İnğılobi dıminə ğədəm-4
İnğılobi dıminə ğədəm-4
İroni İslomi İnğılob de mıxtəlifə milləti dastəon min cumlə de inğılobi iyən muminə cıvonon vositə bə səmər rəse.çın dıjdə ğələbə və səbarzəti bədiqə,cıvonon de surəti bə mıxtəlifə ərsəon məxsusən bə məhrumə məntəğəon ovdonəti koon daxil bin ta de ziyodə cəhdon iyən hiç qıləy mızd çəş nıkardə holədə ıştə məhrumə həmvətənon çehrə və simaku çı ğəmi qardı-ğubori təmizkon.İslomi İnğılobi bəpeştə elm və texnoloqiyə ərsədə həm əvon veyə səyışon nışon doe. İraği BƏƏS rejimi tərəfiku bə İroni zidd de nobərobərə canqi bino bıey,ijən həmonə inğılobi iyən muminə cıvonon bin ki,deştə qırd vucudi həşt sor ıştə din iyən vətənışon mıdofiyə kardeşone və bə dınyo nışon doşone ki,çokonə de bə Xıdo təkyə kardə holədə çı deşmıni qırd zolımonə sanksiya və saxtətiyon mığobilədə mığovimət nışon doey bəbe.
İron İslom Respublikə təsisəkə İmom Xomeyni(r) bə cıvon ələyh veyə məhəbbətış hestebe və çə həzrəti ım çokə rabitə iyən etımodi cıvononış bə fəoliyyət,mığovimət iyən səpoysə mandey səhnə və ərsə kəşışe,vardeşe.
İmom Xomeyni(r) çı Amerkə iyən çəy həmvətənon tərəfiku bıə həmmə tərəfinə sanksiyaon pik həddədə de ”əmə kardey bəzınemon” şuari çı cıvonon con iyən dılədə bənə donə kaştışe və əvon həm bəştə istedodon təkyə kardə holədə həşt sornə canqışon de vey çokə formə idorəşon karde və de ın ruhiyyə bə mıxtəlifə cihodi ərsəon daxil bin.
Həzrət Ayətulla Xameneyi bənə mərhumə İmom Xomeyni(r) bə cıvonon ziyodə etımodış heste əvoni ıştə fərzəndon hisob kardedə.ə həzrət de”inğlobi dımiə ğədəmi” bəyoniyyə ıştə əsliyə muxotəb cıvononış ğərol doe.əy çı İroni inkişofışçın cıvonon ziyodə cəhdon girovədə zıneydə və ım çı İnğılobi Yolə Rəhbəri bə İronıjə cıvonon bıə etımodi qədə nımunəy.
Ə həzrət de cıvonon vindemoni zəmonədə bıə ehandımononku qıləyniyədə voteşone:mı hejo çı cıvonon miyono beyədə,məxsusən elita cıvonon miyono,sıftədə şukri hissi pəydu kardedəm.şık bıbu bə mutəalə Xıdo.Ma bikum.......(Nəhl-53).şımə bomə Xıdo nemətiyon,şımə bo nizomi dıləsuton ilahi nemət bə hisob omeydon.
Həzrət Ayətulla Xameneyi çı kişvəri idorə və mudiriyyəti koyədə bə cıvonon de”əmə kardey bəzınemon” devizi fırsət doey,İslomi İnğılobi barizə xısusiyyətonku bə hisob omeydə.ə həzrət bın ro nışon doə bəyoniyyədə jıqo hamyedən:”(islomi İnğılob) cıvonon əsliyə hodison meydonədə merdon zıneydə ki,de bə ” əmə kardey bəzınemon” şuori bovə kardey,əvışon bə həmməkəsi ovoştıneşone.de deşmınon təhrim iyən sanksiyaon bərəkəti vositə, bə daxili imkonat və ğudrəti təkyə kardeyış bə həmməkəson omutışe və çı dıjdə bərəkəti mənşə be.
İnğılobi Yolə Rəhbəri nəzəku,İroni kişvər qıləy cıvon iyən de elitəon pur bıə məmləkəte və çı islomi inğlobi dıjdə iftixor ıme ki,cıvonon mıxtəlifə muhimmə arena və ərsəonədə de fəoliyyət nışon doydən.
