Vəhdət haftə
Vəhdət haftə
Vəhdəti haftə bo şiyə iyən sınni miyono bıvəti simvole və inev de qlobal imperiyalizmi mıborizə bardey ruj həm hisob bedə.qıləy imperiyalizm ki,deştə qırd maliyyə və informasiyə vositəon ğudrəti çı islomi umməti vohidəti və vəhdəti mığobilədə mandə və əvon ıştə qırd cəhdon bo mısılmınon miyono təfrığə eğandero hərəkət kardedən.dınyo imperiyalistə ğıvvon ın ko de dıqlə şivə və metodi bə vırə rosnedən.qıləyni çı mısılmınon məxsusən çı şiyə de sınniyon myono ixtilof,təfrığə iyən coəti eğandedən və coqləyni həm dınyo iyən qlobal səviyyədə bə islom iyən mısılmınon ələyh bıə islomofobiyə siyosəti bardedən.çəvon hədəf çı islomi kişvəron qəncinə təbiiyi mənbə və resurson və sərvəton çəpavul kardeye və əvon bə islom,peyğombər(s)-i iyən Kərimə-Ğıroni bə zılmi zidd bıə təlimon bə dınyo millət və insonon quş nırəseyro ziyodə səy kardedən.....
Miyonə Şərği məntəğə və qırd islomi kişvəronədə təfrığə eğandey sıftədə çı xəbisə Britaniyə tərəfiku bə əməl ome.əvon de”təfrığə eğand və hukumətkə” şuori ıştə muzduronə siyosəti islomi kişvəronədə bə vırə rosneydən ki,ımon həmmə çı Yolə Britaniyə mənfəət tələbə siysoəton cəhətədəy.ısət ım siyosəton çı Amerkə,sehyonist rejim,İngiliston və çəvon mıttəfiğə kişvəron tərəfiku icro bedə.
Bə torıxi səyfəon nəzə kardeyədə,mışohidə kardedəmon ki,çokonə İngilistoni siyuə siyosəton bə mısılmınon ziyodə renc və əziyyətonışon daxil kardə.İroni İslomi İnğılobi Yolə Rəhbər həzrət ayətullah Xameneyi bın barədə hamyedə:”ingilison çəmə məntəğədə bo milləton həmişə çı şər iyən bevəcətiyon mənbə bıən”.çəvon bə bın məntğədə bıə milləton jimoni varid kardə zərbəon, ğasbu dınyoədə kamə noxtəonədə qıləy ğudrətiku bə əməl oməni.Hindıstoni nimə ğitədə ki, ımruj bə Hindıston,Banqladeş iyən Pokistoni jıə zərbəşon jıə,jəqo bəvon təzyiğ nışonışon doə. əvon Əfğanıstonədə icur,İronədə icur,İraği məntəğədə icur.bilaxırin,Fələstınədə həm ki,həmonə yavə və bevəcə əməlonışon bə vırə rosnə və mısılmınon və həəyğətədə qıləy millətışon avarəşon kardə və ıştə kə-bəku avarəşon kardə.çandə həzo torıxış bıə Fələstınışon de ingilsi siyosəti çı miyoniku bardedən. bın məntğədə dı əsr çımi bənav,dı əsr və ya kam,təğribən milodi 1800-ə soriku bə ın tərəf,kom şər,fəsod iyən təhdidışon bə əməl vardə,çı ingilison tərəfiku bıə....
