Ilahi Rəhbəron-112

Ilahi Rəhbəron-112

İmom Huseyn(ə) ım mevğıyyəti xəbə,bo qırd insonon min cumlə bo Əhli-Beyti(ə) rostəvıjə tərəfdoron ım be ki,qıləy dindor və İlahi iyən insoni barzə hədəfon təəhhud ğəbuləkə və bəfo kardə kəs,hiçvaxti bə bəşəri həxon rioyət nıkardə  və de fısğo-fucuri məşğul bıə qıləy hakimiyyəti mığobilədə təslim və bəçəy əmron tabe nibəbe.əv çə həmonə zolımon təhdidonku qıləy tarsış nibəbe. Jıqo İlahi şəxsiyyəton bə həmonə dınyopərəstə ğudrətontətmi və şini doey bovə nibəkardeyn və bəvon tabe nibəbeyn və de ğətiyyəti iyən oşkoə surətədə çəvon mohioyyəti bərməlo və ifşo bəkarde....

Əmə həmmə znıeydəmon ki,torıxi təcrubəon nışonış doə ki,siysoəti dıno dimbədim omey əksəriyyət bə ğudrəti canq və çəvon fərdi iyən qrupi formadə bıə mənfəəton hifz kardey  vıə çıəvon ıştə mevğıyyəti təsbit kardey bıə və bın zəminədə ıştı anti insoni hərəkətonku dastışon kəşəni.İmom Huseyn(ə) bo yəzidi ğudrət tələbəti hədəfi nışon doeyro,mərvan ibn həkəm ki,yəzidi zoə muaviyə bədiqə de bəni-uməyyə çominə xəlifə nomi  bə huklumət rəse,de qıləy mınofiğ iyən riyokorə hərəkəti,ıştənış bənə qıləy xeyrxahə insoni nışon doeyro bə İmom Husyeni(ə) jıqoş ərz karde:məsləhət ıme ki, şımə bə yəzidi beyətkənən!.ə həzrət çəy bo ğərəz İslomi nığo doeyro co qıləy hədəf nıbey nışon doeyro,hamyeşe:”əmmə həmmə bə Xıdo məxsusimon və bəçəy səmt obəqardemon”.(ehanə az  şımə bəştı təklifi əməlkom) bəpe çı islomi fatihə handey bıbu ki,mısılmınon bənə yəzidi qıləy rəhbərəti giriftor bıən.əmmo,bızın ki,mı ıştə cədd Xıdo-Rəsuliku(s) məsəməe ki,hamyəşe:”xilofət bə əbu sufyoni xanedani hərome”....

İmom Huseyn(ə) deştə ın mevğıyyəti nışon doeyış piye ki,ə həzrət nəyinki,bə yəzidi,bəlkəm çəy əməvi xanedaniku hiçkəsi bo İslom iyən mısılmınon xəlifə bıey həxış ni,əvon ım barzə məğamışon ğəsb kardə və bə Xıdo-Rəsuli(s) fərmayişi əsos,ım mənsəb və məğam bəvon hərome.çımisə əlovə bə əbu sufyon iyən bəni uməyyə xanedani de İslom iyən peyğombəri(s) bardə mıborizəon dığğət kardeyədə,mışohidə beydə ki,əvon ıştə de islomi barzə mıborizədə i ləzə və an hıəm sakit mandənin və ıştə dasto omə har qıləy koşon bə vırə rosneşone.İmom Huseyn(ə) hamyeşe:əgər bənə yəzidi qıləy rəhbər bəsə hukuməti məsnəd və taxtisə bınışto,jəqoədə bəpe çı islomi fatihə handey bıbu,zira çəy ğərəz islomi məhf kardey co qıləy hədəfış ni.torıxi fakton həm ımi bəyon kardedə ki,əbu sufyon və çəy zoə muaviyə Məkkə fəthi bədiqə boştə coni hifz kardeyro İslomışon ğəbul karde.əmmo,çoko ki,əvon ijən bə ğudrət rəsin,bo İslomi çı miyoniku bardero ıştə qırd imkonat və ğıvvonku okoşon doe.çoko ki,muaviyə  bəştə saray odəmonku qıləyni sıvoli ki,dəparseşe muaviyəku tı ki,bəştə qırd hədəfon rəsiş və Bəni-haşimı çı xilofəti çəxıku xaric karde,çən boçi ijən çəvon coniku dast kəşeydəniş? Muaviyə fəryodış kəşe və voteşe:ıştı moə bəştı əzo bınışto.bəqəm vindedəniş ki,çı məçiton əzon doə vıronku Muhəmmədi(s) nom rost beydə? mı ta ın omi dəfn nıkom,orom nibənıştem”.....