Ilahi Rəhbəron-106

Ilahi Rəhbəron-106

Kufə  ibodəti mehrobədə Həzrət Əli(ə) şəhodəti bəpeştə,İmom Həsəni(ə) imomət bino be.İmom Huseyn(ə) bın vey saxt və bə xoş nıomə devrononədə çəy əzizə bıvə İmom Həsəni(ə) de muaviyə bıə nomə nıvştey səhnəonon vindedəbe.de tosə qıləy zəmoni ki,sulhi muğavilə bə İmom Həsəni(ə) ətrofədə bıə bebəsirətinə kəson xəyonəti və xəvaric iyən mınofiğon dəlili xoto,ə həzrəti de muaviyə sulhi sazişış imzo karde.İmom Həsən(ə) sulhi muğavilə bədiqə  çı Kufəku bə Mədinə şəhri şe və da sor əyo mande tayin ki,bə şəhodəri məğami rəse.İmom Həsən Mujtəbo(ə) bəfoti bəpeştə həzrət  İmom Huseyn(ə) imoməti zəmon bino be......

İmom Huseyn(ə) həm de muaviyə bə i zəmonədə bıə  da sornə jimoni zəmonədə hejo həmonə siyosətış bənav barde ki,çəy bıvə İmom Həsən Mujtəbo(ə) həmonə royədə hərəkət kardedəbe. Siffeyni canqi təcrubə və həmçinin bə İmom Həsən Mujtəbo(ə) cihodi səmt milləti dəvət kardey çok-çoki nışonış doe ki,canq qıləy zəmon ki,muaviyə cəmyəti əksəriyyətış bə dast dənoe,qıləy ro ni ki,bə islomi umməti məsləhəti əsos bıbu.Peyğombəri(s) hamyə:”Həsən iyən Huseyn har dıqləyni imomin.ısət çı əvon ğıyomkon ya ğıyom nıkon”-ım əsosə nuktə bəyon kardedə ki,qıləy imom ki,Xıdo tərəfiku vıjniyə bıə,Xıdo doə elmisə əlovə,jıqo qıləy barzə diroyət və bəsirətış hestebe ki,harkəs iyən har zəmonisə vey,çı İslomi dınyo məsləhəti təyin kardedəbe və bə zəmoni tələbon əsos stratejikə siyosətonku oko bıdon.....

İmom Huseyn(ə) çı sulhi ya çı canqi zəmonədə ya sukut ya fəryodi zəmonədə və ya ğıyomi ya sulhi zəmonədə bə həmonə şərayiti mınosib hərəkət kardedəbe.de qıləy co iborəti çı qırd imom iyən rəhbəron strateqiyə i formədən,əmmo de mıxtəlif nevə taktikaon.de jıqo qıləy nəzə İmom Huseyn(ə) çanədə ki,muaviyə bəyji be,bənə İmom Həsəni(ə) çı sulhamizə siyosətonku oko doydəbe.həlbəttə,çı bidət iyən zılmon mığobilədə tam jeydənıbe və əy tənğıd kardedəbe. əmmo, əsosə muşkil ım be ki,muaviyə zohirədə mısılmon be və iştimoyi fikış bəştə cəlb kardeyış zınəbe və çı mısılmınonku həxı çı botıliku co kardey ğudrətış çəvon dastiku sıəş be.....

Əli(ə) Nəhcul-Bəlağə kitobi pencominə xutbədə jıqo qıləy zəmoni şərhədə hamyedə:”çı fitnəon zuhur və buruz pəydu kardə zəmon,qıləy zəmone ki,bə nəfsani həvo-həvəson tabe beydən və hukmon çı bidəti çehrədə ıştəni nışon doydə.bın zəmonədə həxı çı botıliku co kardey vey saxt və çətine.qıləy holədə ki,ehanə həx çı botıliku co kardey və şəffof nəbu,həxı sima puşniyə bəbe və məxfi bəmande və əgər həx çı botıli soğnədə nımando,yavə sızan votə deşmıni zıvon ğət və bırniyə əbi.əmmo,bəzi vaxt həxı ibaxş de botıli umuj qıniyedə.şeyton bəştə duston iyən tərəfdoron təsəllut pəydu kardedə(və fəğət)ə kəson ki,bə İlahi lutf və inoyəti şomil beydə(çı botıli rıjiku suğut bıeyku)nicot pəydu kardedə......

Səthi nəzə soyb bıə kali dindoron çı coskəon dini ruf və botınədən,dayima bə dini zohiron bovə kardedəbin.bın zəmonədə həm əvon İlahi rəhbəron va doydən və bə muaviyə anqıl qıniyedən. əmmo,bəsirətinə dindoron ki,Xıdovəndi lutf bəvon şomil beydə,hətto iləzə həm İlahi sıratəl mustəğimku xaric beydənin və de nığlə əndişə və fiki çı bəni-uməyyə palnon rəsəd kardedəbin və de tosə jimoni iyən şəhodəti oxonə ləzə,ıştə məktəbi usulədə sabitğədəm mandin.muaviyə de şiddəti çın qrip ki,çəvon dəvəşə rəyis  Hucr ibn Ədi kindi be,çəyku tarsışon hestebe və bəy həssos bin,əve bə həmonə dəlili xoto,əv iyən çandə nəfər bəfodorə şəxsonışon bə şəhodəti məğam rosneşone.İmom Huseyn(ə) çı tel iyən dardnokə hodisəon mığobilədə hni tam jıey və sakit mandeyış cayiz nızıne və ıştə etırozi zıvonış oj karde.çın hərəkəti bəpeştə xəbərçin iyən casuson muaviyəşon vodor karde ta bə ə həzrəti hərəkəton nisbətədə qıləy nomə bınışvto