Ummul-Bənini rehlət
Ummul-Bənini rehlət
İslomi jimoni torıxədə camiyədə xanımon dıjdə rolışon ifo kardə və ısət həm dəvomış heste.çın yolə jenonku qıləyni həm Əmirəl-Muminin Əliyyibni Əbi Talıbi(ə)-i jimoni həmro və çı Əbul-Fəzli(ə) inə Ummul-Bənin(ə) bıə.Ummul-Bənin Hicri-ğəməri pencminə sori Həvazun toyfəku məşhurə Kilabi ğəbiləku və Hizam ibn Validi kədə bə dınyo ome.çə həzrəti pı çəy nomış Fatimə noşe.bə zəmon ərəbon miyono Kunyə bənə ımrujnə familiyə qıləy əhəmiyyətış hestebe.
Kunyə qıləy nome ki,çı şəxsi nomi nıkəşə holədə bo həmonə şəxsi deçəy qədə nomi kəşey intixob bedə və qıləy fərdi deçəy kunyə nom bardey inev ehtırom bə hisob omeydə və bın koyədə çı jenon de merdon miyono farğ mevcude.qahi vaxti çı jenon kunyə şehrət və məşhurəti dayirə bəsə merdon şehrəti dayirəsə vey bəpe və hevuj bedə.joqo ki,hətto fərzəndon həm deçəvon nomon vanq jeydən.bənə “Ummi Əymən” və ya “Ummul-Xeyr”.bə zəmon rəsm və dəb bıə ki,havaxti qıləy jen seqlə ya çəysə veyə zoə fərzəndış bə dınyoş vardəbe,əy deçəy kunyə sədo kardedəbin və çun Ummul-Bənin(s) çoqlə zoə fərzəndış bə dınyo vardəşbe,bəy Ummul-Bənin yəni çı zoon moə və inə nomışon noəbe.həlbəttə,ərəbon coqlə rəsm və adətışon həm hestebe ki,çı hırdəni tojə bə dınyo omə zəmonədə bəy qıləy çokə kunyə həm noydəbin.ha holədə Fatimə vilodəti zəmonədə bəy “Ummul-Bənini” kunyəşon noe və həyğətədə əv çı çoqlə zoə fərzəndi soyb be ki,qırd əvon çı islomi torıxi əbədi mandə şəxsiyyətonku bin.
Ummul-Bənin Bəni-Kilabi ğəbilədə ki,de rəşodət iyən şəhoməti məşhur bin,perəse,yol be və həmonə mevzu Əli(ə)-I de Umml-Bənini izdivacədə veyə təsirış hestebe.Çoko kki,Əli(ə) ıştə bo Əğiliku çı şucoətinə fərzənd bə dınyo vardə jeniku qıləy məsləhətış piye,əy çı ərəbi miyono deştə şucoət və pəhləvonəti nom bekardə xıyzoni kinə Umml-Bəninış təğdım və elonış karde.beşək,Əli(ə)-i bə şucoətinə fərzənd bə dınyo vardə jimoni həmro vıjniye təkid kardey,həyğətədə,bə xıyzoni nizom iyən fərzəndon ozavziye xıdmət kardə jimoni həmro əhəmiyyəti təkid kardey mənoədəy.bə həmonə dəlili əsos,islomədə de psixi,ruhi iyən cismi cəhəto noxəşə fərdon izdivac kardey,nəhy bıə.çımi mığobilədə de kəmol iyən ağıl soybon vəyə kardey təklif və tovsiyə bıə…
