İmom Səccad(ə)-i vilodəti ruj

İmom Səccad(ə)-i vilodəti ruj

Şəbanə manqi de bərəkəton pur bıə rujon pencminə sıbi vaxti,qıləy holədə ki,osmoni huriyon Mədinə ətrofədə kəş jeydəbin,Şəhrbanu qıləy hırdənış bəştə ağuş qətəş be.qıləy hırdən ki,Xıdo-Rəsul(s)-i pokə suloləku ki,qıləy dıjdə missiya yəni imomət və viloyəti varis be.Əv çı Huseyn ibn Əli(ə)-i zoə Səccad(ə) be.

Beşək,ın ruj qıləy mıborəkə ruje.qıləy ruj ki,Xıdo huccət İmom Səccad(ə) bə dınyo çəşış oj karde.mıborək.

De ın mıborək və əzizə ruji bəhonə bə ın pok və rostəvıjə şəxsiyyəti jimoni qıləy nəzə bəkardemon ta bənə qıləy əvəsori nəsimi bəçəmə rufon səfo bıbaxşo və əməni de dınyo  ğəşənqətiyon anqıl jeydə....

İmom Səccad(ə)  Hicri-Ğəməri 38-ə sori Şəbanə manqi pencminə ruji Mədinədə çəşış bə donyo oj karde. İmom Səccad(ə) ilahi nəzorəti şua jiyədə və həmçinin ıştə mehribonə pı sayədə,ıştə vucudış de vey ali iyən barzə fəziləton dərosteşe.23 sor çəy şərifə umriku dəvardə nıbe ki,Kərbəlo hodisə bə əmək ome və ə həzrət bəştə noxəşəti xoto,ğadir nıbe canqi meydonədə iştirokko.ım ilahi məşiyyət boyis be ta İmom Səccad(ə) bəyji bımando və islomi umməti hidoyəti pərçəm və boydəği ıştə əzizə pı İmom Huseyn(ə)-i şəhodəti bəpeştə,bəştə dast bıqəto.

 İmom Səccad(ə)-i zəmonədə məxsusən çə həzrəti imoməti devrədə,islomi hukuməti iştimoyi vəzyət kritik iən behroni be.ın behron nəyin ki,fəğət islomi umməti tale təhdid kardeydəbe,bəlkəm mumkin be bə həmonə camiyə məhv bıey həm boyis bıbu.bın devronədə mıxtəlifə hukuməton de iyande rəğobət bardedəbin və hiç qıləy hukmdor se ya ço sorisə vey bəsə hukuməti taxtisə nıştey zıneydənıbe. məsələn, Yəzid bin Muoviyə se sor hukuməti taxtədə nıştey zıne.Muaviyə ibn Yəzid fəğət şəş manq ya tiki həm kam və Mərvan çandə manqisə veyə hukumətış nıkarde.şəhron hukmdoron həm de ın tərtibi dayima əvəz bedəbin və bın miyono xaos,hərcı-mərc iyən co behronon ziyod bedəbe.