Bəsirət və Ummət iyən Viloyəti əhd-peymoni ruj
Bəsirət və Ummət iyən Viloyəti əhd-peymoni ruj
Bəsirət və Ummət iyən Viloyəti əhd-peymoni ruj
Həşi 1388-ə sori Dey manqi 9-ə ruji yəni 2009-ə sori dekabrə manqədə İronədə bəsirətin iyən dayima səhnədə bıə millət,qıləy əzəmətinə ğəhrəmonəti ofəyeşone.çı çandə milyon insoniku iborət qıləy ğəhrəmonəti ki,İslomi inğılobi hədəfon və ayətullah Xameneyi himoyə kardey royədə icod kardeşone.bın ruj,qıləy dıjdə ruj ki,çı milləti deştə rəhbəri miyono ijən sənibəton əhd-peymon bastə be və bənə qıləy ğurur ofəyə zərrinə vərəği,inğılobi kitobədə ğeyd kardey be.bın dıjdə ruji inğlobi torıxədə de bəsirət və de viloyəti sənibəton misoğ və əhd-peymon bastey nomi əbədi mande.qıləy ruj ki,çı ironıjə viloyətmədor, ğeyrətmand,muminə milləti bəsirət və şuuri nışonış doe və ımi jıqo əzəmətin təcəllişon pəydu karde ki, həzrət ayətullah Xameneyi hamyeşe:”ehanə çandə sa kərə bo ın milləti ağılmandəti neməti xoto şukri səjdə bıkoş,ijən kame”.
Jıqo qıləy ruji İroni millət,kişvəri səviyyədə boştə rəhbər,inğılob iyən dini etığodon himoyə kardero bıə etırozinə mitinqonədə qıləy çandə milyonə ğəhrəmonəti ofəyeşone və bə İslomi deşmınon nışon doşone ki,hiçvaxti çı islomi inğlob iyən çəy rəhbəriku ki,deəvon qıləy nığıl iyən penıssiyə rabitə mevcude,dastışon nıkəşe.....
Milodi 2009-ə sori prezdenti vıjnemoni zəmonədə İronədə qıləy kandidatori ray və sədo nıvardeşe.çəy ray ım be ki,səçınədə pesoxtəkorəti bə əməl omə.joqo ki,jıqo bızın çı naviku qıləy plan hozzı kardey bıəbe ta oxoyədə bə kuçə və xiyobononədə bıə etırozinə mitinqon boyis be və iştimoyi fik və zehnonədə de səçınədə soxtəkorəti şuori icod kardey,ıştə həvodoronku ıştə nomizəti himoyə kardey tələbışon karde. fitnə yolon kişvəri daxilədə de qıləy bəyoniyyə səçınədə soxtəkorəti bıey elon kardeşone və ım etırozinə akisiyəonışon himoyə karde.qıləy holədə ki,boştə kardə sıxanon hiç qıləy dəlil və sənədışon nıbe.əvon bə dast dənoə bıə cəvonon bə kuçəon omey və iğtişoşon icod kardero təşviğ kardedəbin və deştə sıxanon çı hərcı-mərcəti otəşışon şoləvər kardeşone.co tərəfiku həzrət ayətulla Xamenyi çı sıftəku cıvonon iyən millətiku bəsirətin iyən zıneyış tələb karde və çın iğtişoçon pardə peştono xarici daston bıeyku sıxanış vote.amerkə prezdent obama oşko bo bə dast dənoə kəson ıştə himoyə mesajış vığande və çə həmonə kamə odəmonku piyeşe ki,bəştə ın iştişoşon dəvom bıdon.seoniston və avropə kali yolon məxsusən ingilistoni iminə vəzir de surəti ıştənış çın etırozəkəyon himoyədorış elon karde və ıştə himoyəş əyoni surətədə nışonış doe....
De ğərbi informasiyə vositəon iyən çı marziku kəno bıə sfera təhriki və hətto daxilədə bıə mınofiğon xətt nışon doey,de surəti vıjnemonədə soxtəkorəti iyən “çəmə rayon bə dumo oqordınənən” şuor bə kəno şe və əvon bə islomi respublikə nizomi əsl və prinsipon,bəçəy rəhbər iyən mığəddəsə hədəfon həmləşon karde.həni şuoron əvəz bin və Fələstin iyən Mığoviməti cəbhə himoyə kardə şuoron əvəzi,”nə ğəzzə və nə Livan” şuoronışon doe və həmçinin de bə rəhbərəti iyən viloyəte-fəğihi zidd şuoron doey çı iğtişoşon otəşışon şoləvər kardeşone.həmonə kamə odəmon deştə şuoron vanq jıey,nışonışon doe ki,çəvon iyən çəvon xaricədə bıə himoyədoron çın iğtişoşonku bıə əslə hədəf,vıjnemonədə soxtəkorətisə bəpe,islomi respublikə nizom və çəy idealone,nəyinki,səçınədə soxtəkorəti...
