İlahi əsma

İlahi əsma

Xəbir xəbəri kəlməkuye.bo xəbə ərəbi zıvono dıqlə mənoədə oko doey bıə.qıləyni elmi və coqləyni naməti iyən sıstəti mənoədəy.çoko ki,bə qıləy kaştevoni ki,bə zəmini şum jeydə,xəbir votedə.çıro ki,əv zəmini bo beməyon bejero nam və hozzı kardedə.əmmo,luğətşınoson əksər ım dıqlə məno iqlə mənoədə cəmışon kardə və votedən:xəbir,qıləy xəbədoə alime ki,çı məlumoton rişəku xəbədoe.bə şum jıə kaştevoni bəçəy xoto xəbir votedən ki,ıştə məzə və sahə qırd məxfiyə vıronku komilə xəbəş heste və ko zəmonədə həmmə çiyon ıştə nəzorəti jiyədə oqəteydə.Xıdovəndi Xəbir nom həm çın həyğətonku hikoyət kardedə ki,əv hestemoni aləmi bəçəş nıçiyə və zohir bıə qırd çiyonku xəbədoe və eyni zəmondə və komil və səhihə surətədə  həmmə çiyon zıneydə və qıləy təsəllutış heste.Xıdovənde-Xalığ Furğani mıborəkə surə 59-ə şərifə ayədə hamyedə:”əlləzi....həmonə(qıləy Xıdo)ki,osmonon iyən zəmin və çın dıqlə miyono bıə çiyon,şəş ruji(şəş ruji devronədə)ərzədə ofəyəşe.peşo (ğudrəti)ərşədə ğərolış qəte(və de dınyo tədbiri koy məşğul be,Əv)Rəhmone.çəyku bıpyi ki,həmmə çiyonku xəbdoe”......

Xəbir Xıdovənde-Mutəali husna və veyçokə nomonkuye ki,çılı penc kərəsə vey Kərimə-Ğıronədə oko doey bıə.Kərimə-Ğıroni kali ayəonədə ım ism çı Əlimi nomi kəno omə.Xıdovənde-Aləm Hucurati mıborəkə surə 13-ə şərifə ayədə hamyedə:”İnnə əkrəmə.....Xıdovəndi palu şımə həmməysə əzizə qılə, şımə həmməysə təğvaninə qıləyniye.Xıdovənd əzın və aqahe”.bə Kərimə-Ğıroni kali təfsirəvonon əğedə əsos,Xəbiri kəlmə ziyodə umumiyyətış bıə Əlimi kəlməsə vey xasse.Əlim Xıdovəndi mıtləğə elmiku hikoyət kardedə və Xəbir yəni bəştə bandəon cuzi holon və məxfiyə koon və qırd sırron və həğəton aqah  bıey və nəzorət kardeye.çoko ki,Təhrimi mıborəkə surə 3-ə şərifə ayədə hamyedə:” və iz əsərrə...və çun peyğombər deştə jimoni həmroonku qıləyni məxfiyə sıxanış vote və çoko ki,əy əvış(bə coqlə jeni) xəbəş doe və Xıdo(ıştə peyğombərış)çəyku xəbədoş karde.(peyğombər) çəy iqlə baxşış izhor karde və və(bə coqlə) baxşi dim qordınışe.çən,çunki,(mətləbış)bə həmonə(jeni)xəbəş doe,əy voteşe:”kom kəsi ın xəbəş bətı doe? voteşe:Aqahə Zınəkəsi bəmı xəbəş doe”.....