Təkfiri cərəyanon

Təkfiri cərəyanon

Həyğətədə,islomi təlimon nəzəku hakəs de zıvoni ıştə islom vardey təsdığko,mısılmone.de ğəlb iyən əməli  təsdığ kardey,çı imoni mərtəbəonkuye.əmmo,vəhhabiyon və təkfiri cərəyonon və çəvon sədə DAİŞ terroristə qrup bəştə fundamental zohiri  xoto,islom iyən imoni iqlə mərtəbədə ğərol doydən.joqo ki,hakəs bəy dast pəyduko,mısılmone və hakəs bəy rioyət nıko,çı kofiron zumrə və cərəqəku bə hisob omeydə.harçənd,de zıvoni bə islomi iğrolko və bə Xıdo iyən bəçəy Rəsuli  imon həm bıvardo,nımoj bıvoto iyən rujə həm bıqəto.əvon ğərəz   DAİŞ terroristə qırd mısılmınon təkfir kardeyro Maidə mıborəkə surə 44-ə şərifə ayə istinod kardedən.joqo ki,hamyedə:və mən ləm yəhkum..... “Ə kəson ki,bə Xıdo nozil kardə çi əsos hukm nıko,kofire”.təkfiri vəhhabiyon bə imoni bənə peyğombəron risolət,Xıdo,ğeyb və miadi bıə şərton dığğət nıkardə holədə və de bə əməl iyən imoni təlazumi ğayil zıney ,bənə təvəssul, şəfoət tələb kardey və ziyorəti bıə məşruyi iyən ğanuni məsələon etığod bıə kəson kofir hisob kardedə və və çəvon xun iyən moli muboh zıneydən.DAİŞ  bə jıqo əndişə və təfəkkuri əsos ıştə qırd mıxolifə sınni, şiyə iyən ğeyri-mısılmınon kofir hisob kardedən və çəvon xun iyən moli həlol zıneydən. DAİŞ-i nəzəku çəvon tobə kardy həm ğəbul bıənin ni və əvon “cayizul-ğətl” bə hisob oemydən........

 İmom iyən əməli təlazumi barədə təkfiri vəhhabiyon təfiku mısılmınon təkfir və əvoni kofir hisob kardey həxədə bəpe votey bıbu ki,imon de zıvoni iğror iyən təsdığ kardey insoni vucudədə bə əməl omeydə, əmmo de tosə ə zəmoni ki,bə əməli nez nıbu,komil nibəbe.binobərin,əməl çı imoni muğtəzo iyən tələbe, nəyinki,eynən çəy ıştən.jıləvoni bəpe votey bıbu ki,bə təkfiriyon nəzə əks ki,bə əməli iyən imoni iltizom və şərti əsos hukm kardedən,əməl çı imoni cuz ni.bənə Bəğərə mıborəkə surə 277-ə şərifə ayə bıə ayəon əməl iyəön imoni bənə iyande nıbey bəyon kardedə.çıro ki,bə iyande ətf bıə və dəçıkən.joqo ki, hamyedə:”innəlləzinə...... –həyğətən,əkəson ki,imonışon vardə və salehə əməlışon bə vırə rosnə”. həmçinin,Taha mıborəkə surə 112-ə şərifə ayədə hamyedə:”və mən yə.....-əmmo əkəs ki,loyığinə koon bə vırə bırosno,qıləy holədə ki,mumine”-imon iyən əməlış co kardə.çı əhlı-sınnəti metəbərə hədisi kitob bıə Səhih Buxariyədə omə:Peyğombər(s) Xeybərdə bə Əli(ə)-i hamyeşe de tosə əvırə de deşmınon canqkə ta əvon şəhodəteyni iğrolkon və ehanə jıqo be həni çəvon con iyən mol mehtərəme.iyo mənzur iyən məğsəd ım ni ki,imoni iddio kardey bəbe və bəçəy şərton əməl  kardey ne.yəni ikəs zohirədə imoni elon ko və salehə əməl bə vırə nırosno,uxrəvi cəzoş heste. əmmo,dınyoədə islom bəmə hukm kardedə ki, de əy bənə mısılmoni muomiləkəmon və çəy xun,mol  iyən namus mehtərəme.əmmo,təkfiri vəhhabiyon hakəs ki,bədə əvon fik və əməl nıko,ısət çı sınni bıbu ya şıiyə,təkfir kardedən və əvoni kofir hisob kardedən.bə təkfiri vəhhabiyon nəğli iyən ağli istidlolon məhdudə dayirə dığğət kardeyədə,məələsəf çəvon hiç qıləy məntıği iyən rasionalə dəlilışon mevcud ni və əvon fəğət islomi əslə təlifonku qıləy inhirofə nəzəşon heste və fəğət ıştə nodırıstə nəzə ğəbul kardedən.bə həmonə dəlili xoto,əvon hozzı nin de hiç qıləy islomi məzhəbon alimon mınozirə bə debat dəvordınon ta həmonə alimon çəvon təfəkkuri de Kərimə-Ğıron iyən islomi peyğombəri(s)-i rəvoyəton ziddiyət təşkil doey bəvon dərosnon....

Vəhhabiyyəti usul iyən prisnsiponku qıləyni ki,təkfiri cərəyonon əy bənə qıləy mənəvi pı zıneydən və çəy sape təkid kardedən,cihode.cihodi prinsip çı təkfiri təfəkkuri funamental usuli muhimmə qıləyniye ki,de bəy etığod pəydu kardey,oşko ya punhon,de silohi ya ğeyri-silohi bə islomi hukuməti bərpo bıey və de kufri mıborizə kardey komək kardey bəzıne.