Osmoniyə surəon-199
Osmoniyə surəon-199
Vağiyə mıborəkə surə 49 iyən 50-ə ayəon jıqo hamyedə:”vuji:nəyinki,fəğət şımə və şımə yolon, bəlkəm) qırd navkonəyon iyən oməkəson mıəyyənə ruji və`dəqoyədə cəm kardey bəbeyn”.......
Vağiyə mıborəkə surə 63-ə ayəku jəqoşə çı miad və ğıyoməti ruji dəlili bəyonədə bə xorəki maddon donə və tumi,bə ov iyən otəşi işorə kardedə ki,ımon bo bəşəri jimoniro seqlə muhim və əsosinə çiyonku bə hisob omeydən.sıftədə jıqo hamyedə:” aya harçi ki,kaştedon,mılohizə kardedon? Aya əy şımə perosneydon ya əmə əy (perosneydəmon)”.
Oşkoye ki,çı insoni ko fəğət əvoni kaşteye.əmmo həmonə beməy və donon perosney ko,fəğət bə Xıdo məxsuse.alimon votedən ki,çı qıləy rəsəy bina xə soxtemonədə oko doey bıə qıləy təşkilot,çı qıləy çandə qılə zəvod və fabrikəş bıə qıləy sənaye şəhri təşkiloti əndozədəy.vey heyrətin iyən mırəkkəbe.
Xıdovənde-Xalığ çı qıləy donə və tumi dılədə qıləy vey qədə bəyjiyə huceyrə ofəyəşe ki,qıləy munbit və çokə şərayitədə ğərol qətə zəmonədə.sıftədə hejo çə həmonə xorəki məhsuli ıştən dıləku istifodə kardedə,tişi jeydə və rişə beğandə.peşo,de qıləy əcibə surəti çı zəminiku təğziyə bedə və ğida seydə və çə həmonə rəsəy dılədə bənə qıləy dıjdə labaratoriyə aparaton fəoliyyət nışon doydə və de ın tərtibi çəy miçə,şox və xıçəon iyən huşə bə əməl omeydə.nəticədə qahi vaxti iqlə tumiku çandə həzo tum perəseydə.”ehanə bıpyimone əy(hi) teğ və hışkə aləf bəkardemon ki,bə heyrəti dəbəşiyon”.
Əmə kardey bəzınemon tındə vo və vavaz bıvğandəmon ki,hışk bıə donəon byənde bıjənəmon,ya qıləy ofot mısəlltkəmon ki, çəy məhsuli çı miyoniku bıbo.çən,bıznən həmmə ın bərəkəton çı coqlə vırəkuye.
“Aya şımə peşomə ovi mılohizə kardedon? Aya şımə əy çı voşiku saru vardedon ya əmə vığandedəmon? ehanə bıpyimone əy tel və su bəkardemon.çən,çıro şık kardedəniyon?”.(68-70-ə ayəon).
Bəle,əgər Xıdo piyəşbe bə ovi dılədə bıə nemeki məhlul icozə ədəy ki,deçəy ov bıə buxari bə ico bə osmon bışo ta qıləy tel iyən suyə avəon təşkil pəyduko və voşi ğətrəon bənə dıyo ovi su iyən tel bıbu.həlbəttə,əy jıqo qıləy çiş mığəddər və təyin nıəkəy.nəinki,ovi nemekon,bəlkəm zərəl və ziyon rosnə mikropon həm mukin ni de ovui buxaron bə ico bə osmon bışon və de ovi donə və de ğətrəon bəico bəsə zəminisə rubon.bə həmonə dəlili xoto,voşi ğətrəon həmməysə pok,ləzzətbaxş və keyfiyyətiine...
Çı miadi dəlilonku qıləyni ki,çı bəşəri jimoni muhimmə əbzoronkuye və sənaye və istehsolədə ziyodə oko doey bedə,çəy barədə jıqo hamyedə:”aya şımə sənə otəş,viondedon?aya şımə doon ofəyə ya əmə əv ofəyəmone?.əmə otəşımon ibrəti(moyə) və bo səyohəti qıləy məhsul və tuşə ğərol doəmone”.(71-73-ə ayəon).peşonə ayəonədə hamyedə:
“Bə ın erjinə neməton xoto,bəpe bəy şıkkəmon və əy sıtoyişkəmon.çən,deştə yolə pərvərdıqori nomi təsbih bıvot”.(74-ə şərifə ayə).......
Insoni jimoni həssosə ləzə və anonku qıləyni,çəy umri oxo və ixtizori ləzəy.muhtəzər və con doə insoni kəno bıə insonon məyus və noumu mışohidə kardedən ki,əv bənə qıləy umruş bə oxo rəsə şami,qədə-qədə hamuş bedə okuşeydə və çəvon dastiku həm hiççi omeydəni.
Kərimə-Ğıron bə miad iyən ğıyoməti ruji ayid bıə bəhsi təkmilədə,ın ləzə və ani jıqo tərsim kardedə və kəşedə:”çən,insoni con bəçəy xılxi rəseyədə və şımə bə holədə nəzə kardeydon(şımə dastiku qıləy çi omeydəni).çıro həmonə ihtizori holədə bıə coni bəçəy bədəmi oqordıneydəniyon,ehanə rost voteydon?şımə ın zəyifəti və ocizəti bəçəy xotoye ki,çı maq iyən həyoti mailk Xıdoye və əve bəyji kardə və kıştəkəs”. .....
