Beniğobə Amerkə

Beniğobə Amerkə

Amerkədə həmməysə muhimmə hodisəonku bəpe bə Trampi zıne-zıne Koronavirusi təhdidi hırd nışon doey etırofi,Amerkədə sosyal no oromətiyon şiddətin bıey ayid çəşnaviyon,de Amerkə Daxili Əmniyyət Vəzərotxonə  vositə məlumaton manipulyasiyə kardey,Pompeo çı Navalnı zəhrin bıey barədə bə  Rusiyə zidd iddio və bə de Trampi vositə Kuba sanksiya noey işorə kardey bəbe.

De bə Amerkə prezdendəti vıjnemoni zəmoni nez bıey,çın kişvəri Donald Trampi nuyə skandalon ifşo beydə ki, çəvon həmməysə nuyə qıləyni bə zıne-zıne Koronavirus ya Kovid-19 noxəşəti təhdidış hırd hisob kardeye.Tramp de qıləy interviyu vositə etırofış kardə ki,əv zıne-zıne Koronavirusi təhdidış qədə hisobış kardə.CNN xəbə kanal de qıləy audio sədo vositə ki,çı Trampi martə manqi 19-ədə de Bab Vudvardi nomo jurnalisti mısohibəş doə,bə dastış vardə,bə Trampi nəğli əsos nıvıştəşe:”hejo piyedəme ım məsələ hırd cilvə bıdom”.Tramp həmçinin votəşe:ısət həm ijən dılım hest əy hırd cilvə bıdom.dılım ni milləti miyono tars icodkom”.Amerkə informasiyə vositəon nıvştəşone ki,Tramp imanq çın mısohibə bənav de Vudvardi interviyuədə elonış kardəbe ki,əv zıneydə Kovid-19 qıləy mardə vardə noxəşətiye.ım de Trampi əyani kardə sıxanon ziddiyyət təşkil doydə ki,hejo iddio kardedəbe  ki,Korona hiç qıləy muşkil və problem icod nibəkarde və ziyodə həddədə çı nəzorəti jiyədəy.çən,Trampi bə Koronavirusi pevolo bıey hırd nışon doey ayid audio sədo ifşo bıey bədiqə,əv ğəbul bıənin nıbə formədə qıləy bəhonəş vardə və iddioş kardə ki,bo vəhşət,xaos iyən hərcı-mərci vəy qəteyro çın mevzu barədə bəhsış kardə.

Amerkə prezdendəti səçınədə Trampi demokratə rəğib Co Bayden əvış tənğıd kardə və votəşe:Trampi bə kişvəri xəyonətış kardə və zıne-zıne çı Koronavirusi mardə vardə mığdori barədə zıne-zıne duş votə.əv iştimoyi fikonış boştə şəxsi mənfəəton xoto,bə dastış dənoə.Trampi audio sədo qıləy holədə pevolo bıə ki,Amerkədə ısət bə Koronavirusi mıbtəlo bıə kəson mığdor bə şəş milyon 200 həzo nəfərisə həm bəpe şıə və çın nəxəşətiku ıştə coni çı dasto doə kəson ədəd həm bə 200 həzo nəfəri neze.Səhiyyəvi eksperton əksər jıqo hisob kardedən ki,trampi devləti fevral iyən aprelə manqonədə bo səhiyyəvi ğanunon icro kardero bıə səhlənkorəti,bo əsri ım təhlukəninə noxəşəti mığobilədə camiyə əmniyyəti icod kardeyro bıə fırsətış çı dasto doe.Baltimori  Con Haykinz universteti epidemioloq Kaytlin Riyorz votedə:”ım ğəmənqiz bəbe ki,siysoətmədoron de siyosi motivon qıləy məsələ bə xətər eğandedən ki,bə təbiiyi jimoni oqardey bo şəhrvandon mumkin təmin kardey əzınin”.   ...