Ilahi Rəhbəron-104

Ilahi Rəhbəron-104

Imi həm zikr kardey lozıme ki,İslomi inbsoniyə mədəniyyətədə sulh qıləy əsosə prinsipe və çanədə ki, imkon heste,bəpe çı canqiku pərhiz kardey və bə diyəro mandey lozıme.boçımi əsos İmom Həsən(ə) bə ım nəticə rəse ki,de canqi roy vositə bəştə hədəf iyən ideyalon rəsey nibəzıne və həmməysə çokə vıjnemon sulhi roye.həlbəttə,qıləy sulh ki,ğudrəti mevğıyyətədə bıbu.çoko ki,İmom Həsən Mıjtəbo(ə) çı sulhi mığovilə mətnədə qıləy mevğıyyətış qəte ki,muaviyə zəyifə mevğıyyətədə ğərolış qəte.çımisə əlovə daxili bəyənde qıniyə vəzyət ki, canq bıə surətədə hiç qıləy noliyyət bə dast nıvoə holədə çandə həzo beqınoə insonon xun ruəbi və İslomi sərzəminədə hərcı-mərcəti bo İslomi deşmınon qıləy çokə şərayit  icod əbi  ta əvon de bə İslomi sərzəminon həmlə kardey,İslom iyən mısılmınon məfkon,bəhaşton.əmmo İmom Həsən Mijtəbo(ə) de sulhi sazışi imzo kardey və daxili canqi vəy qətey,İslomi deşımınon de məğlubiyyəti dimbədim ome.bo ım mevzu vey ruşin bıeyro,ımi bə yod dənoey lozıme ki,İslomi həmməysə ğəddorə deşmınonku qıləyni bıə şərği Romə imperatorəti be ki,İslomi ləşkəri tərəfiku əvon de qonə məğlubiyyəti dimbədim oməbin və çı İslomi ləşkəri tərəfiku bəvon ziyiodə zərbəon daxil bıəbe.əvon ısət qıləy çokə fırsətışon pəydu kardəbe ta  de bə İslom iyən mısılmınon həmlə kardey çəvon ıştə intiğomi bıstənon.məxsusən qıləy zəmon ki,İmom Həsən (ə) ləşkəri de muaviyə ləşkər dimbədi  omey xıəbə bə şərği Romə yolon quşi rəse,əvon hissışon karde ki.ısət çəvon çəş kardə fırsət omə rəsə və bəpe əvon boştə məğlubiyyəon əvəzi bekardero hərəkətkon və bə mısılmınon həmləkon.bın həsso və tale həlləkə şərayitədə İmom Həsən(ə) ki,bo İslom iyən mısılımınon xuni oqəteyro bıə qıləy xətərinə məsuliyyətış ehədədəş hestebe və de sulhi ğəbul kardey,çı İslomi dınyoku qıləy yolə xətər və təhlukəş bə diyəro karde. .....

Əmmo,muaviyə bəştə ğudrət tələbəti xısləti xoto,bə sulhi mığovilə əks ğərolış bekarde və yəzidış boştə vəliəhdış elon karde.həmonə yəzid ki,zərrə ğədərədə bo ın məğami qıləy səlohiyyət və ləyoğətış nıbe və de İmom Həsəni(ə)  vucudi ım ko mumkin nıbe.bə həmonə dəlili xoto,muaviyə de qıləy məkrinə plani de bə İmom Həsəni(Ə) jimoni həmro cu`də çandə sa həzo dirhəm doey,ə həzrətış məzlumonə zəhr doey bə şəhodəti məğamış rosne.de ım tərtibi viloyət və imoməti dəvom doey ko,tıbğe İlahi məşiyyəti bə Huseyn ibn Əli(ə) aspardey be.....

Həzrət Əli(ə) iyən həzrəte Fatmə(s) dıminə fərzənd İmom Huseyn(ə) Hicri-Ğəməri çominə sori Şəbonə manqi seminə ruji çı vəhy iyən imoməti mərkəzədə bə dınyo çəşış oj karde.çoko ki,İmom Huseyni(ə) vilodəti xəbə bə İslomi peyğombəri(s) quşi rəse,ə həzrət bə Əmirəlmuminin(ə) iyən ıştə əzizə kinə həzrəte Zəhro(ə) kə şe və dəsturış doe ki,tojə bə dınyo omə tifli bəçəy huzuri biyəyn.Əsma əvış bə qıləy sipiyə parçəş dəqəte və bə Rəsuli-Əkrəmi(s) xıdmərış varde.ə həzrət Huseynış(ə) bəştə vanqo qəteşe və bəçəy rostə quşi əzon iyən bəçəy çəpə quşi iğoməş hande......