Ilahi Rəhbəron-108

Ilahi Rəhbəron-108

İmom Huseyn(ə) coqlə vırədə bə muaviyə xitob kardə holədə nıvışteydə:”qıləy nomədə votəbe ki,ehanə boştə coni iyən bo Muhəmmədi(s) din və umməti xoto orom bıbıştom,vey çoke ki,bəştı ələyh ğıyomkom. əmmo bızın ki,əgər bəştı ələyh bəhıştom Xıdovəndi palu qıləy barzə məğami soyb bəbem.və əgər detı cihodi tərkım kardə və sakit mandəm,zıneydəm ki,hərəbaxtəti iyən dıjdə feyz çımı dasto xaric bıə və bəpe mı məğfırət tələbkom və İlahi dərqoyku bıpyom ki,çımı ko bə səhmon dəno və mıni bə xoşbəxtəti səmt səbəroko”.nomə oxonə baxşədə  İmom Huseyn(ə) bə muaviyə hamyedə:”tı ıştəni bo İlahi intiğomi hozzıkə və bızın ki,Xıdo ıştə ədolətinə məhkəmədə tıni mıhokimə bəkarde.həmonə məhkəmə ki,tıni dəbəqəte,ıştı qırd bə inson iyən dini zidd bıə hərəkətonış ğeydış kardə”.....

Çoko ki,zikr kardemon İmom Huseyn(ə) ıştə stratejikə  metodonədə ıştə əzizə bo İmom Həsəni(ə) roon dəvom doydəbe.yəni çoko ki,ə həzrət noçor mande çı silohinə ğıyom iyən mıborizəku dastış kəşe,İmom Huseyn(ə) həm bəştə botıni meyli əks bo İslom iyən vəhdəti  əbədi baği mandey iyən beqınoə insonon xuni rukardey vəy qətey xoto,de bənə muaviyə bıə hiyləgəri ğərəz sulh kardey həni co qıləy roş nımande. çıro ki,muaviyə bın zəminədə vıjniyə həlli roy,həmonə siyosəti bə yod dənoydə ki,firon çı ilahi peyğombər bıə həzrəte Mosə(ə) mığobilədə vıjniyə və qətəşbe.firon jıqo nışon doydəbe ki,quya əv qıləy dindore ki,çı dini əvəz bıeyku norohəte.əmmo Mosə(ə) ın norohətçətiş nıbe.binobərin çı milləti çəşi mığobilədə firon islohtələbəti məzhər beydə və Mosə(ə) beydə camiyədə fısğo-fəsodi pevolo kardə kəs. muaviyə ıştəku de jıqo qıləy du iyən hiyləgərə siyosəti təkror kardey nışon doe və ıştə cəsorətış bə qıləy vırə rosneşe ki,bə İmom Huseyni(ə) voteşe ki,çı fitnəku dast bıkəşo.liza İmom Huseyni(ə) bə muaviyə nomə cəvobədə qıləy ğətiyyətinə cəvobış doe və hamyeşe:”tı bəmı sıfarış kardedəş ki,fitnə nıkom.mı ıştı hukumətisə bəpe qıələy fitnə zıneydənim”.....

İmom Huseyni(ə) çı muaviyə zəmonədə jimoni barədə bə ın vırə rəsimon ki,ə həzrət hiçvaxti çəy zılm iyən sıtəmon mığobilədə sukutış nıkarde və bitafutin nıbe.min cumlə Hicri-Ğəməri 58-ə sori yəni çı muaviyə çın dınyoku şıey 2 sor bənav İmom Huseyni(ə)  Həcci mərosimi zəmonədə və Mina sərzəminədə ğəhrəmon və etırozinə xutbəonədə ruşinə bəyonon ımi təsdığ kardedə.çın xutbə əhəmiyyət ıme ki,ım xutbə çı çı Ənsariku bıə hafto qıləy şəxsi,çı tabeyinonku dı sa nəfər və çı Bəni-Haşımiku se sa nəfəri huzurdədə votey be.qıləy zəmon ki,ım həzo nəfərinə millət çı qıləy soğnə jiyədə cəm bin,İmom Huseyni(ə) çı həmdo-səno bədiqə sıftədə bə muaviyə siyosəton olani işorə kardə holədə hamyedə: ”əmmo bəəd.ım tuğyongərə şəxs deəmə iyən deçəmə şiəyon qıləy rəftorış kardə ki,şımə həmmə vindəyone və bəy şoydiyon.az həm ısət şıməku dəparseydəm,ehanə az rostım votə şımə ımi təsdığkənən və əgər dum votə təkzibkənən”.peşo ə həzrəti hamyeşe:”şımə bə Xıdo şımə gərdənədə bıə həxı ğəssəm dodyəm,bə Xıdo-Rəsuli(s) həxı və çımı deşmə peyğombəri bıə nezəti xoto,şıməku tələb kardedəm ki,çımı ımrujnə sıxanon punhon və məxfi oməqətənən və çımı votə sıxanon bo cokəson bəyonkənən”…..