İron çıl sor inğılobi səbarzəti bəpeştə-33

İron,İnğılobi çıl sori bəpeştə

İron İnğılobi bənav,çı Məhəmməd Rıza şah Pəhləvi hukuməti jiyədə be ki,çı Amerkə dasti jiyədə bıə kəs və Amerkə sultə jiyədə be ki,de de ixtisodi iyən jeopolitik resurson ğarəti hədəfi,ğərbi istemari jiyədə ğərolış qətəbe.İroni nati mənbəon xarici şirkəton istexroc iyən istismor kardedəbin.Tehrono bıə Amerkə səfərotxonəku de casusə əməliyyoton mərkəzi vositə oko doey bedəbe .çoko ki,Amerkə əvaxtnə prezdent  Cimi Karter votəş be ki,bə İroni bənə “təlatuminə dıyo dılədə bıə oromə ləpəki” nəzə kardeydə.

In həyğəton Amerkədə anti-canq fəalon rəhbəronku və Virciniya Defeneder nəşriyyə sər redaktor bıə Fil Vilayto çı İslomi inğılobi  iyən Amerkə de İroni milləti nığılə xusumət iyən deşmınəti rişəon barədə bıə  mısobibəy.

Həyğət ıme ki,İron İslomi İnığlobi bənav və bəpeşt çı Amerkə tərəfiku bıə mıxtəlif cur məkrinə planon dim bə dim bıə.Amerkə nimə əsrisə veye ki,de bə İroni ələyh xusumət iyən bəçəy koon mıdoxilə kardey bəy sədəmə jeydə və ısətən cəhd kardedə de de təhdid iyən sanksiya əbzoron vositə  iyən bəçəy zənni əsos ıştəni bəpe qətə holədə çı İroni milləti ruhiyyə zəyifko və İroni çı inkişof iyən istiğloli royku oqəto.

Amerkə devlətmədoron çı İron İslom Respublikə təsis bıey hejo sıftənə rujonku  de qıləy stratejikə hədəfi nomi ın nizomi peqordıney ıştə prioritetışon elon karde.

Amerkə prezdent Obama  iyulə manqədə de  Nyu-York Taymz rujnomə ıştə interviyu zəmonədə votə sıxanon bə həmonə torixi həyğəton dəlolət kardedə.

Barak Obama bın mısohibə vaxti voteşe:”…ehanə şımə bə İroni torıxi qıləy nəzəkon,həyğət ıme ki,çəmə İronədə mıntəxəbə demokratik hukuməti peqordımonədə de qıləy formə dastımon bıə.əmə dəvardə soronədə Səddam Huseynımon himoyə karde.bə zəmon ki,zıneydəbimon əv bə İroni ələyh canqə kimyəvi silohonku okoş doə və nəticədə çəvon əmniyyəti iyən norohətçəti iyən ıştə təhlilışon heste”.

Zıvonşınos,analitik iyən vistminə səri məşhurə alimonku bıə Nuam Çamski de Nişəni jurnalisti mısohibə zəmonədə çı Amerkə de ironi milləti ədovəti şərh kardə holədə çı Amerkə bə İroni ələyh bıə deşmınəti səbəob barədə  voteşe:”…Amerkə yolon və bın kişvərədə bıə mediya sahədə bıə təhlilçiyon  vey vaxtiku İroni həmməysə vey xətərnok və ğasbu çı zəmini kurə həmməysə vey təhlukəninə  kişvər elon kardəşone və çımi bə  Trampiku bənavi aiyidiyyətış heste”.

Çamski çı Amerkə de İroni xusuməti əsliyə dəlilon bəyon kardə holədə de sarkazm və tənə ləhni votəşe: “çı İroni baxşey nıbə qınoş ıme ki,qıləy diktatorış məhfış karde ki,Amerkə 1953-ə milodi sori de hərbi peqordımoni vositə əvış bə hakimiyyətış vardəbe.qıləy peqordımon ki,İroni parlamneti sistem iyən çın kişvəri milləti bəştə təbiiyi sərvəton ayid nohəxə bovəş məhf karde.dınyo çəysə vey mırəkkəbe ki,ıştə təzahuron kardey bızıno de soyə formə şərhko.əmmo,bəçımə nəzə əsos,macəra rəğ-rişə iyoe”