Fıtrə idi şoyvonəti

Fıtrə idi şoyvonəti

Fıtrə id Xıdovəndi tərəfiku qıləy ziyofəte ki,ıştə bandəon imanq ibodət və ixlosi bəpeştə,bəştə səmt dəvət kardedə ta bəçəvon bə əmri pemandey xoto bıə mızdi bəvon ətoko,bıdo.

Fıtr luğətədə rujə oj karde mənoədə oko doey bıə.bə Şəvvalə manqi iminə ruji bəçəy xoto,mıborəkə Fıtrə idi ruj nom noey bıə ki,bın ruji çı insoniku imanq nıhardey və nıpeşomeyku pərhiz kardey əme peqətə bıə və çı muminonku tələb kardey bıə ki,bın ruji ıştə rujə darışton və iftorkon.Fıtrə id ki,çı mısılmınon yolə idonku qıləyniye,bənə idə nımoji bərpo kardey və zəkotəi bə fəğıron pərdaxt kardey bıə məxsusə adət və adabonış heste ki,dınyo qırd noxtəonku həmmə muminon əy bə vırə rosneydən.

 Fıtrə id de dıqlə kanə və təsirinə robitə bino bedə.qıləyni nımoji bərpo kardey ki,de dınyo ofəyə Xıdovəndi robitəy və coqləyni Fitriyyə pərdaxt kardey və doeye ki,milləti de fəğırə insonon bıə robitəy.Fıtrə idi nımoj umumən məçitonədə bərpo bedə və millət Xıdovəndiku bəvon Rəməzonə manqədə qıləy fırsət doey və deçımi vositə bəy nez bıey xoto,şıkk kardedən və ıştə miyono ittihod və vəhdəti robitəon zumand kardedən.çımisə əlovə mısılmınon bın ruji de “Fıtriyyə” nomi qıləy məbləğ cəm kardedən ta əy bə ehtiyocin,fəğır iyən beçizə insonon pərdaxtkon,bıdon.de ın tərtibi muminon ki, Rəməzonə manqədə  ıştə maddi meyl və tələbonışon bə minimum dərəcə rosnəşone və de fıtriyyə pərdaxt kardey,ıştə rijə qəteşon komil və təkmil kardəşone.

Fıtrə idi ruji əməl və adəton umumən çı mısılmınon miyono iqlə formadə bə vırə rosney bedə. əmmo, mıxtəlifə kişvəronədə bə mısılmınon çandə nevə fərhənq və mədəniyyəti xoto,bın rujədə milləti ın rujə idi mərosimon iyən bərpo kardey şivə və formə həm farğ kardedə.