Ilahi Rəhbəron-115

Ilahi Rəhbəron-115

Seyyiduş-Şuhəda Imom Huseyn ibn Əli (ə) çı yəzid ibn muaviyə bə hukumət omey bədiqə koon idorə kardedəbe.ə həzrət Mədinə şəhriku xaric bıey bədiqə,de namə canqi roy vositə bo umum milləti hodisəon bəyon kardedəbe və deştə xısusi vindemonon,xutbəon handey və noməon nıvıştey çandə qılə qəmonış ğande.ə həzrət qahi vaxti de Xıdo-Rəsuli(s) Əhli-Beyti(ə) mənəvi,elmi iyən əxloği məğam və fəziləton şərh kardey məşğul be və qıləy zəmon ki,ə həzrəti çı əməvi xanedani məxsusən çı muaviyə və yəzidi mohiyyəti barədə həyğəton foş kardedəbe və nışon doydəbe ki,çə həzrəti bəy beyət nıkardey dəlilış,usuli iyən əsosə ixtilıofonədə zıneşe.İmom Huseyn(ə) həxı bərğərol kardey fikədə be.əmmo çı yəzidi hədəf botılə cəbhə zumand kardey be.

İmom Huseyn(ə) bo İslomi baği mandeyro fik kardedəbe və yəzid çı islomi məhf kardey dumo be.İmom Huseyn(ə) çı məzlumon nicot doey və ədoləti bərpo kardey fikədə be,əmmo yəzidi hukumət bə zılm iyən fəsodi əsos be.binobərin bo de yəzidi saziş iyən beyət kardero hiç qıləy ro mandə nıbe.həmməysə vey muhimm və tale həlləkə mevzu ım be ki,İmom Huseyn(ə) çı insonon hidoyət və ozavziye fikədə be ta çəvon dınyo iyən axırəti obodko,əmmo yəzid səy kardedəbe ta çı insonon axırəti vironko  və əvoni bə Xıdovəndi vəş qətə və odəmi sutunə cəhəndımi səmt bıbardo......

Bə Şiyə yolə alim şeyx Səduğ(ə)-i iyən Xətib Xarəzmi nəğli əsos,ikəs bə Huseyn ibn Əli(ə)-i xıdmət rəse və çə həzrətiku İsra mıborəkə surə hafto iminə şərifə ayə təfsiri barədə ki,hamyedə:”yəvmə.....sıvolış karde ki,ğıyoməti ruji har qıləy millət və ğovm bəştə rəhbər iyən imoni səmt vanq kardey bəbeyn,mənzur və məğsəd çiçe? İmomi(ə)çəy cəvobədə hamyeşe:”qıləy imom iyən rəhbər ki,milləti bə rostə roy və bə Xıdo bandəçəti səmt dəvət kardedə və iqlə dastə ğəbul kardedən və bəy tabe beydən.coqlə rəhbər ki,camiyə bə inhirof iyən suğuti tərəf şıkırneydən və idastə həm bəy pemandedən”.peşo İmom Huseyn ibn Əli(ə) bə Şura mıborəkə surə 7-ə şərifə ayədə hamyedə:”fəriğun...iminə dastə vəhıştədən və dıminə dastə bə cəhəndım daxil bəbe”....

Binobərin həzrəte Muhəmmədi(s) vardə əslə islomi fərhənqədə imom iyən rəhbəri vıjniye  bıə mevzu, fəğət sırfən qıləy etığodi,iştimoyi iyən siyosi mevzu ni.bəlkəm,ım vıjnemon de insoni əbədi dınyoədə bıə tale və sərnıvışti rabitəş heste.bə İlahi rəhbəron tabe bıə kəson,bə vəhışti daxil bəbeyn və bə fosid iyən sıtəmkorə hukuməton pemandə kəson bə əbədiyə cəhəndıımi varid bəbeyn.İmom Huseyn(ə) bo insonon bə cəhəndımi rıji səmt eqıniye vəy qəteyro,çəvon çı cinoyətkor iyən zolımə hukuməton mığobillədə mandə təhlukəninə məsuliyyəti tərsim kəşeydə və hamyedə:ha millət ha!Xıdo-Rəsuli(s) hamyəşe:”hakəs de sıtəmkorə hakimiyyəti dimbədim ome ki,Xıdo həloli hərom kardedə və İlahi əhd-peymoni darışteydə və de peyğombəri(s) sınnət və şıə roy mıxolifətko və Xıdo bandəon miyono çı qıno zəminəon hozzıko, əmmo jıqo qıləy zolımə hakimi mığobilədə qıləy  sıxan votey nızınə,mıxolifət kardey nızınə və çəvon mığobilədə mığovimət nışon nıdoə kəson,bə İlahi mığəddəsə zoti vocibe ki,jıqo qıləy betafutinə insoni çı həmonə bə cəhəndımi daxil kardə tuğyongərə fərdon məğamədə ğərol bədoe.beşək ehanə toıxi dırozi qıləy camiyədə çı sıtəmkorə hakimiyyəton mığobilədə mandə və mığovimət nışon doə və çəvon təhdidonku tarsə nıkəson bıəbin,ımruj çı irtico iyən zılmiku xəbə nıəbi və çı milləton sərvəton ğarət kardey və canq iyən xunrukardeyku qıləy əsər-əlomət nıəbi......