Ilahi Rəhbəron-50
Ilahi Rəhbəron-50
Əmirəl-Muminin Əli(ə) torıxədə qırd ərsə və zəminəonədə bo insonon qıləy heyrətamizə ulqu və nımunə baği mandə və nəyinki,şiyə iyən sınni nəzə soybon əvışon tarif kardə,bəlkəm çı məsihiyyəti dınyo bənə Corc Cordağ,Vil Dorant və Suleymon Kətani bıə məşhurə şəxson ə həzrətışon bə tarifi loyığ vindəşone. Misrıjə yolə alim iyən mutəfəkkir Şeyx Muhəmməd Əbduh ıştə nıvıştə Nəhcul-Bəlağə şərhi mığəddimədə Əli(ə)-i şəxsiyyəti vucudi cəhəton həxədə bıə tevsifədə nıvşteydə:”Əli ruf qıləy yol və har cəhətinə rufe.əv qıləy adil iyən bəşəvnəy bəyji mandə hukmdor bıə.ibodəti mehrobədə bəmə holədə və canqi meydonədə sırə dim...əv həm mellime və həmən xətib və ğaziye və həmən mufti və həm de kaşt-devi məşğul bıə kəs və həmən qıləy komilə insone və bə bəşəriyyəti rufi dınyoon həmmə əhotəş heste”.
Binobərin Əli(ə)-i jimoni barzə xətton təhğığ kardey,nəyinki,səhl iyən hoston ni,bəlkəm vey saxt və çətine ki,deçəmə kamə elmi koməki mıvofiğ ni.liza əmə ıştə ğudrəti həddədə şıməni de həzrət Əli(ə)-i jimoni barrzə xətton i hissə oşno bəkardemon.....
Qıləy kulliyə nəzədə həzrəte Əli(ə)-i jimoni devroni bə seqlə devrə təğsim kardey bəbe.çə həzrəti vilodətiku de tosə Xıdo-Rəsuli(s) bə Mədinə hicrəti,Mədinəku de tosə peyğombəri(s) mələkutiyə rehləti, İslomi azizə peyğombəri(s) bəfoti zəmoniku de tobə çə həzrəti Kufə məçiti mehrobədə bıə zəmoni.
Torıxədə nəğl bıə ki,həzrəte Əli(ə) buzurquvarə inə Fatmə binti Əsəd nəv manq be ki,hamilə be və ıştə azizə hırdəni vilodəti zəmonış hiss karde.əve rəyrə bə Kəbə əzəmətinə kəy səmt hərəkətış karde və deçəy xolisonə təvofi koy məşğul be.təvof iyən Xıdo kəy qırdo qardey bədiqə ıştə ehtiyoci dastonış bə yolə Xıdo dərqo rostış karde və de ixlos iyən xuzu oxonə dərəcə de dıvo məşğul be və ıştə çəşi arsi ru kardə holədə çı Kəbə Xıdoku xahiş kardedəbe ki,çəy erjinə fərzəndi vilodəti boəy hostonko və əy bo həmməkəsi mıborəkko.bın barədə vardəşone ki,həmonə təğvanin iyən vohidə Xıdo pərəstış kardə yolə banu jıləvoni zumzumə kardedəbe:”Xıdolim ha! mı bəştı vohidəti imonım heste və bə qırd osmoniyə kitobon ki,tı deştə peyğombəron vığandə bovəm heste və bə həmmə peyğombəron ki,tı bo milləti hidoyət və nicoti xoto məbusı kardə,imonım heste.Xıdolim ha!tı bəştə peyğombəron hurməti xoto və bəştı dərqoyədə bıə mığərrəbə firiştəon xoto və bəçımı vucudədə ofəyə ım ğeymətinə hırdəni əzəməti xoto ki,ısət çəy vilodəti an və ləzəon rəsə,çımı çımı azizə hırdəni zandemon iyən vilodəti doji bomı hostonkə.....
Jıqo qıləy mənəvi fəzoədə ilahi həmməysə sırrinə hodisə bə əməl om və tohidi məbəd bıə Kəbə kanə divo əyo hozzı bıə kəson çəşi vədə poə be və çı Kəbə mevludi inə bovə nıkardə holədə bə Xıdo kə dılə daxil be.çın heyrətamizə hodisə bədiqə həmonə divo ijən bastey be,bənə ıştə sıftənə holəti be və de Xıdovəndi inoyət və koməki həmonə hırdən bə dınyo ərsə ğədəmış noe.həmməysə əcibə çi ım be ki, deməkə ki,çın sırrin iyən odəmi bə heyrət vardə hodisəku çandə əsron dəvardə,əmmo ijıən Kəbə “Mustəcar” səmtədə çəy poə be bıey əsər və riz mandə ki,hociyon bəştə səmt cəlb kardedə və Həcci qlobal konqresi bərpo kardə zəmonədə ziyodə mığdorədə bıə hociyon,təvofəkəyon iyən de ibodəti məşğul bıə kəson bın mığəddəsə məkonədə de ın hodisə sırron məşğul beydən və ıştə ğəlbi çiyon bə həyğət rəsey Xıdovəndi dərqoyədə tələb kardedən....