Ilahi Rəhbəron-110

Ilahi Rəhbəron-110

Qırd ım vıronədə həmməkəson etırof kardeşone ki,bə Xıdo ğəssəm jıqoye ki,şımə hamyedon.ə həzrəti oxoyədə həzrət Əli(ə) fəziləton coqlə baxşon nəğl kardey bəpeştə hamyeşe:”aya etırof kardedon ki,Xıdo-Rəsuli(s)  ıştə oxonə xutbədə hamyeşone:”mı şımə miyono dıqlə boho ğeymətinə çi baği noydəm,Xıdo kitob iyən çımı Əhli-Beyt(ə).ehanə bə ım dıqlə çanq bıjəniyon,hiçvaxti bə zəlolət niebəqıniyon. həmməkəsi bə ico voteşone ki,bə Xıdo ğəssəm jıqoye ki,şımə hamyedon.peşo ə həzrəti əvonış ğəssəm doe ki,Peyğombəre-Əkrəmiku(s) məsəşon ni ki,hamyəşe:”hakəs qımon kardedə ki,mış piyedə,qıləy holədə ki, Əli(ə) deşmın bızıno,du votedə.mumkin ni ki.de Əli(ə) deşmın bıbuş,mıni bıpiyo,(əmmo) mınış piyedə. qıləy şəxsi bə ə həzrəti voteşe:ha Xıdo-Rəsul ha! Boçi beydəni?ə həzrəti hamyeşe:zira Əli(ə) mıku iyən mı həm çı Əlikum.hakəs Əliş bıpyo və mış piyə və hakəs mış bıpyo,Xıdoş piyə vıə hakəs de Əli(ə) deşmınətiko,demı deşmınətiş kardə və hakəs demı deşmınətiko,çı Xıdo deşmıne”.əvon həmmə oxonə dəfə voteşone ki,bə Xıdo ğəssəm ki,məsəmone….

Bə şəhidon sərvər Huseyn ibn Əli(ə) muhimmə xutbə dığğət kardə holədə,əv həm mığəddəsə Mina sərzəminədə və çı ziyodə səhobə,tabeyin iyən Bəni-Haşımi huzurədə,ım sıvol çı zehniku dəvardedə ki,çıro həzrət anədə jıqo bə həzrət Əli(ə) fəziləton təkyəş karde və çı həmməkəsonku boştə sıxanon etırofış se.

Bə torıxi sənəd və mədrəkon əsos,dəlil ıme ki,muaviyə kardeyış zınəbe de kali hədisi raviyon tətmi` iyən şini doey,çı həzrəte Əli(ə) mızəmmət kardey barədə ziyodə rəvoyətonış pesoxte ta çə həzrəti çehrə xərobko.peşo əmrış karde ta qırd Məkkə,Mədinə iyən islomi co muhimmə şəhr və vıronədə bə ə həzrəti nəhlət bıvoton.bədast dənoə bıə iyən sodəlovhə millət ıştə nımoj iyən cımə nımojon bəpeştə bə həzrət Əli(ə) dıjmon doydəbin və səbb kardedəbin.jıqo ki,bə qıləy nəğli əsos,çoko ki,Əmirəlmuminin Əli(ə)  çı Kufə məçiti ibodəti mehrobədə bə şəhodəti məğami rəseyədə,kali fərdon voteşone ki,bəqəm Əli(ə) həm nımoj votedəbe ki,məçitədə şəhid be? Binobərin İmom Huseyn(ə) həzrəte Əli(ə) fəziləton nəğl kardyədə,əv həm çı ziyodə səhobə və tabeyini huzurədə,məğsəd ım be ki,çı həzrət Əli(ə) dəvəşə simaku pardə peəqto və çı muaviyə tərəfiku pesoxtə bıə du və təlbison bərməlo və oşkoko....

İmom Huseyn(ə) həmçinin deştə ım xoş və ruşinəkə sıxanon dılış piyə bə səhobə,tabeyin iyən bə Bəni-Haşımi huccəti təmomko ta həni ikəsi bo Əhli-Beyti(ə) hərim və xanedani mıdofiyə kardeyro hiç qıləy bəhonə vırəş nımando və nıvoton ki,əmə zınəmon ni və ehanə zınəmon be şımə kənoyədə əmandimon.bənə ımi qıləy səhf və beəsosə istidloli ki,kali nəzə soybon İslomi sədrədə və aşurə ğəhrəmonəti zəmonədə bəy istinod kardəşone ki,muaviyə zəmonədə millət islomi peyğombəri(s) devronışon vindənıbe,həzrət Əli(ə) adilonə hakimiyyətiku jəqo həm qıləy xəbəşon nıbe və muaviyə həm zohirədə de ıştəni bənə mısılmoni bardey,bə həzrət Əli(ə) zidd hevujə surətədə təbliğotış barde və çı peyğombəri(s) əhli-beyti(ə) kin-kudurəti donəş çı milləti dılonədə kaşteşe.binobərin millət təbiiye ki,çı həzrət Əli(ə) iyən çəy fərzəndon fəzilətonku xəbəşon nıbe,əve çı əməvi hukuməti kənoyədə de həzrət Əli(ə) və de İmom Huseyni(ə) canqışon karde.jıqo bızın ki,ın fərdon bəştə nəzəon əsos,dılışon hestebe çı bəni uməyyə məxsusən çı əbu sufyan,muaviyə və yəzidi və bebəsirətinə milləti ki,bə İslomi peyğombəri(ə)  xanedani ələyh ğıyomışon karde Siffeyni canqədə de həkəmiyyəti  ğəbul kardey nokoməti telə zəhrışon bə həzrət Əli(ə) komi ekardəşone,boəy bəhonə vardedən ta İmom Həsəni(ə) məcbur kardeşone qıləy sulh imzoko və Aşurə yolə fociyəşon bə əməl varde ta ımi həm qıləy addiyə ko cilvə bıdon.qıləy holədə deməkə ki,çı bənə səhobə və tabeyini aqahətiku ki,bə zəmon milləti miyono iştirokışon hestebe,təğribən si həzo nomə İraği milləti tərəfiku bo İmom Huseyni(ə) vığandey be və çə həzrətiku tələb kardey be ki.bə Şami səmt hərəkətko ta deçəvon koməki çı bəni-uməyyə rınə bıpəlon. binobərin hiç qıləy uzr iyən bəhonə nıbə holədə əvon  Xıdo-Rəsuli(s) Əhli-Beyti(ə) coyli haşteşone və və bəvon peştışon qordıne və əvon bə bəni-uməyyəcinoyətkorə hakimon pənoh bardeşone.həmonə həvopərəst iyən dınyo tələbə millət ki,həzrəte Zeynəbi(ə) iyən İmom Səccodi(ə) ruşinəkə xutbəon bədiqə çı ğəfləti haniku oğo bin və boştə xəyonəton və səhlənkoərti əvəzi bekardey xoto,bənə təvvabin iyən moxtari ğıyomonışon bərpo karde..