Jenon de İron İslom Respublikə çıl sornə həmrayəti
Jenon de İron İslom Respublikə çıl sornə həmrayəti
Dınyoədə bə qırd inğılobon iyən muhimmə hodisəon dığğət kardeyədə,mışohidə kardedəmon ki, inğılobon əksəriyyətədə jenə unsuron fəaliyyətışon nışon doə.İron İslom İnğılobi dıjdə xısusiyətonku qıləyni jenon bın inğılobi meydonədə hevujə fəoliyyətışon nışon doeye.jenon de İroni cəmyəti nimə nomi,inğılobi cərəyonədə nəinki,haşiyə iyən kənoyədə nıbin,bəlkəm qıləy təsirəkə rolışon həm bıə.çəvon etırozinə mitinqonədə bıə mıborizəon jıqo ziyod bəçəş çiyedəbe ki,oxoyədə çəvon ın mıborizəon bə inğılobi muhimmə mevzuon təbdil be.de inğılobi otəşi şoləvər bıey,İroni mısılmonə jenon de tosə ısət de şah rejimi mıborizə bardə deştə mıborizə şuon məxfiyonə fəoliyyət nışon doydəbin,həni oşkoə formadə əvon de komilə hicobi bə tan kardey və ıştə hırdəon devanqo qətə holi bə kuçəon beşedəbin və ıştə mışton bəpe rost kardə holədə ”bımardo şah” şuari doydəbin.İmom Xomeyni(r) hamyedəbe:”şımə kon qılə torıxədə jıqo çiyon vində?ımruj şirə dılə jenon ıştə hırdənonışon bəştə ağuş qətə holədə bə tank iyən puleymoton meydon şedən.kom qıləy torıxədə çı jenonku jıqo qıləy alicənobət iyən fədokorəti ğeyd bıə?”.
