Miyonə Şərğ dəvardə haftədə
Miyonə Şərğ dəvardə haftədə
Stokholmi sulh dəvardə milodi sori dekabrə manqədə çı Yəmənıjə dastəon miyono və de İMT nəzorəti bə dast ome ,hejo jəqo həm de Səudiyyə koalisiya və bə Yəməni istefo doə devləti nezə heyəti vositə darıştey bedə.İMT Əmniyyət Şurə dəvardə haftə 75 qılə beynəlxalğ mışohidəçiyonış Yəməni Əlhudeydə ostanədə vırə bə vırəş karde.ın hərəkət qıləy şərayitədə bə əməl ome ki,Səudiyyə təcovuzkorə koalisiya dəvardə penc şanbə ruji Əl-Hudeydə şəhrədə İMT tərəfiku bo bə otəşbasti nəzorət kardero bə Yəmən vığandə bıə kərvoni rəyis Patrik Kamaert maşini həmləş kardə.
Həmonə holədə Yəməni silohinə ğıvvon sıxanəvot qenaral Yəhya Səri` həm dəvardə pencşanbə çı Səudiyyə təcovuzkorə ğıvvon bə Yəməni Əlhudeydə porti şimol hissə bombardmon kardey xoto,haft nəfəri kışteyku xəbəş doe.qenaral Yəhya Səri` əlovəş karde ki, təcovuzkorə Səudiyyə koalisiya Yəməni Əlhudeydə şəhri şəhrvandon jiyə jimoni komplekson,kəon iyən kaştemoni sahəon de minometon vositə qulləşon ğandə və çın rejimi canqi təyyorəon çı Yəməni mıxtəlifə ostanonədə 53 qılə həmlə dəvordınəşone.
De ın holi Amerkə xarici koon vəzir Mayk Pompeo dəvardə haftə iddioş kardə ki,Yəməni Ənsarullah bə İsveçi sulh kontrakti rioyət kardedəni.Yəməni inğılobi Ali kKomitə rəyis Muhəmməd Əli Husi bə Amerkə devləto kotibi ın sıxanon reaksiyədə əvış qıləy duyə iddio zınəşe və ıştə Tvitter səyfədə jıqo nıvıştəşe: ”bənə Yəməni hərbi ğıvvon çı Əlhudeydə bəndəriku xaric bıey bıə mısbətə ğədəmon,de Beynəlxalğ sulh ğıvvon bın portədə vırəbə vırə kardey və Ənsarullah de İMT ğıvvon komilə surətədə bıə həmkorəti ,çı Mayk Pompeo iddion nodırst bıey nışon doydə
