Xordadə manqi 15-ə ruji ğiyam.

Xordadə manqi 15-ə ruji ğiyam.

Xordad manqi ğıyomi 15-ə sor

İmom Xomeyni(r) bə ilahi erjon etığodış bıə qıləy mıborizə şəxsiyyət be və bə həmonə cəhəti dəlili xoto,ın yolə merdi ıştə umri ziyodə baxşon çı mıborizə və inğılobi royədə sərfış kardə.

Hicri-Şəmsi 1342 -ə sori hodisə həm İroni siyosi təhəvvulaton torıxədə çə həzrəti muhimmə fəslonkuye ki,bə inğılobi tale ziyodə təsirış bıə.həyğətədə,çın inğılobi hərəkəti bə əməl omey zəminə veyə soron bənav və Amerkə-İngilistoni 1332-ə Həşi sori Mordad manqi 28-ə ruji yəni 1953-ə milodi sori bino be.

İmom Xomeyni(r) çı şah rejimi repressivə zəmoni vey barzə noxtədə deştə sıxan və bəyoniyyəon ın rejimış ifşo karde.ə həzrət Xordadi 1342-ə sori 13-ə ruji bın cəhətədə ıştə torıxi nıtğış ki,Xordad manqi 15-ə ruji ğıyomi sıftə be.

İmom Xomeyni(r) 42-ə sori bıə sıxanrani həyğətədə İroni milləti barədə bıə sıtəmkor və zılmkorə şah rejimi mıhokimə kardedəbe və ım bə imperiyalistə siysoəti xıdmət kardə “Sipiyə inğılobi” loyıhə cərəyoni qıləy etıroz be.

Çın ifşogərəti bədiqə şah rejimi muzduron Hicri-Şəmsi 1342 -ə sori Xordad manqi 15-ə ruji bə İmom(ə)-I Ğomədə bıə kə həmləşon karde və ə həzrətışon dastqir kardeşone bə bə tehronədə bıə zindon vığandeşone.İmom Xomeyni(r) həbs kardey xəbə pevolo bıey bədiqə  kişvəri mıxtəlifə şəhronədə min cumlə Ğom,Tehron,Məşhəd iyən Şirazədə hevujə şikilədə etırozışon karde və ım etırozinə aksiyon de tosə çand ruji dəvımış pəydu karde.bın mitinqon zəmonədə şandə nəfər zəxmin iyən kıştey be və həmçinin çandə nəfəron həm həbs bin.

Harçənd şah rejimi muzduron çandə mıddəti bəpeştə əvışon ozod karde,əmmo ın etırozon dəvomış pəydu karde və İmom(r) nəyinki,sukutış nıkarde,bəlkəm de ziyodə əzmi bə şah rejimi iyən bəçəy zılmon etırozış karde.

Im etırozon bəçəy ijən həbsi iyən 15 sor kişvər və ıştə kəyku dərbədər bıey boyis be.şah rejim İmom Xomeyniş(r) I mıddət bə Tırkiyə,çən,peşo bə Nəcəf və çəy həm bə Fransə dərbədərış karde.

Həzrəte İmom(r) çı 1342 -ə sori Xordad manqi 15-ə ruji ğıyomi həxədə ıştən jıqo hamyedə: Xordad manqi 15-ə ruji eyni holədə ki,bənə Aşurə çı məzlumə milləti umumi əzo ruje, ğəhrəmonəti və islom iyən mısılmınon sənibəton təvəlludi ruje.Xordad manqi 15-ə ruji ğəhrəmonə ruji yol qətey,torıxi dırozi bıə insoni erjon yol qəteye.Xordad manqi 15-ə ruji ğıyom çı zılmkorə şah rejimi əfsonəvi ğudrətış darışte və çəy mifonış botıl karde.rəşidə cıvonon,jenon iyən merdon bın ruji bıə şəhodət,şəytoni dıjdə ğudrəti rəğ-rişəş sıstış karde.bənə fəğırə xərobəonədə nıştə canqəvəron sıtəmi sarayonışon darışte.yolə məğami soyb bıə millət deştə ğıyom və deştə zəziə fərzəndon xuni ğıyomi roşon bo ayəndə nəslon oj kardeşone və ğeyri-mumkin bıə çiyon mumkinışon karde…...