Ilahi rəhbəron-13
Ilahi rəhbəron-13
Mısılmınon de Peyğombər(s)-i əmri çı Ğureyşi mışrikon çəşiku bə diyəro fərdi iyən qrupi formədə bə Yəsribi səmt hərəkətışon karde.joqo ki,Muəzzəməye-Məkkədə ğərəz peyğombər(s) iyən çə həzrəti çandə nəfər səhobə,jenon və piyəmerdon hiç mısılmon baği mandə nıbe.Ğureyş deçəvon mıhocirət kardey xəbə məsey,xətər və təhlukəşon hiss karde.boçi ki,əvon rə qıləy zəmonədə Mədinədə çəvon mığobilədə qıləy ğoymə ğərolqo hozzı kardey və çəvon mənfəəton de xətəri dimbədim kardey əzınin.bə həmonə dəlili xoto,Ğureyşi yolon “darun-nudvə” nomo qıləy vırədə cəm bin cəm bin ta de iyande qıləy məşvərət və məsləhətkon.
Ğureyşi yolonku çıl nəfər ki,çəvon sinn çı çıl soriku bə kam nıbe,iyande kəno qırdə bin.bın qırdbemonədə sıftədə əbu cəhli təklifış doe ki,i nəfər peyğombəri(s) bıkışto və çoko ki,Bəni-Haşım boçəy xuni xısosi tələb kardey xoto,bəsə sapoysə əyştin,daqlə diyə bəvon doey və pərdaxt kardey bıbu.coqlə fərdi təklifış doe ki,peyğombəri(s) həbskon və coqləyni voteşe ki,əy çı Məkkəku xaric və dərbədərkon.əmmo,çın təklifonku hiç qıləyni ğəbul və təsdığ nıbe.bın zəmon ikəsi voteşe ki,har ğəbiləku ikəs ki.vey zumande vıjniyə bıbu və peşo ımon həmmə bə ico deştə şımşi bəşəvnəy bə peyğombəri(s) həmləkon və əy çəy hıtə vırədə bə ğətl bırosnon.jıqo qıləy holədə həni çəy xanedan de qırd ım ğəbiləon mıborizə bardey və xuni intiğomi sıey zu və ğudrətışon nibəbe.ım təklif çı həmmə kəson tərəfiku ğəbul kardey be.fərdon muəyyən bin və çəvon plani icro kardey vaxt həm,bo Rəbiyu-Əvvələ manqi iminə ruji təyin be.
Ğureyşi kofirə yolon bo peyğombəri(s) bə ğətl rosneyro bıə nəxşə və plani icro kardey xoto,bəşəvnəy çə həzrəti kəşon mıhosirə karde və sıbhi zəmonədə bə ə həzrəti kə həmləşon karde.əvon İmom Əli(ə)-şon ki,peyğombəri(s) yonqo və vırədə hıtəbe,pəyduşon karde.əv mərdonə formədə isorış karde və ıştə coniku dəvarde ta Ğureyşi ğəflətədə oqəto.joqo ki,əvon jıqo hisobkon ki,peyğombər(s) ıştə yonqoədə hıtə.əvon ıştə qırd imkonatonko okoş doe ta ə həzrəti pəydukon və se ruj bo ə həzrəti nəvin və çun əvışon pəydu kardeyışon nızıne,həni ıştə nəmemoniku dastışon kəşe.