” filmon İron İslom Respublikəku çın devrə festivali vıjniyə bıə əsəronku be.
İron çı mədəni soyb bıə 15 qılə məmləkətonku qıləyniye və sənədinə film de qıləy təsirinə bəyoni əbzori ın ğudrət və hınəş heste ki,çı sənaye sektori kəno ğərol bıqəto.ımsornə festivalədə 16 qılə film bə İroni mədən sənaye ayid bıə sənədinə filmonış nımoyiş kardeşe ki,”Şure Şirin”(şinə həyəcon) və “Qalin” filmon bın festivalədə bə mıkofati loyığ vindey bin.hakimon heyəti məxsusə mıkofati baxşədə Tanzaniyaku “Lolo boksiyor murvarid”,İroniku “Mahyak” və “fəryadro be bad”,Macarıstoniku “Nəv manqnə canq”, və Ğətəriku “Alişiya” və Hollandiyaku”İksdus” filmon kardeyışon zıne ın mıkofati bıstənon.Şəhid Avini baxşədə həm bə “Canqi muxbiri xotırəon”,Bəluçeston,”Cənab zardi Simulyasiya” və “Lisik” filmon mıkofaton doey bıə......
Sənədinə filmon nəşr kardey mərkəzi direktor Seyd MəhəmmədMəhdi Təbatəbayi Nəjad votedə ki,ımsopr təğribən 650 qılə sənədinə film bə festivali redaksiyə vığandə bıə ki,çəvon miyono 74 qılə film milli mısobiğə baxşədə və 29 qılə film həm Şəhid Avini prizi baxşədə ğəbul bıə.
