Ğərbədə islomofobiyə
Ğərbədə islomofobiyə
Donald Tramp ıştə tojə islomofobik nıtğədə iddioş kardə ki,Amerkə de Meksikaə marzədə nımoji səccodə və conımoj pəydu bıə.Amerkə prezdent Konqresiku bo de Meksikə sərhədədə divo soxtey xoto budcə tələb kardedə.i manqisə veye ki, Konqresədə bıə Demokraton əksəriyyəti de Trampi ixtilof bıey xoto, Amerkə federal devləti baxşon tətil be və ko kardedənin.Amerkə prezdent de har qıləy metodi piyedəşe ta bo mıhciron vəy qəteyro Meksikə marzi kəno dıvo bısoxto.əv bın cəhətədə ıştə tojə pesoxtə qıləy senariş elon kardə və votəşe ki,Meksikə sərhədədə qıləy səccodə və conımoj pəydu bıə və ın veyçokə nışonəy ki,Amerkə ısət de əmniyyəti təhdidon dimbədime və bəpe de divo soxtey çın təhdidi vəy qətey bıbu. Amerkə prezdent boştə navnə səhvə siysosətonki,mısılmınon terrorist hisob kardedəbe, bəhonə vardero ısət həm ım vavunəku oko doydə ki,həmonə mısılmınon çı Meksikə mariz peştonon.əvon planonışon kəşə və bəbey çəvon vəy qətey bıbu.əve,əv cımə ruji ıştə Tvitter səyfədə de qıləy xəbə nəşr kardey Meksikə marzədə qıləy səccodə və conımoji kəşf bıeyku xəbəş doe.ım qıləy holədəy ki, informasiyə vositəon çın xəbə bənav məlumatışon doəbe ki,çı Meksikə marziku bə Amerkə ovaşteyış piyə insonon əksəriyyət çı məsihi və xristiyanə məmləkətonkuye.Trampi iddioş kardə ki,ın conımoj de qıləy ğələvoni vositə kəşf bıə.ın ğələvon ki,çəy nom elon bıəni,bə Vaşinqton Egzmineri qəzeti məlumati əsos,votəşe ki,iyo fəğət Meksikəvıjon dəvardedənin,bəlkəm çiyo Çinıj,Alaniyəvıj və uruson həm dəvardedən.eyni holədə əy votəşe ki,əy de tosə ısət çın ğeyri-ğanuni ovaştə miqranton miyono hiç qıləy Miyənə Şərğiku omə fərdış vindəni və həmonə məlumation doə informasiyə vositəon həm əyo qıləy səccodə və conımoji pəydu bıey xəbəşon təsdığ kardəni.de ın holi Tramp ijən ıştə ın iddio sape mandedə və terroriston de İslom iyən mıslmınon rabitə bıey barədə bəhonə vardedə.
Im iminə kərə ni ki,Donal Tramp səy kardedə terrorizmi de islom iyən mısılmınon anqıl bıjəno.Tarmpi lınq bə Sipiyə Kə oj bıey bəpeştə çəy bəy mısılmınon zidd iminə iğdom və hərəkət haft qılə mıslmonə kişvəri şəhrvandon bə Amerkə marzon daxil bıey ğədəğn kardə sənədi hukmi imzo kardey be.mədəni təşkiloton veyni iyən Amerkə hakim iyən prokururon çəy ın hukmışon insonon miyono irğçiyəti və nifrəti pevolo kardey zıneyşone və çandə manq çə hukmi icro kardeyku dastışon kəşe.co tərəfiku həm Trampi işğol bıə Ğudsi de pesoxtə bıə israyli sionist rejimi poytaxti nomi zıney ğərol be ki,ın ko dəvardə da sori ərzədə bə mısılmınon ələyh çı Amerkə devləti həmməysə bevəc və islomofobik qıləy əməl be.
