İslomi İnğılobi qlobal təsiron
İslomi İnğılobi qlobal təsiron
Ironi millət ıştə inğılobi çılsornə sorqardışi qıləy holədə id qəteydə və şoyvonəti kardedə ki,ıştə inğılobi xoşə exo islomi dınyo şərğ iyən ğərbədə məseydən.qıləy zəmon ki,İmom Xoemyni(r) İroni milləti islomi inğılobi səbarzəti sıftənə rujonədə çı inğlılobi sadir bıeyku sıxan votedəbe,kali fərdon çın sıxani exo və əks-sədo dərk kardeyışon nızıne.əmmo,ısət ki,çə zəmoniku çıl sor dəvardedə,mıxolifon iyən muvafiğon bımi şoyd bin ki,hiç qıləy canq nıkardə və bə hoziyəti ro nıdoə holədə,islomi inğlobi usul və prinsipon ıştə vırəşon çı dınyo mmısılmınon əndişə və təfkkurədə pəyduş kardə.ım fəğət bəçəy xotoye ki,İroni İslomi inğlobi mesaj de insoni solimə fıtrəti mıtobiğ bıə qıləy nesaje.İroni İslomi İnğılobi Yolə Rəhbər həzrət ayətullah Xameneyi hamyedə:”inğılob iyən islomi məfhumon,bənə bəhar fəsli vılə ətrone.hiçkəs çəy navi qətey əzıni,pevolo bedə və bə həmmə vırə şedə.bə rufi nəsim doydə və rəvon baxş kardedə ki,həmmə vırə dəqəteydə”.
İroni İslomi İnğılobi səbarzəti islomi camiyəonış çı passivəti iyən bəştə bovə nıbey vəzyətikuş xaric karde və bəştə islomi hoviyyət və şəxsiyyəti oqardemoni səmt muştağış karde.islomi inğılob de islomi inğılobi maarifon istehsol kardey boyis be ta mısılmınon bəştə islomi hoviyyət və şəxsiyyəti tərəf oqardon və ijən çı islomi nicotbaxş kardə təlimon boştə ulqu ğərol bıdon.qıləy holədə ki,İslomi ummət bəştə ğəfləti təsiri xoto,çandə dırozə mıddəte ki,ın həyğətonış çı viro bekardəşbe.İroni milləti İlsomi inğılob de təyə daston çı səyku bəji de silohi təchiz bıə iyən çı dınyo bəvaxtnə əbərğudrəton himoyə jiyədə bıə zılmkorə Pəhləvi rejimi mığobilədə bə səbarzəti rəsin və bo islomi dınyo çın ğələbə mesaj ımbe ki,İslomi ummət ozod bıey, inkişof kardey,alim,əziz,zumand bıey bəzıne və ımon həmmə de İslomi təlimon bərkəti bə dast omə....
Mıxtəlifə milləton miyono İroni İslomi İnğılobi əhəmiyyətinə dərəcədə bə Livani şiəyon təsirış noə.İroni İslomi İnğılobi səbarzəti bənav İmom Mosə Sədr(r)-i dırozə soron mıddətədə bıə cəhdon və camaati oğo kardey koyədə bıə fəoliyyəton və çı Livani cənubədə bıə məxsusə vəzyət ki,yəni ın məntəğə de İsrayli vositə işğal bıey və bə bın məntəğədə jimon kardə məzlumə şiəyon yavə vəzyət,qıləy şərayitış bə vucud varde ki,bə zəmon Livani bə co İslomi məmləkəton nisbətədə bo ın inğılobi mesajon ğəbul kardero, ziyodə hozzıəti zəminəş hestebe .ərəbon dumo yənde formadə çı israyli vədə dəboxtey,Livani milləti miyono bə israyli nisbətədə bıə tars və həğorəti hiss kardedəbin və Livani siysoi-mıborizəvi ərsəonədə fəolə dastəon iyən milli ləşkəri çı təcovuzkorə deşmıni mığobilədə məğlubiyyət boyis be ta bə deşmıni nifrəti hiss zumand bıbu və islomi səbarzəti rujon oruzon çı Livani mısılmonə milləti miyono oğo bıbu....
Jıqo qıləy şərayitədə İroni milləti de sıtəmkorə Pəhləvi rejimi mbardə mıborizəonədə səbarzəti təcrubə boyis be ta İroni İslomi İnğılobiku tikəy dəvardəbe,de İmom Xomeyni(r)-i təlimoton livani Hizbullah Hərəkat milodi 80-ə soron sıftədə təsis be.Hizbullah milodi 1985-ə sori ıştə məşhurə ”Hizbullah manifest” nomədə rəsmi surətədə mıntəşir be,jıqoş nıvıştəbe:”....bə yeqanə rəhbəri,həkimonə və adilonə camiuş-şərayit vəliyyi fəğihi ki,holı-hozzıədə Ruhullahul-Musəvi ƏlXomeyni(damuzillə)-ədə təcəssımış pəydu kardə, nisbətədə ıştə təəhhudi elon kardedəm .Əv çı İslomi inğılobi və çəvon əzəmətinə nehzəti stimule”.
Livani Hizbullah de israyli rejimi mıborizəonədə bə muhimmə ğələbəon dastış pəydu karde və Livani cənub zonəş çı təcavuzgərə israyli işğaliku ozodış kardey zıne.
