Qıləy satira ki,ğəhvə təmış hestebe

Qıləy satira ki,ğəhvə təmış hestebe

Kali şəxson bəy çı muosirə Ubeyd Zakani ləğəbışon doə və bəzi qıləyni həm bın bovədən ki,deçəy ğələmi satira qıləy tojə conış se.dıjdə odəmon hətto cokəson əvoni nızınon həm qədə nibəbeyn və qədə odəmon dınyoədə məşhur həm bıbon,dıjdə şəxs nibəbeyn.Əbulfəzl Zəruuyi Nəsrabadi mumkine kam odəmon bızınon,əmmo ımi votey lozıme ki,şək ni mıosirə farsi ədəbiyyotədə məəxsusən satirik janrədə əv,çı əsliyə sutunonkuye.

Əbulfəzl Zəruuyi Nəsrabadi qıləy ironıjə şayir,muhəğğiğ iyən satirik janronədə nıvıştə qıləy şəxs bıə ki, 1348-ə Həşi sori Ordibeheştə manqi 15-ədə Tehronədə bə dınyo çəşış oj karde.əy ıştə təhsilatış de tosə farsi zıvoni iyən ədəbiyyoti aspirantura dəvomış doə və 1368-ə həşi soriku ıştə mətbuatiyə fəaliyyətış bino kardə.de QolAğa nəşriyyə həmkorəti və həmçinin bənə Həmşəhri,Came-Cəm və İron portirajinə rujnoməon  və de nəcməsənəti  sektoronədə həmkoərti kardey iyən  İslomi Ozodə Universtetədə tədris kardey,fəaliyyətonış mevcude.     

Zəruuyi İron İslom İnğılobi səbarzəti bəpeştə İronədə bənə satirik şeri iminə təsisəkə  zıney bedə.”dər  həlğəye rendan” yəni zirənqə şəxson dayirədə,tələbə satirik şeri festival və de “xəlvəti şəvi” nomi,İroni iminə satirik şəvi min cumlə çə iclosonkuye ki,deçəy vositə təşkil bıə və çəy bın sahədə fəaliyyət bıə.

Əv de bənə “Molla Nəsrəddin”,Çuğundər Mirza,”Nənə Ğəmər”,Kulsum Nənə,Amiz Məmətəğı,Mirza Yəhya və Əbdul nomon və bənə Qulağa,Həmşəhri,Came-Cəm,İraniyan,İntixab,Zən,Mehr,Keyhane-vərzeşi,Banu,Costecu,Ərus və Təmaşəgəran  mıəssiə nəşruiyyatədə fəaliyyətış nışon doə.

Zəruuyi  nəşriyyat iyən qəzetonədə çı satirsə mətləbonsə əlovə, co əsəronış həm boəmə bə yadiqor noəşe.zikrul-məğamat,rufuzuha,mah be ruyəte ah,ba mərifəthaye aləm,paretərin ğısməthaye dunya və raze  səre divar min cumlə çın əsəronkuy bə hisob omeydə.